IBƏRANIKWA 9:8 - Bible Zulgo

⁸ Kamala taŋa ya, Mezite Mesife Mbulum ihər a ɗifewa dər ka, na dzə̀ɓər ga ata a mbera ya, a riŋ hiywe mba ka, vatwa ana gà mburma ti de a dər a huɗ ga ata tsəɗaŋŋa, Mbulum mandza ŋa iɗəm a ka, titstsè, mahə̀ndə̀kà ŋa iɗəm a zukw tsa.

IBƏRANIKWA 9:8 Iomraidhean Croise

Luka 1:80

Aləka a təv ana Yuhana ihər a gil a ba ya ka, metsehe ŋgar ibam, à sìkèh a aka miɗ aka miɗ mbaŋa. A ta megeha i dəba ŋa ya ka, a da i təv mburma ya, a da a kusak. Hiywe a ndzawa i fata, haa a pat ana a dza ba aà meslire ŋgar a, a ɗif à ba ŋgar parakkà lele a gà Isərayel kuɗa.

Yuhana 10:7

I dəba ŋa ya, Yesuw a gwaɗa a tar asa: «Iye ihər i gweɗe a kurum a nda ndzer, pàrsa iɗəm tsa: Iye i ne hərmaga dagara gà təmaŋ.

Yuhana 10:9

Iye na i ne biye hərmaga ya. Wele ana a de a a dagara ata nda təv ga ya ka, a mbiliŋa. A ŋget a vatwa mada aɗəm, nda madàra iɗəm a. Ŋgat ka, barbararra, kuɗa duwa a ger a tsa.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Gà Ɓəzla Meslire 28:25

I təv ana aləka ti deye a ikaba ya ka, ahəm a da a tar aaba tsa, ta mbetseba a ahəm hinne, agəra bazlam ata Pul a tsik a tar a. I dəba ŋa ya, Pul a gwaɗa a tar asa: «I samata ka, dukw ana Mezite Mesife Mbulum a tsik a gà tsir kurum ana akahər ata ya ka, kaɗəŋ ndzer, kamala ana a tsik a Ezaya, mala məma à guma Mbulum a.

GALATIYA 3:8

Akahər ata piŋŋe, ta wetse dukw ana a ta ge a ba aka miɗ mba ya, a wakita Mbulum ka, ta gwa: «A pat ŋgiɗ ka, gà mburma ana tə sər Mbulum tsiye, ta gis a ŋgat nda gəzləŋ tar, dite Mbulum tekeɗe, à gis a tar lele, a ne à ter a gà ŋgwal ŋa ika miɗ ŋgar.» Kamala taŋa ya, Abəraham a tsaraka bazlam ŋgwal ŋa ata ka, daga piŋŋe, i təv ana dukuməŋa aka ndze aɗəm zukw tsiye. Mbulum a gwaɗar ka: «I ta pise a ahəm a gà mburma ana ika gər ahəɗ tserdze ya, aɗaba kər.»*fb*

EFESIYA 2:18

Aɗaba kwa tserdze, ku mege gà Yahuda, ku mege gà Yahuda tsa tekeɗe ya ka, kə ŋgatakwa vatwa aà mesirikaha a təv Mbulum Tsir kwa ka, nda təv Yesuw Kiristi. Ama ki slekwe a aà mesirike a təv ŋgar ka, ndaka vatwa ilik ŋa nda ndzəɗa Mezite Mesife Mbulum.

IBƏRANIKWA 10:15

Mezite Mesife Mbulum tekeɗe, a riŋ a ɗif a kwe a dər parakkà, gà dukw ata ka, ndzer kaɗəŋ. Malahalah ŋa a mà ka, à bazlam Əbay Mbulum, a gwa:

IBƏRANIKWA 3:7

Aɗaba taŋa, Mbulum ihər a gweɗe a nda ahər Mezite Mesife ŋgar ka: «Na kàa tsarakum mifefile gà mbakum ka,

IBƏRANIKWA 9:3

Ika biye hərmaga mada a dzə̀ɓər masula ŋana ka, petek a riŋ madànà ŋa aà mbulum, tsikw a ndzera a bəɗ a mbaŋa. Dzə̀ɓər ga ata ka, təv ana tə zalar tsəɗaŋŋa biy Mbulum a, a za dər biy ŋgiɗ aaha.

2 Piyer 1:21

Aɗaba gà bazlam tar ata tserdze ya ka, a dara ka, i metsehe mburma ya ilik tsidze. Mezite Mesife Mbulum na a da a gəzləŋ tar a, na dite ti tsik dukw ana tə tsaraka i təv Mbulum a ya.