KULUSIYA 2:8 - Bible Zulgo

⁸ Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.

KULUSIYA 2:8 Iomraidhean Croise

Mata 10:17

Kaslum ba kurum tsireŋŋè i təv gà mburma ya, aɗaba a pat ŋgiɗ ka, ti ta gese a kurum, ti de à kurum a aka miɗ seriye, ti ta gezlere a kurum i ga mahàmà a Mbulum tar a.

Mata 16:6

Yesuw a gwaɗa a tar: «Gwim metsehe lele, agəra giɗe gà Farisa nda biy gà Saduki ana a kwasawa à duwa ya.»

Mata 7:15

I dəba ŋa ya, Yesuw a gwaɗa a tar asa: «Kaslum ba kurum i təv gà ɓəzla məma à guma Mbulum ana nda pàrsa ya. Ti dere a a təv kurum a ka, zukum zukum kamala gà təmaŋ a. Tsaatsa i huɗ ba tar ka, ti ndzikiɗ ba gà də̀var ana ta pèpìɗ a mburma ya.

Gà Ɓəzla Meslire 17:18

Gà wele duwa a riŋ i kwite ata mbaŋa. Zləm tar gà *Epikuriya nda *Situkiya. Tar ka, gà ɓəzla meɗe à fəla ana ti ɗe a dər a mburma ya. A pat duwa, gà asiŋ ŋa ana i liwiŋ tar a, tə dza ba aà mege bazlam nda gà Pul asa. Gà mìsle ŋgiɗ ta gwaɗawa: «Dukùla na naha a ɗeme a dze ka, kà sərakwa tsiye?» Gà asiŋ ŋa ibam, ta gwaɗawa: «A ɗif a ka, à gà zləm mbulum ana kà sərakwa ilik tsiye.» Ti tsik ahər gà bazlam ata ka, aɗaba ana Pul a riŋ a tsik a ka, aà Yesuw nda mimbile ŋgar ana a mbəlara i məməta ya.

Gà Ɓəzla Meslire 17:32

Aləka gà mburma ata tə tsaraka bazlam Pul ata a ɗif à wele ana a mbəlara i məməta ya ka, gà mìsle ŋgiɗ tə dza ba aà sawla, ti sewle ahəriŋa. Gà asiŋ ŋa ta gwaɗar: «Ki ti tsik a mər a guma bazlam ata a pat ŋgiɗ asa.»

RUMA 16:17

Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.

1 Kurintiya 10:12

Aɗaba taŋa, wele ana a gweɗe a, waytsà iye mehìtsè ŋa ika vatwa Mbulum dzèŋŋe ya ka, say ma ge metsehe, tsəka, a ti dìɗ a ika vatwa Mbulum a.

1 Kurintiya 8:9

Kurum ka, ki ziwim a gər kurum aà mazəma gà duwa ya tserdze kamala ana a sàs a kurum a dukw kurum. Ama kəla ka, gwim metsehe lele, tsəka, gà na tàa sime ika vatwa Mbulum zukw tsiye ka, ti ta ge a bakal aɗaba kurum.

2 Kurintiya 10:5

Dite mìi mbete a à bazlam gà mburma ana tə sə̀ŋgə̀rawa à ba tar, ta hìndìk a a vatwa a mburma, dite ka, tə sər Mbulum nda ndzer tsiye tserdze. Dukw ana mìi tsik a ya ka, a sàs a mər mburma ta miyak à madzala gà gər tar ana ŋgwala tsiye, dite ta gəs ahəm aà Kiristi ivaɗ.

GALATIYA 1:14

I huɗ madzala gà gər gà ata ya ka, i za dər gà asiŋ gà màndàla gà hinne, na nda mazazama fəla gà Yahuda ya. I vəl ba gà fit a məpala ahəm gà tsir mər, i ge ka, tèrihhwè lele.

GALATIYA 4:3

I təv kwa kinehe tekeɗe ka, kataya mbaŋa. Akahər ana kà nekwa kamala gà ɓəza mba ya ka, kwa mandza ŋa kamala gà ɓele ya, na i ahər gà sitene ana ta kwere a gər ahəɗ a ya.

GALATIYA 4:9

Ama kinehe ka, kà sərum Mbulum kuɗa. Ŋgulum i gweɗe a ka, Mbulum aka sər kurum ivaɗ. Assàh, dite meme na ki mbiɗwim a gər a dukw sitene ana taf masakəŋa, ndzəɗa iɗəm tsiye asa ya? Aàmala na a sàs a kurum mene gà ɓele tar asa dze ya?

GALATIYA 5:15

Ama na bəla ki geywim be a swalwa kamala gà dukw dala ana gà ŋgwala tsa, hə̀ràsə̀sa ta ŋgeleye a ba tar ŋa, kige tsa ta pepeɗe a ba ya ka, gwim metsehe lele, tsəka, ki ti dzeywimiŋa.

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

EFESIYA 4:20

Ama kurum ka, Yesuw Kiristi aka tsik a kurum kamala taŋa ya tsa.

EFESIYA 5:6

Aɗaba gà dukw ata ka, ŋgwal ŋa tsa fit, Mbulum a ge a arəv aà gà mburma ana ta gəs bazlam ŋgar tsiye. Aɗaba taŋa, wura ma ta baza a kurum za nda welewele bazlam ana taf masakəŋa ya tsa.

