KULUSIYA 1:12 - Bible Zulgo

¹² A sèsiŋ ka, ki gwim a kəkaaha a Mbulum Tsir kwa kəla pat nda gà maŋgayaba ata i gəzləŋ kurum mbaŋa asa. Aɗaba ŋgat na a vəl a kurum vatwa, na dite ki ta ŋgetwim a dukw ana ŋgwal ŋa, a ti dzeye a a gà mburma ŋgar a ya. Dukw ata ka, i təv dzaydzay ŋgar ana i gər ŋa, à div a hinne ya.

KULUSIYA 1:12 Iomraidhean Croise

Mata 25:34

I dəba ŋa ya ka, iye Əbay, i gweɗe a a gà na ika tsèke ahər mezime gà ya:

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

Yuhana 4:23

Ama pat ŋgiɗ a deriŋa, kamala megweɗe ya ka, aka mbər mendzera, ama ka, Mezite Mesife Mbulum a vile a ndzəɗa a mburma aà mazàmbàɗà à Mbulum Tsir gà nda ndzer ŋa nda gəzləŋ ilik, aɗaba a sasar ka, na tì dzer a gurmits a bəɗ kataya ya.

Gà Ɓəzla Meslire 20:32

Kinehe ka, i ɗif à kurum a a ahər a Mbulum, dite nda bazlam ŋgwal ŋgar ana kà ndzumar dər are tsehe ya. Ŋgat ka, ndzəɗa ŋgar a riŋ aà masəkaha à megìse kurum ana ki giswim a dər ŋgat a, dite aà mivile a kurum gà dukw ŋgar ana tserdze, a gwa: I ta vile a a gà mburma gà ya.

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

RUMA 11:17

Kamala taŋa ya, dizl duwa a riŋ, ŋgwal ŋa biy mezime, tə sàsara iɗəm tsèke ahər ŋgiɗ a. Tə daha, tə sàsara aɗəm ahər dizl ɗaf ŋgiɗ i dala ya taf masakəŋa, tə dzavaya aaka. Aɗaba taŋa, kurum gà mburma ana gà Yahuda tsa, kà nwim ka, kamala ahər dizl ɗaf ata, tə sasara i dala ya taf masakəŋa, tə dzava aaka ya. Dukw ŋgwal ŋa ana gà Yahuda ta ŋgat a ka, kurum kinehe tekeɗe, kàa ŋgatum mbaŋa, kamala ahər dizl ɗaf ana dzəŋdzəŋ a ŋgat ndzəɗa, a sara yam i ba batsah ŋana ya ya.

RUMA 15:27

Tə dzala taŋa ka, ika magər tar. Ama ndzer kaɗəŋ, mazlàkà gà mburma ata ka, ŋgwal ŋa. Aɗaba tar tekeɗe, kamala megweɗe ya ka, ta mà akaba à dukw ŋgwal ŋa ana Mbulum a tsik a tar i sida ya, a gwa, i ta vile a kurum a ya, nda gà na gà Yahuda tsiye. Aɗaba taŋa, lele na gà na tar gà Yahuda tsiye, tì zlèk a gà Yahuda ata i təv dukw ana a sle aà ter a ya ya.

RUMA 8:17

Kàa nekwa gà ɓəza Mbulum kaɗəŋ. Kamala taŋa ya, ki ŋgetekewe a dukw ana ŋgwal ŋa, a tsik i sida ya, a gwa, i ta vile a a gà ɓəza gà ya. A ta vile a kwe a ka, kamala ana a vəl a Yesuw Kiristi ya mbaŋa. Aɗaba na kàa gə̀sakwa mesewere are ana Yesuw Kiristi a sèwèr a ka, ki ta ŋgetekewe a mezlibe ana tì zlibe a à ŋgat a mbaŋa.

RUMA 9:23

Dite a gà asiŋ ŋa ibam, a sasar à pèt a ter a à ndzəɗa ŋgar ana a za duwa tserdze, tì zlibe a dər a. A waya mege a tar ŋgwal ŋa, a zal a tar dər ka, daga piŋŋe na aà ta ŋgat ndzəɗa ŋgar ata ya.

