KULUSIYA 1:11 - Bible Zulgo

¹¹ Mər ihər mìi hemer a mbaŋa ka, dite mə vəl a kurum ndzəɗa, ki ndzwim a ɓəŋɓəŋ lele, nda ndzəɗa ŋgar ana a za duwa tserdze ya. Kamala taŋa ya, ku mege ndeɗime tekeɗe, ki slwim a aà magəsa gəzləŋ i təv duwa ya tserdze, ki sìkèhwim a à mandza zayzay nda maŋgayaba i gəzləŋ kurum mbaŋa.

KULUSIYA 1:11 Iomraidhean Croise

Gà Ɓəzla Meslire 1:8

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Gà Ɓəzla Meslire 5:41

Gà ɓəzla meslire Mbulum ata tə dara i təv mayahaba gər tar ata ya, nda gà maŋgayaba, aɗaba ana Mbulum a gəs tar lele, a vəl a tar vatwa aà mesewere are agəra zləm Yesuw a.

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

1 Kurintiya 16:13

Ndzum ka, nda metsehe lele. Dite megìse kurum ana kə̀ gəsum ŋgwal bazlam ata nda gəzləŋ ilik a ka, ka dum dər aka miɗ aka miɗ. Arəv ma da aà kurum a tsa, gəzləŋ kurum ma ndza ka, ɓəŋɓəŋ lele.

2 Kurintiya 4:7

Mər ka, ndzəɗa mər a riŋ tsa. Mì ne ka, kamala mesigire dwaɗwa ana mbùrùf a keɗe a bise ya. Ama kəla ka, Mbulum aka tike ŋgwal dukw ata a gəzləŋ mər. Aɗaba a sasar gà mburma tə sər dər ndzer, ndzəɗa ana a za duwa tserdze biy megemir Mbulum a, a dara ka, i təv ŋgar a, tsəka, a dara i təv mər a tsa.

EFESIYA 3:16

Iye ihər i hemer a ka, dite Mezite Mesife ŋgar mə vəl a kurum ndzəɗa ka, ka mərum aaba ika vatwa ŋgar ɓəŋɓəŋ lele. Aɗaba ŋgat ka, a be gà dukw tserdze. Dukw ana tserdze ya ka, i ahər ŋgar.

EFESIYA 4:2

Hənum à gər kurum a bəɗ kəla pat. Dzum akaba ahəm lìfèɗìɗe lele, dite gəsum gəzləŋ i təv gà dukw ana ŋgwal ŋa tsa ika magər kurum a. Ama ka, wayum ba kurum ilik ilik tserdze ivaɗ.

EFESIYA 6:10

Ama dukw ana a zeha kinehe ka: Say mərum aba aà magəsa BATSAH kwa ŋana ndzəɗa ŋgar a za duwa tserdze ya.

FILIPIYA 4:13

I sər magəsa gəzləŋ i təv duwa tserdze ka, say nda təv Yesuw Kiristi ana a viliŋ a ndzəɗa ya.

2 Piyer 1:6

Ama ka, metsehe ɗekɗek tsa. Gəsum gəzləŋ i təv duwa ya tserdze mbaŋa. I təv ana kurum ihər ki kwerwim a ba kurum kamala taŋa ya ka, mərum aba. I təv məmərà aba kurum ata ya tekeɗe ka, gəsum ahəm aà Mbulum lele.

Yuda 1:25

Gekwar kəkaaha, aɗaba ŋgat ilik na Mbulum a. Dite ŋgat asa na a mbala à kwa nda ahər Yesuw Kiristi BATSAH kwa ŋa ya. Ku weke mà zlə̀b à ŋgat, a gweɗe a: Ŋgat ka, batsah Əbay. Mekwere ŋgar ana a kwere a ya ka, à ndìv a tsa, daga aà gər ana piŋŋe ya, ku mege kinehe ya, a ndze a ka, aà biybiy. *Amin.

Sunwa Yuhana 14:12

Aɗaba taŋa, kurum gà mburma Mbulum ana kurum ihər ki giswim ahər a ahəm, kə̀ gəsum Yesuw nda gəzləŋ kurum a ka, mərum aba. Gəsum gəzləŋ ɓəŋɓəŋ lele.