FILIPIYA 3:2

Gwim metsehe nda təv gà na ta gewa dukw ana ŋgwal ŋa tsiye, ti ne kamala gà kəra ya, haraŋgaf haraŋgaf, dite ti tsetsef a duwa a mburma, ta gweɗe a ter a ka, sasayum ba ya.

KULUSIYA 2:18

Aɗaba taŋa, ka tə dzum zləm a dukw ana gà mburma ta gweɗe a ka, waytsà gà mər ŋa, dite a sàs a tar metsike a kurum aà dukw ana ki gwim a ya tsa. Ama gà mburma ata ta gweɗe a ka, say məvəla ba mesewere are, nda mazàmbàɗà à gà gawla Mbulum, na ŋgwal ŋa ya. Dite ti tsikewa ka, aka gər dukw ana ta gwa, waytsà mi ŋgatar i sunwa ya ya kəla pat pəra. Medzìbe gà mburma ata ka, ŋgakŋgakəkka tə sə̀ŋgə̀rawa à ba tar taf masakəŋa, nda madzala gà gər gà mburma ana ika gər ahəɗ a ɗekɗek.

KULUSIYA 2:20

Kurum kà sərum ka, kàa matum akaba nda gà Yesuw Kiristi a təv ilik ŋa. Kamala taŋa ya ka, gà sitene ta kwere a kurum asa tsa. Assàh, na kataya ana, aàmala na ki ndzwim a kamala kurum gà mburma ana ti zezem a gər ahəɗ a hiywe mba ya? Dite aàmala na ki zezemwim a gà məpala ahəm ata, ta gweɗe a kurum a ka:

KULUSIYA 2:22

Na a dzeŋge a gà məpala ahəm ata ka, mburma ɗekɗek. A dara ka, i madzala gà gər tar a pəra, tsəka, i təv Mbulum a tsa. Aɗaba gà dukw ata tàa ləm ahər tserdze ya ka, ti ndze a tsa, ŋgulum ta ge a dər megemir pəra.

KULUSIYA 2:23

Malahalah ŋa, gà mburma ti dzele a ka, ta gweɗe a: Məpala ahəm ata ka, kamala dukw ana a vile a metsehe a mburma hinne ya, aɗaba ana ta fàr akaba ndzəɗa aà mazazama fəla tar tèrihhwè, nda mahə̀nà à gər a bəɗ, nda gà məvəla ba mesewere are hinne mbaŋa. Ama tsaatsa, gà məpala ahəm ata ka, taf masakəŋa, biy na a ge a ŋgulum a mburma, dite ka, a kwere a dər meèweke ba ŋgar ɓav tsa.

1 TIMUTE 6:20

Ana mà Timute: Kasla megemir ana Mbulum a vəlak a ahər a lele, manəsa bazlam ma tə dara i bazlam yak a tsidze. Ka tə dza zləm a bazlam gà mburma ana ti tsik a ka, ta gwa i tar ka, metsehe, tsaatsa ŋgwal metsehe duwa tsiye ka, ma tə dara i bazlam yak a tsidze mbaŋa.

2 TIMUTE 3:13

Taŋa gà mburma ana ta gewa duwa ŋgwala tsiye, nda gà na ta bene a mburma nda pàrsa ya ka, tì sìrìk a tsàkàlàk i təv Mbulum a, ti de a dər aka miɗ aka miɗ. Ta bene a gà mìsle ŋgiɗ, dite tar ŋa tekeɗe, gà mìsle ŋgiɗ aaha ta bene aɗəm a tar ŋa mbaŋa.

IBƏRANIKWA 13:9

Ka tə dzum zləm a gà dukw ana ti ɗif a kurum dər pampam, dite a de a à kurum a ika vatwa kurum ana ndzer ŋa ya tsa. Aɗaba ŋgwal ŋa ka, na ki ŋgetekewe a ndzəɗa a gəzləŋ ɓəŋɓəŋ lele i təv ŋgwal Mbulum ana a ge a kwa ya, tsəka, məpala ahəm gà mburma ana ta gweɗe a, zəm naha, kige tsa, ka zəm naaka tsiye ka, taf masakəŋa. Ki gwim gər a taŋa tsa. Medzìbe gà mburma ata ti zezem a gà dukw ata ya ka, a ge a ter a ŋgulum ɓav tsa.

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.

1 PIYER 1:18

Kinehe kurum kà sərum ka, Yesuw Kiristi aka mbùrùɗara kurum i fəla gà tsir kurum ana taf masakəŋa, ti ɗif a kurum a dər a. A mbùrùɗara kurum i gà dukw ata ya ka, nda dukw ana à nis a kamala siŋgwe ya tsa.

2 Piyer 3:17

Ama ka, a kurum gà masla gà ana i waya kurum hinne ya: Yàa tsik a kurum aba ya. Aɗaba taŋa, gwim metsehe lele, tsəka, gà mburma ata ta gəs ahəm aà Mbulum tsiye ka, ta bene a kurum aà mazazama dukw bakal tar ata, dite ka, ka miyakum à təv mendze kurum ana ŋgwal ŋa, a ɓezle a tsiye.

2 Yuhana 1:8

Aɗaba taŋa kinehe ka, gwim metsehe, megemir kurum ana kì geywim tserdze ya ka, ma ti ne taf masakəŋa tsa. Ama ka, ɗum, ki ŋgetwim a dukw mayaba kurum ata Mbulum a gwa, i vile a kurum a ya fit dze ivaɗ.