1 Kurintiya 8:6

Ama ku mege kataya tekeɗe, i təv kwa ka, Mbulum ka, ilik pəra. Ŋgat na Tsir kwa ya. Gà dukw ana ika gər ahəɗ tserdze ya, tə dara ka, i ahər ŋgar a. A ge kwa mbaŋa, na dite kinehe kwa gà biy ŋgar a. Kamala taŋa ya, BATSAH kwa ŋa tekeɗe, ilik pəra mbaŋa, kamala megweɗe ya ka, Yesuw Kiristi. Mbulum a geye gà dukw tserdze ka, nda ahər ŋgar. Ki ŋgetekewe a mesife awiya ŋa ka, i təv ŋgar a mbaŋa asa.

1 Kurintiya 9:23

Dukw ata i ge a tserdze ya ka, na dite bazlam ŋgwal ŋana ma da aka miɗ aka miɗ a. A sèsiŋ ka, i ŋget a dər mipìsè ahəm Mbulum ana a pisiŋ a ya, mər nda gà asiŋ gà mburma ana ta gəs bazlam ata tserdze mbaŋa ya.

2 Kurintiya 11:14

Taŋa ka, ma ge aà kurum kamala dukw mene aà mburma ya tsa. Aɗaba pat ŋgiɗ Əbay sitene nda gər ŋgar tekeɗe ka, a ne a à ba ŋgar kamala ana ŋgat ka, gawla Mbulum ana a dara i təv dzaydzay ŋa ya mbaŋa.

2 Kurintiya 5:5

Mbulum nda gər ŋgar na a ge megemir i gəzləŋ kwa ya, aà kə ŋgatakwa ba awiya ŋa ata. A vəl a kwa Mezite Mesife ŋgar, dite ki sirekwe a dər ka, a ta vile a kwe a ba awiya ŋa ata mbaŋa ya.

EFESIYA 1:11

Mbulum a ge a duwa tserdze ka, kamala ana a sasar mege ya. Aka pala kwa daga piŋŋe kamala ana a tsik a. Kàa ŋgatakwa dukw ana Mbulum a dzala piŋŋe, a gwa, i ta vile a a gà mburma gà ya. Kə̀ ŋgatakwa ka, aɗaba ana kwa riŋ mandza ŋa i təv ilik na nda gà BATSAH kwa ŋa ya,

EFESIYA 1:18

I hemer a asa ka, dite mà hə̀ndə̀k a kurum are lele, kə ŋgatum a dukw ana a zal a kurum dər a mbaŋa. I hemer a asa mbaŋa ka, dite ka sərum dər, meme na dukw ata a ta vile a kurum a ka, ŋgwal ŋa hinne, a za gà dukw tserdze ya. A ta vile a dukw ata ka, a kurum nda gà mìsle ŋgiɗ ana gà mburma ŋgar a.

EFESIYA 2:18

Aɗaba kwa tserdze, ku mege gà Yahuda, ku mege gà Yahuda tsa tekeɗe ya ka, kə ŋgatakwa vatwa aà mesirikaha a təv Mbulum Tsir kwa ka, nda təv Yesuw Kiristi. Ama ki slekwe a aà mesirike a təv ŋgar ka, ndaka vatwa ilik ŋa nda ndzəɗa Mezite Mesife Mbulum.

EFESIYA 3:6

Dukw ata Mbulum a ɗif dər a ka, kurum gà mburma ana gà Yahuda tsiye tekeɗe, ki ta ŋgetwim a dukw ana a vile a a gà Yahuda ya mbaŋa. Kurum nda gà Yahuda ka, kàa nwim ba ilik. Aɗaba kurum tekeɗe, kurum i dukw ana Mbulum aka mbər megweɗe i sida ya ka, i ta vile a a gà mburma Yesuw Kiristi ya mbaŋa. A ta vile a a kurum a gà dukw ata tserdze ya ka, agəra ana kàa gəsum bazlam ŋgwal ŋana nda gəzləŋ kurum a.

EFESIYA 4:6

Mbulum tekeɗe ka, ilik. Ŋgat na Tsir gà mburma ana tserdze ya. A kwere a gà dukw ana tserdze ya, a ge a megemir nda tar, dite ŋgat a riŋ a ndze a i təv tar mbaŋa.

EFESIYA 5:11

Kà lə̀mum aà megemir gà mburma ana ta ge a megemir masakəŋa i luvuŋ a tsa. Ama ka, pàtum a tar à megemir tar ana ŋgwal ŋa tsiye parakkà aà are ivaɗ.

EFESIYA 5:20

Gwim kəkaaha a Mbulum Tsir kwa, agəra gà dukw ana tserdze ya ka, nda zləm Yesuw Kiristi BATSAH kwa ŋa ya. Gwimer kəkaaha kəla pat.

