KULUSIYA 2:5 - Bible Zulgo

⁵ Sərum dər ka, ku mege iye riŋ i təv kurum tsa, iye diriŋ aà kurum a tekeɗe, madzala gà gər gà ka, a riŋ i təv kurum kəla pat. I ŋgaya ba hinne, aɗaba ana i tsaraka ka, ki zezemwim a Mbulum tèrihhwè ndaka vatwa ŋa lele, dite gəzləŋ kurum ibam, a ndze a ɓəŋɓəŋ i təv megìse kurum ana kə̀ gəsum Yesuw Kiristi ya ya.

KULUSIYA 2:5 Iomraidhean Croise

Gà Ɓəzla Meslire 2:42

Tar ata tserdze ya, tə dzawa zləm a guma ana gà ɓəzla meslire Mbulum ata ti ɗifewa a tar dər a ka, lele nda metsehe. Tə ndzawa ba ka, say i təv ilik ŋa. Tə zəmawa ɗaf tekeɗe, i təv ilik ŋa asa. Dite ta hamawa aà Mbulum tekeɗe ka, i təv ilik ŋa asa mbaŋa.

Gà Ɓəzla Meslire 20:21

I tsikewa a gà Yahuda nda gà mburma ana tar gà Yahuda tsiye, dite ta mbəɗ à gəzləŋ tar, a təv Mbulum, dite ka, ta gəs Yesuw Kiristi BATSAH kwa ŋa nda gəzləŋ tar.

1 Kurintiya 11:34

Na wura a riŋ may a wir a ahər a ka, say ma zəmara aba ɗaf ŋgar i ma ya dzekwiŋ, na dite mayahaba gər kurum ana ki yehwimebe a ya ka, Mbulum a ta gis a dər kurum a seriye ŋgar asa tsiye ya. Ama gà asiŋ gà bazlam ŋgiɗ ana kà wizwim a, i ti ɗif a kurum a dər ka, say i təv ana Yàa ndzeha a təv kurum a dzekwiŋ.

1 Kurintiya 14:40

Ama dukw ana ki gwim a tserdze ya kəla ka, gwim tèrihhwè ndaka vatwa ŋa lele hiywe.

1 Kurintiya 15:58

Aɗaba taŋa, gà damər gà ana i waya kurum hinne ya. Ndzum ka, nda ndzəɗa ɓəŋɓəŋ lele, ka ti yum ba tsidze. Gwim megemir Yesuw BATSAH kwa ŋa ka, nda gəzləŋ ilik aka miɗ aka miɗ. Kurum kà sərum, megemir ana ki gwim a aɗaba ŋgat a ka, a ne a taf masakəŋa tsa.

1 Kurintiya 16:13

Ndzum ka, nda metsehe lele. Dite megìse kurum ana kə̀ gəsum ŋgwal bazlam ata nda gəzləŋ ilik a ka, ka dum dər aka miɗ aka miɗ. Arəv ma da aà kurum a tsa, gəzləŋ kurum ma ndza ka, ɓəŋɓəŋ lele.

KULUSIYA 2:1

A sèsiŋ ka, ki sirwim a dər, meme na i mər aba hinne aɗaba kurum gà mburma Mbulum ana i Kulusiya ya, nda gà na i Lawdikiya ya, dite nda gà asiŋ gà mburma ana pampam tàa ŋgetiŋ zukw tsiye ya.

1 TESALUNIKE 2:17

Gà damər mər, i təv ana mì mah ba, mì da aà kurum a ka, kàa kə̀vum a mər hinne. Mì da aà kurum a, i ŋgat a kurum a tsəka, nda are ɗekɗek pəra. Ama i gəzləŋ mər ka, kamala ana mər mandza ŋa i təv kurum a hiywe. Mì yahawa vatwa ka, hinne na mì waya məfə̀rà aka kurum asa ya.

1 TESALUNIKE 3:8

Na kurum ihər ki dwim a ika vatwa Mbulum lele ka, a ŋgeyewe a mər a ba i gəzləŋ hinne.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

IBƏRANIKWA 6:19

Dukw ata ki vevekwe a nda gəzləŋ ilik a ka, à gis a kwa lele, na dite gəzləŋ kwa à gìrìv a ika miɗ ŋgar asa tsiye. Aɗaba taŋa na ki tèkwe a a təv ŋgwal ŋa ata tsəɗaŋŋa, Mbulum iɗəm a. Suɓtùh ki pìtsekwe a nda liwiŋ petek ata a kaha biye hərmaga ata ŋgwal ŋa ya, aà mendze nda gà ŋgat i fata.

1 PIYER 5:9

Dzìrìk hitswim aka miɗ ŋgar nda ndzəɗa megìse kurum ana kə̀ gəsum Mbulum a gəzləŋ kurum a. Aɗaba kurum kà sərum, gà asiŋ gà damər kurum ana ika vatwa Mbulum, ku mege i ŋga ika gər ahəɗ tserdze ya ka, tar riŋ tì sèwèr a are kamala kurum a mbaŋa.