IBƏRANIKWA 9:26 - Bible Zulgo

²⁶ Na mege kataya tsəka, ana ka, a ŋgetewe a mesewere are hinne daga aà gər ana Mbulum a ge gər ahəɗ a. Ama ka, kataya tsa, aɗaba a dara kinehe ka, sik ilik pəra, aka mandəvandəv gər ahəɗ aaha kinehe ya. A vəl ba ŋgar ka, na dite sifek à pìl a dər à bakal gà mburma ana ta gewa ya, aà biybiy.

IBƏRANIKWA 9:26 Iomraidhean Croise

Mata 13:39

Mala swalwa ana a slige tìzèmiŋ ata ya ka, Əbay sitene. Masàsà daw ka, pat ana Mbulum à ndìv a à gər ahəɗ a. Dite na a ne gà ɓəzla masàsà daw ata asa ka, gà gawla Mbulum.

Mata 13:40

Kamala taŋa ya, a ne a ka, kamala mala gùvàh ana a haɓa tìzèmiŋ i daw ŋgar a ka, dite a wànà iɗəm a nda akwa ya. A pat ana Mbulum à ndìv a à gər ahəɗ a ka, a ge a dər kataya mbaŋa.

Mata 25:34

I dəba ŋa ya ka, iye Əbay, i gweɗe a a gà na ika tsèke ahər mezime gà ya:

Yuhana 1:29

Ndidwe ŋana ka, Yuhana a ŋgat a Yesuw a riŋ a dehe a a təv ŋgar. A gwaɗa a gà mburma ana i fataya: «Kəla təmaŋ ana Mbulum a vəl, ta kiɗ a aɗaba məpəla à bakal a mburma ya ka, araha, a deriŋa.*fd*

Yuhana 17:24

Tsir gà, a sèsiŋ ka, gà mburma ana kà dziŋ tar a ahər a ka, ti ndze a a təv ana i ti ndze aɗəm ya mbaŋa, dite ta ŋgetiŋ i təv ndzəɗa gà ana tì zlibe a dər à iye, kà viliŋ Əbay a. Kà viliŋ ka, aɗaba ana kà waya iye daga aà gər ana gər ahəɗ mege ŋa zukw tsiye.

1 Kurintiya 10:11

Mbulum a geye gà dukw ata tserdze ya ka, aà mibe à ɗaf a mburma, dite na ta ge metsehe ya. Ta wetse a wakita ka, aà mibe a kwa dər à ɗaf, a kwa ana kinehe kàa ndzekwa a təv mandəvandəv gər ahəɗ ana à ndìv a ya mbaŋa.

GALATIYA 4:1

A sèsiŋ i ɗif a kurum a dər ka, nda mendzikiɗe ba duwa: Ar ka, kamala kəla ana a ti zim a dukw tsir ŋgar ika miɗ mba ya. Aka na ŋgat kəla ndirkiz mba ya ka, tsìfekkwe kamala ɓele ya, ku mege ŋgat ŋa na a ti zim a gà dukw ata tserdze ya mba tekeɗe ya.

EFESIYA 1:10

Dukw ata Mbulum a ti ndìv a dər ka, a pat məpàslà ahər ŋgar ana a tsik a. A gewe akaba a gà dukw ana i gər ŋa ya nda gà dukw ana ɗa ika gər ahəɗ a tserdze a təv ilik ŋa. A dze a ahər a Yesuw Kiristi, dite a ne a Əbay ŋa.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

IBƏRANIKWA 1:2

A fàfəlawa kataya, haa tsikw a ndzera aà mendze kwa aaha kinehe mandəvandəv ŋa ya. Ama kinehe a fàfəl a kwa ka, nda bazlam Kəla ŋgar kuɗa. Nda ahər Kəla ŋgar ata, na Mbulum a ge gà gəza mbulum nda gər ahəɗ a. Ŋgat asa mbaŋa na a zla ŋgat a, dite ka, dukw tserdze ma ge biy ŋgar.

IBƏRANIKWA 10:10

Aɗaba Yesuw Kiristi ka, aka ge gà dukw ana a sàs a Mbulum a, agəra ana a vəlar ba ŋgar kamala dukw taf ana masakəŋa ya. A vəlar ka, sik ilik pəra, i təv ana a mət a tsara ka, aà biybiy. Kamala taŋa ya na kinehe kà nekwa gà tsəɗaŋŋa ika miɗ Mbulum, kà nekwa gà mburma ŋgar a.

IBƏRANIKWA 10:12

Ama Yesuw Kiristi ka, a vəlar ba ŋgar ka, sik ilik pəra, na a pəl dər à bakal gà mburma aà biybiy a. Dite i dəba ŋa ya ka, a da a ta mendze ba aka tsèke ahər mezime Mbulum.

IBƏRANIKWA 10:26

Kinehe ka, kàa sərakwa vatwa ana ndzer a. Aɗaba taŋa, na bəla wura a riŋ ika magər kwa a gewa bakal, dite i huɗ bakal ŋgar ata a ge a ya ka, a sər, a ge a taŋa ka, dukw ana ŋgwala tsiye ka, duwa ŋgiɗ a riŋ na a vile a a Mbulum masakəŋa taf, dite à piler a à bakal ŋgar a ka, a riŋ asa tsa.

IBƏRANIKWA 10:4

Ti ne dər akaba ŋgwal ŋa tsəɗaŋŋa tsəka, aɗaba kà sərakwa, gà məmbəz mbuluv sla nda biy vugul ka, a sle a aà məpəla à tar à bakal tsiye.

