IBƏRANIKWA 9:19 - Bible Zulgo

¹⁹ Akahər ata ka, Musa a lah meɗife à məpala ahəm Mbulum ana a tsik a tserdze, ika miɗ gà mburma. Dite i dəba ŋa ya, a daha, a tə̀f məmbəz gà kəla sla nda biy vugul ana ta bats a, a gaw akaba nda yam, a ndzək gà slàmbah dukw duwa tə zalar *izup, magàwà ŋa nda gasgas təmaŋ ana a ndza nduzzwa ya. A tsilwiɓ dər aɗəm, dite a daha, a gwatsaka aka wakita məpala ahəm tar, nda gà aà gà mburma ata tserdze ya mbaŋa.

IBƏRANIKWA 9:19 Iomraidhean Croise

Mata 27:28

Aləka tə daha ka, tə zla ikəka petek ŋgar a. Ti tike aaka andiw ndùzwwa ŋana.

Markus 15:17

Aləka tə daha ka, tə zla ikəka petek a. Ti tike aaka andiw nduzzwa ŋana. Ti tike aaka aba ya ka, tə slàslapa akaba adak, ti ndìwìɗer dər gər, avukw felère Əbay ana ti tiker a a gər a.

Markus 15:20

Aləka i dəba ŋa ya, ti yà ba aà mene à ŋgat bakal a ka, tə zla ikəka petek andiw ata nduzzwa ŋa ya, ta màr akaba à petek ŋgar kuɗa, dite ta màra à ŋgat a bəra ya. Ti de a à ŋgat a təv ana ti ti ndwendwey a ŋgat aà dizl magə̀làwà ŋa ata ya, kətsah aà gùva kwite ya zaakwa.

Yuhana 19:2

Gà sliwdze tə daha, tə sàs adak, tə slàslapa akaba, ti ndìwìɗer dər gər. Ti tike aaka andiw nduzzwa ŋana asa. Tə dùwaya dər ŋgat kamala Əbay a.

Yuhana 19:5

Yesuw a dara a bəra ya nda gà mendìwìɗè gər adak ata ya, nda gà andiw nduzzwa ŋa aaha ika ba asa. Pilatus a gwaɗa a tar: «Araha, mburma kurum naha.»

IBƏRANIKWA 1:1

Akahər ata ka, Mbulum aka fàfəl a gà bàba gà tsir kwa medzige diŋ. A slərawa gà ɓəzla məma à guma ŋgar a təv tar, ta màwa a tar à bazlam ŋgar ndaka vatwa ŋgiɗ pampam.

IBƏRANIKWA 10:22

Aɗaba taŋa, gə̀sakwa Yesuw Kiristi nda gəzləŋ ilik lele. Madzala gà gər kwa ka, ma ge wàkit wàkit tsa. Dite sìrìkikwa a təv Mbulum ka, ndiɓ nda gəzləŋ ilik mbaŋa. Aɗaba Yesuw aka bara gəzləŋ kwa nda məmbəz ŋgar, dite aka bara kwa nda yam ŋgar ana tsəɗaŋŋa ya asa mbaŋa.

IBƏRANIKWA 10:4

Ti ne dər akaba ŋgwal ŋa tsəɗaŋŋa tsəka, aɗaba kà sərakwa, gà məmbəz mbuluv sla nda biy vugul ka, a sle a aà məpəla à tar à bakal tsiye.

IBƏRANIKWA 12:24

Kurum kà dumara ka, a təv Yesuw ana akahər ata a vəl masəra ba awiya ŋa aka magər gà Mbulum nda gà mburma ya. Dite kà dumara asa ka, a təv məmbəz ŋgar ana a dza dər aà məbàrà kwa dər gəzləŋ, dite a pàt ka, à dukw ana ŋgwal ŋa ndzəɗa ŋa, a za biy məmbəz Abel ana akahər ata ya.

IBƏRANIKWA 9:12

Akahər ana Kiristi a da a təv ata tsəɗaŋŋa ŋana, Mbulum mandza ŋa iɗəm a ka, a da aɗəm sik ilik pəra, tsam ka, aka ndəv. I təv ana a de aɗəm a ya ka, aka tə̀f dər məmbəz gà vugul nda biy gà mbuluv sla tsa. Ama a vəl ka, məmbəz ba ŋgar ŋa ivaɗ na avukw ŋa ya. Kamala taŋa ya, nda məmbəz ŋgar ata ka, a mburuɗ dərra kwa i bakal a aà biybiy.

IBƏRANIKWA 9:13

Akahər ata ka, ta batsawa gà vugul, nda gà mbuluv gà sla, tə tə̀fawa məmbəz ŋa, ta gwetseke a aà gà mburma ana gà manəsa ŋa ika miɗ Mbulum a. Ama ka, ta kə̀ɗawa dəm sla, ta weniŋa, dite tì ndè a bitekwe ŋana aà gà mburma ata gà manəsa ŋa ya mbaŋa asa. Ta geye gà dukw ata tserdze ya ka, dite gà mburma ata ti ne gà məbàrà ŋa nda təv məpala ahəm tar.

IBƏRANIKWA 9:18

Gà masəra ba ana gà Mbulum ta gəs ba nda mburma ya tekeɗe ka, kamala taŋa ya mbaŋa. Ku mege malahalah masəra ba ata gà Mbulum nda mburma tə lah magəsa ba ya tekeɗe, a ge ba ka, say nda məbatsa duwa, məmbəz à dzère a iɗəm a dzekwiŋ mbaŋa.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.