IBƏRANIKWA 9:7 - Bible Zulgo

⁷ Ama dzə̀ɓər ana i huɗ ŋa ya ka, say mala mandəva kuɗa a Mbulum ana batsah ŋa ya na a dawa aɗəm a. Ama a dawa aɗəm i huɗ mive ya ka, sik ilik pəra. I təv ana a de aɗəm a ya ka, a tə̀fawa dər məmbəz dukw ana ta kə̀ɗawa a Mbulum a, aà ahər a fata, dite ka, Mbulum mə̀ pəl à bakal ŋgar, dite nda gà bakal gà mburma ana ta gewa ka, tə sərawa aaba tsiye ya mbaŋa.

IBƏRANIKWA 9:7 Iomraidhean Croise

EFESIYA 4:18

Madzala gà gər tar ka, i luvuŋ. Tə sər dukw ana ndzer ŋa ya tsa. Mesife awiya ŋa ana Mbulum a vəl a ka, a riŋ i təv tar tsidze, aɗaba ana kuvəl i zləm tar a, ndàasun ŋana ka, na tə sər duwa tsidze ya.

IBƏRANIKWA 10:3

Ama tsaatsa, gà dukw ata ta batsawar a ka, na dite bakal tar ana ta gewa ya, mə̀ mà a tarra a gər a kəla mive ya ivaɗ.

IBƏRANIKWA 6:19

Dukw ata ki vevekwe a nda gəzləŋ ilik a ka, à gis a kwa lele, na dite gəzləŋ kwa à gìrìv a ika miɗ ŋgar asa tsiye. Aɗaba taŋa na ki tèkwe a a təv ŋgwal ŋa ata tsəɗaŋŋa, Mbulum iɗəm a. Suɓtùh ki pìtsekwe a nda liwiŋ petek ata a kaha biye hərmaga ata ŋgwal ŋa ya, aà mendze nda gà ŋgat i fata.

IBƏRANIKWA 7:27

Aɗaba gà asiŋ gà bàba gà ɓəzla mandəva kuɗa a Mbulum ŋgiɗ ata ka, ta batsawa duwa a Mbulum kəla pat. Malahalah ŋa ka, ta batsawa aɗaba bakal tar dzekwiŋ, dite i dəba ŋa ya, ta bets a aɗaba gà mìsle ŋgiɗ kuɗa. Ama biy Yesuw ka, kataya tsa. Ŋgat ka, a vəl ba ŋgar a Mbulum taf masakəŋa, sik ilik pəra, i təv ana ta kəɗ ŋgat a, tsam ka, tsuway tsara. Sik ilik ŋa ata ka, a sle aà biybiy.

IBƏRANIKWA 9:3

Ika biye hərmaga mada a dzə̀ɓər masula ŋana ka, petek a riŋ madànà ŋa aà mbulum, tsikw a ndzera a bəɗ a mbaŋa. Dzə̀ɓər ga ata ka, təv ana tə zalar tsəɗaŋŋa biy Mbulum a, a za dər biy ŋgiɗ aaha.