KULUSIYA 1:16 - Bible Zulgo

¹⁶ Aɗaba Mbulum a ge dukw tserdze ka, nda ahər ŋgar: Gà dukw ana i gər ŋa ya, nda gà dukw ana ika gər ahəɗ a mbaŋa. A ge ka, gà dukw ana a ŋgeter a ba nda are ya ɗekɗek tsa. Ama a ge ka, gà dukw ana a ŋgatar ba tsiye mbaŋa. Kamala megweɗe ya ka, gà dukw ana gà ndzəɗa tar riŋ hinne i gər ŋa ya, gà gawla Mbulum, nda gà Əbay tar ŋana tserdze. Gà dukw ata Mbulum a geye tar tserdze ya ka, nda ahər Kiristi, Kəla ŋgar, dite a dza tar a ahər ka, a Kəla ŋgar ata mbaŋa asa.

KULUSIYA 1:16 Iomraidhean Croise

Yuhana 1:10

Ŋgat ɗa ika gər ahəɗ. Ama ku mege Mbulum a ge gər ahəɗ nda ahər ŋgar tekeɗe ka, gà mburma ana iɗəm a, tə sər ŋgat tsa.

Yuhana 1:3

Mbulum a ge gà dukw tserdze ka, nda ahər ŋgar. Duwa ilik na Mbulum a ge nda ahər ŋgar tsiye ka, a riŋ tsa.

RUMA 11:36

A ge riŋ tsəka, aɗaba ŋgat na a ge duwa tserdze ya. A kesliŋa, a ger a gər asa mbaŋa. A ge dukw ata ka, a ba ŋgar. Zàmbaɗakwa à ŋgat aà biybiy. *Amin.

RUMA 8:38

Aɗaba i sər ndzer, duwa a riŋ na à ses a ikaba kwa nda meweye ŋgar ana a waya kwa ya ilik tsidze. Ku mege məməta ana ki metekwe a ya, kige tsa, mendze kwa ana ki ndzekwe a nda are ya tekeɗe ka, pampam tsa. Ku mege gà gawla Mbulum ana nda Əbay tar, dite nda gà dukw ana tserdze, ndzəɗa tar a riŋ hinne i gər ŋa ya tekeɗe, ti sle a aà mege duwa, na dite ti ses a ikaba kwa ya tsa. Ku mege gà dukw ana ta ge a ba kinehe ya, ndəna a ta ge a ba aka miɗ mba ya tekeɗe ka, ti sle a aà mege duwa tsa mbaŋa.

RUMA 9:5

Tar ka, i gwala gà bàba gà ɓəza Abəraham batsah tsir tar ana akahər ata ya. Yesuw Kiristi ibam, a ɗe aba kamala mburma ya ka, i gwala tar a mbaŋa. Ŋgat na Mbulum a. A ndze a ika gər gà dukw tserdze. Zàmbaɗakwa à ŋgat aà biybiy. *Amin.

1 Kurintiya 8:6

Ama ku mege kataya tekeɗe, i təv kwa ka, Mbulum ka, ilik pəra. Ŋgat na Tsir kwa ya. Gà dukw ana ika gər ahəɗ tserdze ya, tə dara ka, i ahər ŋgar a. A ge kwa mbaŋa, na dite kinehe kwa gà biy ŋgar a. Kamala taŋa ya, BATSAH kwa ŋa tekeɗe, ilik pəra mbaŋa, kamala megweɗe ya ka, Yesuw Kiristi. Mbulum a geye gà dukw tserdze ka, nda ahər ŋgar. Ki ŋgetekewe a mesife awiya ŋa ka, i təv ŋgar a mbaŋa asa.

EFESIYA 1:10

Dukw ata Mbulum a ti ndìv a dər ka, a pat məpàslà ahər ŋgar ana a tsik a. A gewe akaba a gà dukw ana i gər ŋa ya nda gà dukw ana ɗa ika gər ahəɗ a tserdze a təv ilik ŋa. A dze a ahər a Yesuw Kiristi, dite a ne a Əbay ŋa.

