IBƏRANIKWA 9:15 - Bible Zulgo

¹⁵ Aɗaba taŋa, Kiristi ka, wele ana mandza ŋa ika magər gà Mbulum nda gà mburma, a sər ba à tar, a ɗif a tar à masəra ba awiya ŋana ta gis a ba ika magər tar a. Kamala taŋa ya, gà mburma ana Mbulum a pala tar, ti ne gà biy ŋgar a ka, ta ŋget a dukw ŋgwal ŋa ata a tsik a tar i sida ya, a gwa, i ta vile a ter a aà biybiy a ya. Dukw ata a ge a ba kataya ka, aɗaba Yesuw Kiristi ana a mət a. Məməta ŋgar ata a mət a ka, a mburuɗ dərra mburma i bakal tar ana ta gewa akahər ata piŋŋe, i təv ana tar riŋ i masəra ba tar ana miviye ŋa ata, Mbulum a gəs ba nda gà tar a.

IBƏRANIKWA 9:15 Iomraidhean Croise

Mata 19:29

Yesuw a gwaɗa a tar asa: «Ku weke na aka miyak aba à ga ŋgar a, kige tsa à gà damər ŋgar, nda gà tsir ŋgar, nda gà mama ŋgar, nda gà ɓəza ŋgar, dite nda gà gùvàh ŋgar agəra iye ka, a ŋget aɗəm a, à zè a taŋa a miyak dər aba kinehe ya medzige dərməka. Dite a ta ŋget a mesife ana à ndìv a tsa aà biybiy a asa mbaŋa.

Mata 22:3

Aləka i təv ana à ndìɗ a a bəra ya ka, a slər gà gawla ŋgar, aà mezeleha a mburma, tə dara, tə zəm dukw mezime ana à ndìɗ a dər daala kəla ŋgar ata a bəra ya. Ama gà mburma ata tə zal a tar a ka, ti niw medeha.

Mata 25:34

I dəba ŋa ya ka, iye Əbay, i gweɗe a a gà na ika tsèke ahər mezime gà ya:

Mata 25:36

Petek ika iye tsa ibam ka, kàa tikwim aka iye. Iye i dukw məməta ka, kàa dumara, kàa fə̀rum aka iye. Iye i daŋgay tekeɗe ka, kàa dumaha a təv ga, kàa fə̀rum aka iye.>

Markus 10:17

I dəba ŋa ya, Yesuw à meh a ba. I təv ana a riŋ a de a ya ka, wele duwa a riŋ a valaha a təv ŋgar. A làhar a bəɗ, a dzar gurmits a biye aka miɗ ŋgar. A gwaɗar: «Əbay gà, kər na ŋgwal ŋa ya. I ge a dze ana, là, na dite i ŋget a mesife ana à ndìv a tsa aà biybiy a?»

Luka 18:18

Aləka i dəba ŋa ya, Əbay gà Yahuda duwa a tsam aà Yesuw, a gwaɗar: «Əbay gà, kər na ŋgwal ŋa ya. I ge a dze ana, là, na dite i ŋget a mesife ana à ndìv a tsa aà biybiy a?»

Luka 22:20

I dəba mazəma ɗaf ata ya ka, a zla kup meɗwìtsè mawà dukw makwàsà ŋa ata iɗəm asa mbaŋa, dite a vəl a tar, a gwaɗa a tar: «Kinehe ka, sum dukw aaha. Naha ka, mendzikiɗe ba masə̀ràba Mbulum awiya ŋana ti sir a ba nda gà mburma ya, agəra məmbəz ga ana i ti dzèye a dər aɗaba kurum a.}

Yuhana 10:28

I vile a ter a mesife ana à ndìv a tsa aà biybiy a, ta mete a tsidze, dite wura a sle aà mekìzelere a tar i ahər gà ya asa tsa.

Gà Ɓəzla Meslire 20:32

Kinehe ka, i ɗif à kurum a a ahər a Mbulum, dite nda bazlam ŋgwal ŋgar ana kà ndzumar dər are tsehe ya. Ŋgat ka, ndzəɗa ŋgar a riŋ aà masəkaha à megìse kurum ana ki giswim a dər ŋgat a, dite aà mivile a kurum gà dukw ŋgar ana tserdze, a gwa: I ta vile a a gà mburma gà ya.

