IBƏRANIKWA 9:24 - Bible Zulgo

²⁴ Aɗaba Yesuw Kiristi ka, aka da a ga ata ta kiriw nda petek a tsa. Aɗaba ta ge təv ata ka, mendzikiɗe ba təv ata Mbulum mandza ŋa iɗəm a pəra. Aɗaba taŋa na kinehe ka, ŋgat a riŋ mandza ŋa ika miɗ Mbulum, dite a riŋ a hemer a aɗaba kwa ya.

IBƏRANIKWA 9:24 Iomraidhean Croise

Mata 18:10

I dəba ŋa ya, Yesuw a gwaɗa a tar asa: «Gwim metsehe, aɗaba ka ta fə̀rum aà gà asiŋ gà mburma ana ta gəs iye nda gəzləŋ, dite ka, ti ne gà ɓəza i təv are kurum a ka, kamala za ya tsa. Aɗaba iye ihər i gweɗe a kurum a nda ndzer: Gà gawla Mbulum ka, tar riŋ kəla pat mandza ŋa ika miɗ Mbulum Tsir gà i gər ŋa, aɗaba tar mbaŋa.

Markus 14:58

«Mər mì tsarakara i bazlam Yesuw a ka, a gwa: Taŋa dze ana, meme?»

Markus 16:19

Əbay Yesuw a fàfəl a tar aba ya kamala taŋa ya tsara ka, Mbulum a zla ŋgat. A da à ŋgat a ma. Yesuw a daha, a ndzaba aka tsèke ahər mezime Mbulum.

Luka 24:51

I təv ana a pise a tar aba ahəm a ka, a da i təv tar a, Mbulum a zla ŋgat a təv ŋgar a gər ŋa.

Yuhana 16:28

I dara i təv Tsir gà i mbulum a aka gər ahəɗ a. Kinehe ka, i de a ika gər ahəɗ a, i mbìɗ a gər a təv ŋgar asa.»

Yuhana 6:62

Dite meme seyiŋ a, na ki ŋgetwimiŋ a a pat ŋgiɗ, a iye, wur ana i dara i təv Mbulum a, i ti tsil a a təv ana i dara iɗəm piŋŋe ya.

Gà Ɓəzla Meslire 3:21

Ama kinehe ka, a ndze a i gər ŋa tə̀ma, haa a pat ana gà dukw tserdze tàa ne awiya ŋa ya. Kamala na Mbulum a ɗif dər nda ahər gà ɓəzla məma à guma ŋgar ata a ndzək tar daga piŋŋe ya.

RUMA 8:33

Wura a sle a aà mege seriye aà gà na Mbulum a pala tar, dite a ne à tar gà biy ŋgar a tsa, aɗaba ŋgat ŋa nda gər ŋgar na a ne à tar gà ŋgwal ŋa ika miɗ ŋgar a.

2 Kurintiya 5:1

Kà sərakwa, i təv ana mekìrìwè ga kwa aaha leyèh aka mbazla ya ka, Mbulum a ta vile a kwe aɗəm a ga ŋgiɗ pam, i gər ŋa i mbulum. I tsik taŋa ka, aka gər ba kwa aaha kinehe ya. I təv ana aka mət a ka, a ta vile a kwe aɗəm a ba ana i gər ŋa i mbulum a. Ŋgat à gər ŋgar na a ge ga ata a ndze a aà biybiy a ya.

KULUSIYA 3:2

Kamala taŋa ya, dzalum gà gər ka, aka gà dukw ana tar riŋ i təv Mbulum a, tsəka, aka dukw ana ika gər ahəɗ a tsa.

IBƏRANIKWA 1:3

Ŋgat a riŋ à pèt a à mezlibe Mbulum ana tì zlibe a dər a, nda təv dzaydzay ŋana i təv ŋgar a. Aɗaba ŋgat na a zla ba kalkal kamala Mbulum a, dite ŋgat na a riŋ à gis a gà dukw ana tserdze ya, nda bazlam ŋgar ana ndzəɗa ŋa ya. A làmbaɗa vatwa ana Mbulum à pìl a dər à bakal a mburma ya, na dite ti ne a gà tsəɗaŋŋa lele ika miɗ ŋgar a. I dəba ŋa ya ka, a da a mbulum kuɗa. A daha, a ndza aka tsèke ahər mezime Mbulum, mala ndzəɗa batsah ŋana a kwere a gà dukw tserdze ya.