EFESIYA 6:12

Ama gùvəl ana ki gekwe a ya ka, nda gà mburma məfàrà ŋa tsa. Ki gekwe a ka, nda gà dukw ana ika magər gà mbulum nda gər ahəɗ, a ŋgeterebe a tsa, ndzəɗa tar riŋ hinne ya. Kamala megweɗe ya, nda gà sitene, nda gà Əbay tar ana tserdze tar ihər ta kwere a gər ahəɗ aaha manəsa ŋa ya.

FILIPIYA 2:10

A ge dər kataya ka, na dite gà dukw ana a ge tar tserdze ya, tàa tsaraka zləm Yesuw ka, ti dere a, tì dzer a gurmits a bəɗ, tì zèmbeɗe a à ŋgat, ku mege gà na i gəza mbulum, nda gà na ika gər ahəɗ a, kige tsa, gà na i təv gà məməta i biye tekeɗe ya.

KULUSIYA 1:15

Wura a sle a aà meŋgete a Mbulum nda are tsidze. Ama Yesuw Kiristi ana gà mburma ta ŋgatar a ka, a ndzikiɗ ba kalkal kamala Mbulum a. A ɗif a kwa dər, meme na a ndza ya ya. Ŋgat ka, malkwara. Mendze ŋgar ka, piŋŋe, à gər ana Mbulum aka ge gà duwa zukw tsiye.

KULUSIYA 1:20

A sàs a Mbulum mbaŋa ka, Kəla ŋgar ma sər ba à gà dukw tserdze nda ŋgat, gà dukw ana ika gər ahəɗ a, nda gà na i mbulum i gər ŋa ya mbaŋa. Kamala taŋa ya, a waya ka, gà dukw ata ti ner are asa tsa, tə ndza ika miɗ ŋgar zayzay lele ivaɗ. A ge dər kataya ka, agəra məməta Kəla ŋgar ana a dza à məmbəz ŋgar aà dizl magə̀làwà ŋa ya.

KULUSIYA 2:10

Ŋgat ka, Əbay ika gər gà gawla Mbulum nda gà Əbay tar ŋa ana tserdze ya. Na kurum riŋ mandza ŋa i təv ilik ŋa nda ŋgat ka, gà dukw ana i təv ŋgar a ka, tàa ne gà biy kurum mbaŋa.

KULUSIYA 2:15

I təv ana Yesuw Kiristi a mət aà dizl magə̀làwà ŋa ata ya ka, ndzawndzaw a ndzək dukw ahər aà gà sitene ya, nda gà Əbay tar ana gà ndzəɗa tar a riŋ hinne ya tserdze. A mba aà tar. A ndaɗa aka tar hwarwa ika miɗ mburma tserdze.

IBƏRANIKWA 1:2

A fàfəlawa kataya, haa tsikw a ndzera aà mendze kwa aaha kinehe mandəvandəv ŋa ya. Ama kinehe a fàfəl a kwa ka, nda bazlam Kəla ŋgar kuɗa. Nda ahər Kəla ŋgar ata, na Mbulum a ge gà gəza mbulum nda gər ahəɗ a. Ŋgat asa mbaŋa na a zla ŋgat a, dite ka, dukw tserdze ma ge biy ŋgar.

IBƏRANIKWA 2:10

Mbulum na a ge dukw tserdze ya. A ge ka, a kesle a mbaŋa. Kərga taŋa ya, lele na i təv ŋgar a, a sasar Yesuw a sèwèr a are, na dite a sime a nda təv gà dukw tserdze ya. A ge kataya ka, dite gà mburma hinne ti ne gà ɓəza ŋgar, ta ŋget a ndzəɗa ŋgar ana tì zlibe a dər a mbaŋa, aɗaba Yesuw na a ndze a ter a aka miɗ, a mbil a à tar a.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.