KULUSIYA 1:7 - Bible Zulgo

⁷ Kà lah metserekwim bazlam ŋgwal ŋa ata i təv Apafəras a. Ŋgat ka, wele ana mì waya ŋgat hinne, mìi ge a meslire Yesuw Kiristi i təv ilik ŋa ya. A ge a meslire Yesuw Kiristi i liwiŋ kurum ka, nda gəzləŋ ilik. A ge a ka, avukw mər.

KULUSIYA 1:7 Iomraidhean Croise

Mata 18:29

Wele aaha kìrìk a dzar gurmits a bəɗ aka miɗ ŋgar a fata. A gwaɗar:

Mata 24:45

I dəba ŋa ya, Yesuw a gwaɗa a tar asa: «Nwim ka, kamala mala megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a ɗifer a à ga ŋgar a ahər, a vile a ɗa dukw mezime a gà mburma ana i ma ŋgar a ka, tits ndaka vatwa ŋa lele.

Mata 25:21

Mala ga ŋgar a gwaɗar:

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

1 Kurintiya 4:2

Ama kəla ka, wele ana mala ga ŋgar aka məsakar à duwa a ahər a ka, a waya ŋgat ma ne ka, mala ndzer.

1 Kurintiya 7:25

Ka wizwim aà iye bazlam agəra gà magamza ana ti ndzeye a ya, nda gà dəm ana tàa da a zal ilik tsiye mbaŋa. Dukw ana i tsik a ya ka, i tsarakara ka, i təv Yesuw Kiristi BATSAH kwa ŋa ya tsa. I tsik a ka, dukw ana i dzala nda madzala gà gər gà ya ɗekɗek. Ama ŋgulum ka, ki dzwìmiŋ aaka a zləm mbaŋa, aɗaba iye ka, mala ndzer, agəra ana Yesuw Kiristi BATSAH kwa ŋa a giŋ ŋgwal ŋa ya.

2 Kurintiya 11:23

Tar ta gweɗe a asa mbaŋa ka: «Mər ana gà ɓəzla megemir *Kiristi tsiye?» Ama iye tekeɗe ka, kamala taŋa ya mbaŋa asa. I za dər akaba tar kətəɓ kweleŋ kəla. Iye ihər i fèfil a taŋa ka, kamala ana Yàa be a dala ya. Aɗaba Yàa ge megemir ata ka, hinne, a za biy tar. Dite tàa tike iye a daŋgay ka, sik diŋ, a za biy tar asa. Ta gə̀zlawa iye hinne, i ndzawa ka, kamala ana iye i ɗa məməta ya sik diŋ, a za biy tar asa mbaŋa.

EFESIYA 5:21

Kurum ana ki zlìbwim a à Yesuw Kiristi ya ka, hənum ba à gər a bəɗ.

FILIPIYA 2:25

Kurum ka sərum damər kwa Apafaruditus, dite ŋgat mala meslire kurum ana kà slərumara ŋgat a təv ga ya ya, na dite à zlèk a iye i təv dukw ana a slewa aà iye hinne ya. Iye nda ŋgat ka, maa ge akaba megemir hinne i təv ilik ŋa. Maa ge akaba gùvəl məma, aɗaba Mbulum. Ama kinehe, i gwa ka, ŋgulum i slirehe a ŋgat, i me a dərraha a təv kurum.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

KULUSIYA 4:7

Tikikus na a me a kurum a dər tserdze ka, meme na i ndza kinehe kuɗa ya ya. Ŋgat ka, damər kwa ana kà wayakwa ŋgat hinne ya. Aɗaba a riŋ a ge a megemir BATSAH kwa ŋa ka, nda gəzləŋ ilik mbaŋa. Mìi ge a megemir ka, mər məma, aɗaba Yesuw Kiristi.

KULUSIYA 4:9

I slirehe a tar ka, tar nda Unesimus, kəla gà kwite kurum. Ŋgat tekeɗe ka, damər kwa ana mandərkwasla kwa, kà wayakwa ŋgat lele ya, a riŋ zezem a Yesuw Kiristi ka, nda gəzləŋ ilik mbaŋa. Tar sula məma, ti tsik a kurum a dukw ana a ge ɗa ba i faha ya.

1 TIMUTE 4:6

Na ki ɗif a à bazlam ata a gà na ti ne gà damər yak ika vatwa Mbulum a ka, ki ne a mala megemir Yesuw Kiristi ŋgwal ŋa ndzer. Dite gà bazlam Mbulum ana kə̀ gə̀sakwa, nda gà guma ŋgwal ŋa ana ki zezem a kamala dukw mezime ana kər riŋ ihər ki zim a kəla pat a ka, tì sìkèhek a à ndzəɗa yak aka miɗ aka miɗ.

2 TIMUTE 2:2

Bazlam ana akahər ata kà tsarakawa i təv ga ya, ika miɗ gà mburma hinne ya ka, mà dər a gà mburma ana tar gà ɓəzla ndzer ŋa ya, dite ka, tar ti sle aà mimè a dər a gà mìsle ŋgiɗ mbaŋa ya.

FILIMUN 1:23

Apafəras ana mər mandza ŋa ɗa i daŋgay məma, aɗaba Yesuw Kiristi ya ka, a gekaha wusa mbaŋa.

IBƏRANIKWA 2:17

Aɗaba taŋa, ku mege i təv dukùla ya tserdze ka, say a ne à ba ŋgar kalkal ba gà damər ŋgar a dzekwiŋ, na dite ti ndzer are tsehe ya, a ne *batsah mala mandəva kuɗa a Mbulum aà mege megemir ndaka vatwa ŋa ika miɗ ŋgar mbaŋa. A ge dər kataya ka, aà məbàrà dər bakal aà mburma ya tserdze, dite ka, tə sər akaba ahəm nda gà Mbulum.

IBƏRANIKWA 3:2

Mbulum na a zla ŋgat aà megemir ata ya. Ŋgat tekeɗe, aka ge ka, kalkal ndaka vatwa ŋa lele kamala Musa ana a ger megemir ndaka vatwa ŋa akahər ata ika magər gà mburma ana i ma ŋgar tserdze ya.*fa*