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

IBƏRANIKWA 6:20

Yesuw aka làhakwa aɗəm a fata. A lah ka, aà mendze ika miɗ Mbulum, agəra kwa. Aɗaba ŋgat ka, aka ne *batsah mala mandəva kuɗa a Mbulum, kamala Melikisedek a, aà biybiy.

IBƏRANIKWA 8:2

Ŋgat a ge a megemir ŋgar ata ka, i təv ana tsəɗaŋŋa, Mbulum mandza ŋa iɗəm a. Akahər ata gà ɓəzla mandəva kuɗa a Mbulum ta gewa megemir ka, i mekìrìwè ga petek ana ta kiriw a. Ama ga ana Yesuw a gewa iɗəm megemir a ka, ar ka, i mbulum i gər ŋa, i təv ŋgwal ŋana ndzer, Mbulum a làmbaɗa ya.

IBƏRANIKWA 8:5

Mege megemir ana ta gewa ya ka, mendzikiɗe ba ŋa ɗekɗek pəra. Ta gewa ka, mendzikiɗe ba megemir ana Yesuw, batsah mala mandəva kuɗa a Mbulum kwa a ge a riŋ i mbulum i gər ŋa ya. Mekìrìwè ga tar ata tekeɗe, mendzikiɗe ba təv ata Mbulum mandza ŋa iɗəm a mbaŋa. Ta kiriw ga ata ka, kamala ana Mbulum a tsik a Musa, a gwaɗar ka: «Ge metsehe lele, na dite ki ge a duwa tserdze kamala ana i ɗifek dər i gər kwite ya ya.»*fa*

IBƏRANIKWA 9:1

I təv malahalah masəra ba ana gà Mbulum tə sər ba nda gà mburma ya ka, aka ɗif a tar à məpala ahəm ŋgar, na dite ti sir a dər ka, meme na tì dzer a gurmits a bəɗ a. Ama təv duwa a riŋ mbaŋa, tə zalar ka, tsəɗaŋŋa, mburma a làmbaɗa. I fata ka, tə zàmbaɗawa iɗəm à ŋgat, nda məbàtsàr aɗəm gà duwa.

IBƏRANIKWA 9:23

Kà sərakwa, gà dukw ata tə zàmbaɗawa dər à Mbulum akahər ata ya, a ne ka, mendzikiɗe ba dukw ana ndzer ŋa i mbulum a ɗekɗek pəra. Ta barawa gà dukw ata tserdze ya ka, nda məmbəz gà dukw ata ta batsawa a Mbulum a. Ama gà dukw ana ndzer ŋa i mbulum a ka, məbatsa gà dukw ata ta batsawa ya, a ge a ŋgulum tsa. Say ta viler a ka, dukw ana à zè a taŋa ya, kamala megweɗe ya: Yesuw Kiristi ana a vəlar ba ŋgar a.

IBƏRANIKWA 9:9

Aɗaba ga malahalah ŋa ata ka, mendzikiɗe ba dukw ana a ge ba kinehe ya pəra. A riŋ ihər a ɗifekwe a dər ka, gà dukw ana ta vile a iɗəm a Mbulum, nda gà dukw gənaw ana ta batsawar a ka, taŋa tsa na a sle a aà məbàrà gəzləŋ gà mburma ata tə zàmbaɗawa dər à ŋgat a ya.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.

Sunwa Yuhana 8:3

Gawla Mbulum a riŋ nda gà tasà malàmbàɗà ŋa nda gura ana tsakala ŋa hinne ya, i ahər ŋgar. Tasà ata ka, ta wanawa aɗəm dukw ana a zewa aà Mbulum hwaŋŋà ya. Ŋgat ka, a dara, a hitse dər aka miɗ a təv ana ta vəlawa aaka duwa a Mbulum a. Tə dzar aɗəm dukw ana ta wanawa ya hinne, na dite a wenere a aka təv ata ya. A wenere a ka, aka miɗ təv mendze Əbay ŋgar ata. Ama i təv ana a riŋ ihər a wene a ya ka, a ge dər akaba nda biy gà mburma ana tserdze ti ne gà biy ŋgar, ta hamawa a.