IBƏRANIKWA 9:27 - Bible Zulgo

²⁷ Kamala ana ku mege weke à mìt a ka, sik ilik pəra ya. Aka mət ka, dite i dəba ŋa ya, a de a aka miɗ seriye Mbulum kuɗa ya.

IBƏRANIKWA 9:27 Iomraidhean Croise

Luka 20:32

I dəba ŋa ya, məkəs ata tekeɗe, a mət asa mbaŋa.

Gà Ɓəzla Meslire 17:31

Aɗaba aka zla iɗəm pat ŋa ana a ta ge a seriye a mburma nda ndzer a. Seriye ata a ge a ya ka, nda ahər wele ana ŋgat ŋa a zla i liwiŋ mburma ya ya.*fa* A mbəlara à ŋgat i məməta ya, dite gà mburma tə sər dər ka, kaɗəŋ ndzer a.»

RUMA 2:5

Ama kurum ka, segeme i gər kurum hinne, a sàs a kurum məmbə̀ɗà à madzala gà gər kurum a təv Mbulum tsa. Kamala taŋa ya, kurum ihər ki sìkèhwim a ka, à ndzəɗa a seriye Mbulum ana à gis a dər kurum a. A pat seriye ata ka, Mbulum a pèt a à matsəɓatsəɓ ŋgar ndərzayya aka miɗ mburma tserdze. Dite à ses a ter a ikaba seriye ya ka, ndaka vatwa ŋa kalkal lele.

RUMA 5:12

Dukw ana a ge ba ya ka, araha: Mburma ilik a ge bakal, dite bakal ata a dara aka gər ahəɗ a. Mimbile i bakal a tekeɗe, nda ahər mburma ilik mbaŋa. Aɗaba bakal ata na mburma ta mete a ya. Kamala taŋa ya, məməta a ndze a, ku mege a ŋga, aka gər ahəɗ tserdze, aɗaba ana tar tserdze tàa ge bakal a.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

2 Kurintiya 5:10

Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are.

2 TIMUTE 4:1

Iye ihər i gik a kamkam ika miɗ gà Mbulum nda Yesuw Kiristi. Aɗaba Yesuw ka, wele ana a ta ge a seriye a mburma tserdze ya, ku mege gà na tar riŋ nda gà mesife ya, ku gà na tàa mata ya asa mbaŋa. Kər kà sər ndzer, a ta mèriŋa, na dite ka, a de a a mekwere ŋgar ana a ta kwere a ya.

IBƏRANIKWA 10:27

Wur ana a ge a kamala taŋa ya ka, say ma ge magəɗa kwàrkwàr hinne, aɗaba batsah seriye Mbulum ana a ta ge a ya ka, à gis a ŋgat. Dite batsah akwa ana ŋgarŋgar a ta wene a gà ɓəzla mene are Mbulum a ka, a wene aɗəm a ŋgat mbaŋa asa.

IBƏRANIKWA 6:2

Ki sle aà meɗekwebe a à bazlam metsìlwìɓè à mburma a yam, meme na metìkè ahər aka gər mburma nda zləm Mbulum a ɓav tsa, dite meme na Mbulum a mbil a dərra à mburma i məməta ya tsa asa, dite meme na ta ge a seriye aka gər mburma a pat mandəvandəv gər ahəɗ a ɓav tsa asa mbaŋa.

1 Yuhana 4:17

Na kà wayakwa tar nda ndzer ŋa lele kamala taŋa ya ka, aləka a pat seriye Mbulum ana a ta ge a kwe a ya ka, ki gekwe a magəɗa tsidze. Ki gekwe a magəɗa tsəka, aɗaba mendze kwa ana ki ndzekwe a ika gər ahəɗ kinehe ya ka, ar ka, kamala mendze Yesuw Kiristi ana a ndza ɗa ika gər ahəɗ a mbaŋa.

Yuda 1:15

A dere a ka, aà mege seriye aka gər gà mburma ana ika gər ahəɗ a tserdze ya. Seriye à gis a gà na tə sər ŋgat tsiye, aɗaba dukw tar ana ta gewar ŋgwal ŋa tsa pampam a, dite agəra gà bazlam ana ŋgwal ŋa tsa tserdze ti tsik ahər a mbaŋa.»

Sunwa Yuhana 20:11

I dəba ŋa ya ka, i ŋgataha a təv mendze Əbay duwa, a ndza herrè. Wele duwa a riŋ mandza ŋa ikəka. Gà gər ahəɗ nda gəza mbulum ta ge magəɗa kwàrkwàr hinne, silit tə tə̀z ihər a, dite ka, wura a ta ŋget a ter a ziwiɗ asa tsidze.