IBƏRANIKWA 4:3

Kwa na kinehe kə̀ gə̀sakwa bazlam ŋa lele ya ivaɗ, na ki tèkwe a a təv mendze ŋgar ata zayya, ki sìfìkikwe a ba ya. Ar ka, kamala ana Mbulum a tsik i wakita ŋgar a, aka gər gà na ta gəs tsiye, a gwa ka: «I tike matsəɓatsəɓ aka gər tar. Yàa mbaɗa, i gwa ka: «*fa* Ama kà dzalum dze ana, mesìfìkà ba ata ana, a riŋ tsiye? A riŋ dukw ŋgar, aɗaba Mbulum aka mbər mendìve à mege megemir ŋgar daga aà gər ana a ge gər ahəɗ a.

IBƏRANIKWA 7:27

Aɗaba gà asiŋ gà bàba gà ɓəzla mandəva kuɗa a Mbulum ŋgiɗ ata ka, ta batsawa duwa a Mbulum kəla pat. Malahalah ŋa ka, ta batsawa aɗaba bakal tar dzekwiŋ, dite i dəba ŋa ya, ta bets a aɗaba gà mìsle ŋgiɗ kuɗa. Ama biy Yesuw ka, kataya tsa. Ŋgat ka, a vəl ba ŋgar a Mbulum taf masakəŋa, sik ilik pəra, i təv ana ta kəɗ ŋgat a, tsam ka, tsuway tsara. Sik ilik ŋa ata ka, a sle aà biybiy.

IBƏRANIKWA 9:12

Akahər ana Kiristi a da a təv ata tsəɗaŋŋa ŋana, Mbulum mandza ŋa iɗəm a ka, a da aɗəm sik ilik pəra, tsam ka, aka ndəv. I təv ana a de aɗəm a ya ka, aka tə̀f dər məmbəz gà vugul nda biy gà mbuluv sla tsa. Ama a vəl ka, məmbəz ba ŋgar ŋa ivaɗ na avukw ŋa ya. Kamala taŋa ya, nda məmbəz ŋgar ata ka, a mburuɗ dərra kwa i bakal a aà biybiy.

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.

1 PIYER 1:20

Aɗaba piŋŋe, akahər ana Mbulum aka ge gər ahəɗ zukw tsiye ka, Mbulum aka mbər mezle ŋgat, dite ka, Mbulum a pàt a kurum à ŋgat aka mandəvandəv gər ahəɗ aaha kinehe ya, aà məmbə̀là a kurum.

1 PIYER 2:24

Yesuw Kiristi nda gər ŋgar a zla bakal kwa aka ba ŋgar. Tə ndwandway ŋgat aà dizl magə̀làwà ŋa ka, dite ka, bakal ma kwara kwa asa tsa, kamala ana a kwere a gà məməta asa tsiye mbaŋa. Ama i təv mege dukw ana ŋgwal ŋa ya ka, taŋa kwa riŋ ka, nda gà mesife, aɗaba megìzle ana ta gə̀zl ŋgat, ta ger mbəlak a, na a mbəl à kurum a.*fg*

1 PIYER 3:18

Yesuw Kiristi nda gər ŋgar a mət ka, aɗaba bakal kwa. A pəl dər à kwa i bakal a sik ilik pəra, gər melik tsara. Ŋgat ka, mala ndzer ŋa, bakal ŋgar a riŋ tsa. Ama a mət agəra gà mburma ana ta gewa bakal a, dite na à dzik a kwa a təv Mbulum a. Gà mburma ta kəɗ ŋgat. Ama Mezite Mesife Mbulum a mbəl à ŋgat a mesife asa.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

1 Yuhana 3:5

Kurum kà sərum, Yesuw Kiristi a dara aka gər ahəɗ a ka, aà məbàrà aà kwa bakal kwa ana ki gekwe a ya. Ŋgat ka, bakal ŋgar a riŋ ilik tsidze.

1 Yuhana 3:8

Ama wur ana aka miyak à mege bakal tsiye ka, ŋgat ka, i ahər Əbay sitene, aɗaba Əbay sitene ata a gewa ka, bakal daga aà gər ana ta ge gər ahəɗ a. Aɗaba taŋa na Yesuw Kiristi a dara aka gər ahəɗ a ka, aà medzeye à megemir Əbay sitene ata seyiŋ.

Sunwa Yuhana 13:8

Gà mburma ana ika gər ahəɗ a tserdze, ti ti dzèyer a gurmits a bəɗ. Ama say gà mburma ana tàa wetse zləm tar aka wakita gà na ta ŋget a mesife ya, na tì dzer a gurmits a bəɗ tsiye. Ama tar ka, tàa wetseye gà zləm tar daga aka ana tàa ge gər ahəɗ zukw tsiye ya. Wakita ata ka, biy Kəla Təmaŋ ana ta kəɗ a.

Sunwa Yuhana 17:8

Dukw dala ata kə ŋgatar a ka, a riŋ nda gà mesife piŋŋe, ama kinehe ka, mesife ŋgar a riŋ asa tsa. Dite a ta mère a i biye ana kwitsikw ŋa ya ka, bise asa mbaŋa. Aka màra ka, Mbulum a ta kiɗ a ŋgat a biye fit kweleŋ. Akahər ana Mbulum a ge gər ahəɗ a ka, aka wetse aba zləm gà mburma ana ti ta ŋget a mesife ya, a wakita ŋgar a, dite gà na aka wetseye tar tsiye tekeɗe, tar riŋ i ŋgal mbaŋa. Gà taŋa aka wetseye tsiye, ti ta ŋget a dukw dala ata ka, a ta ge aà ter a kamala dukw mene aà mburma ya. Aɗaba piŋŋe ka, a riŋ nda gà mesife ŋgar, dite kinehe ka, a riŋ nda mesife asa tsa. Ama a pat ŋgiɗ ka, a ta mère a mba asa.