EFESIYA 5:4

A da dər tsa na ki ɗivwim a zləm a gà tsàpà, nda gà rawraw bazlam ana biy metsike tsiye. Ama say gwim kəkaaha ka, a Mbulum ivaɗ, aɗaba ŋgwal ŋgar ana a ge ya.

EFESIYA 5:8

Akahər ata ka, kurum mandza ŋa i luvuŋ. Ama kinehe ka, kurum i təv dzaydzay ŋa, aɗaba ana kurum mandza ŋa i təv ilik ŋa nda gà BATSAH kwa ŋa ya. Aɗaba taŋa, zazamum mede gà mburma ana i təv dzaydzay ŋa ya.

KULUSIYA 2:2

I mər aba kataya ka, aà məma a kurumaha à arəv, dite ka wayum ba ika magər kurum ilik ilik tserdze, ka gawum ba a təv ilik ŋa. A sèsiŋ asa mbaŋa ka, sərum dukw ana Mbulum a pàt a kwa dər ndərzayya aka gər Yesuw Kiristi ya lele, madzala gà gər kurum ma ta ge wàkit wàkit tsa, na dite ka, ŋgat a ge a kurum a ŋgwal dukw ana a za duwa tserdze ya. Dukw ata a pàt a kwa dər a ka, à Yesuw Kiristi.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

KULUSIYA 3:17

Dukw ana ki gwim a ya, ndəna ki tsikwim a tserdze ya ka, gwim nda zləm Yesuw Kiristi BATSAH kwa ŋa. Ki gwim kəkaaha a Mbulum Tsir kwa nda zləm ŋgar mbaŋa.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

IBƏRANIKWA 12:23

Kurum riŋ ka, i təv mayahaba gər gà ɓəza Mbulum ana gà malkwara ŋa, a wetse zləm tar i wakita ŋgar i gər ŋana akahər ata piŋŋe ya. Kà dumara ka, a təv Mbulum ana a ta ge a seriye gà mburma tserdze ya. Kà zazamum ka, gà mburma ana ti ne gà ŋgwal ŋa ika miɗ Mbulum, Mbulum a ne à tar gà tsəɗaŋŋa ya.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

YAKUBA 3:9

Nda arah kwa ata asa ka, kwa riŋ ihər ki zèmbeɗekwe a dər à Əbay Mbulum Tsir kwa mbaŋa. I dəba ŋa ya, nda arah ata asa hiywe ki ndeveyekwe a dər a gà mburma tserdze, ku mege Mbulum a ge tar, ti ndzikiɗ ba ŋgat tekeɗe ya.

1 PIYER 5:1

Kinehe ka, iye ihər i fèfil a a gà bàba ŋa ana ika magər kurum gà mburma Mbulum a. Iye tekeɗe ka, batsah ŋa mbaŋa. Na a ne mala sida mesewere are Yesuw Kiristi ka, iye ŋa naha. A pat ana Mbulum à mère a à Yesuw a təv kwa ya ka, gà mburma tì zlibe a à ŋgat parakkà aà are mburma tserdze. Iye tekeɗe, i ti zlibe a à ŋgat a hinne mbaŋa. Aɗaba taŋa, iye ihər i ge a kurum a kamkam:

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

Sunwa Yuhana 21:23

I samata ka, gà kiye nda pat riŋ tì div a i kwite ata asa tsa. Medìve tar ka, a ge a ŋgulum asa tsa, aɗaba ndzəɗa ana tì zlibe a dər à Mbulum a, na à div a i fataya. Dite Kəla Təmaŋ ata, na a ne lalampa i kwite ata ya mbaŋa.

Sunwa Yuhana 22:14

Kamala taŋa ya, maŋgayaba a ta ge a i təv gà na ta bereye a aà gà petek tar a tsəɗaŋŋa lele ya. Tar na ti ta ŋget a vatwa, aà mada a ŋgwal kwite ata ya. Dite tar asa na ti ta ŋget a vatwa aà mazəma mawà dizl ɗaf ata a vile a mesife a mburma ya mbaŋa.

Sunwa Yuhana 22:5

Həvəɗ ka, a ta ge a i fata asa tsa. Aɗaba gà pat nda lalampa ka, ti ta ge a ŋgulum asa tsa. Mbulum BATSAH kwa ŋa à gər ŋgar na à div a ka, a vile a ter a dzaydzay a. Dite tar ka, ti ta ge a Əbay aà biybiy.