RUMA 5:10

Akahər ana kwa gà ɓəzla mene are Mbulum mba ya ka, ŋgat nda gər ŋgar ŋa a yaha masəra ba nda gà kwa ka, nda məməta Kəla ŋgar ana a mət a. Aɗaba taŋa, kwa kinehe ka, gà masla Mbulum. Kà sərakwa, a ta mbil a à kwa ndzer kaɗəŋ ka, aɗaba Kəla ŋgar ata a mbəlara i məməta ya ya.

RUMA 5:6

Aɗaba akahər ata piŋŋe ka, kàa ŋgatakwa ndzəɗa aà mege dukw ana ŋgwal ŋa ya tsa. Aləka i dəba ŋa ya, a ndze tits aka məpàslà ahər Mbulum ana a tike ya ka, Yesuw Kiristi a dara, a mət aɗaba kwa ana kwa gà ɓəzla bakal a.

RUMA 5:8

Ama Yesuw Kiristi ŋgat a mət aɗaba kwa, akahər ana kwa gà ɓəzla mene are a Mbulum mba ya. Kamala taŋa ya, Mbulum a ɗif a kwa ka, à meweye ŋgar ana a waya kwa hinne ya.

RUMA 6:23

Aɗaba na wura aka ge bakal ka, à mìt a dər. Məməta ŋgar ata a ne ka, kamala dukw mayaba ŋgar a. Ama Mbulum, ŋgat a vilekwe a ka, mesife ana à ndìv a tsa aà biybiy a, biy taf masakəŋa. Kə̀ ŋgatakwa ka, aɗaba ana kwa mandza ŋa i təv ilik ŋa nda gà Yesuw Kiristi BATSAH kwa ŋa ya.

RUMA 8:28

Kà sərakwa, gà mburma ana Mbulum a waya tar, a zal a tar, dite ta ge dukw ana a tsahən ahər a ka, a ge a megemir nda gà tar kamala ana a waya ya. A sasar dukw ana a ge a ba nda gà tar tserdze ya ka, ma ge a tar ŋgulum.

RUMA 8:30

Ama gà mburma ata Mbulum a pala tar tserdze, ti ne gà biy ŋgar a ka, a zal a tar mezele mbaŋa, na dite tə dara a təv ŋgar a ya. Gà na a zal a tar a ka, a ne à tar gà ŋgwal ŋa ika miɗ ŋgar mbaŋa. Taŋa ɗekɗek tsa, a dza tar a təv mezlibe ana tì zlibe a à ŋgat a mbaŋa asa.

RUMA 9:24

Kwa kinehe tekeɗe ka, i liwiŋ tar mbaŋa. A pala ka, gà mburma ana ika magər gà Yahuda ya ɗekɗek tsa. A zal a kwa dər ka, i liwiŋ gà asiŋ gà mburma ŋgiɗ a mbaŋa.

2 Kurintiya 3:6

Ŋgat na a vəl a mər ndzəɗa ata, na dite mì ne gà ɓəzla meslire ŋgar, mìi tsik a bazlam masəra ba ŋgar ata awiya ŋa, tə sər ba nda gà mburma ya. Masəra ba ŋgar awiya ŋa ata ka, ar ka, kamala məpala ahəm ana ta wetse akahər ata piŋŋe ya tsa. Ama ki zezemekwe a ka, Mezite Mesife Mbulum ivaɗ. Aɗaba məpala ahəm ana ta wetse akahər ata piŋŋe ya ka, a dzeye a à mburma a məməta ana ika miɗ Mbulum a. Ama Mezite Mesife Mbulum ka, a vile a ter a mesife ana à ndìv a tsa aà biybiy a.

GALATIYA 3:20

Wele ana mandza ŋa ika magər kamala taŋa ya ka, hiywe taŋa ka, ŋgat mala məmaya ahəm. Ama i təv ana Mbulum a tsik dukw ata i sida ya, a Abəraham a, a gwa, i ta vile a ya ka, a tsik taŋa ka, à gər ŋgar, tsəka, mala mendze ata ika magər ŋa ya ka, a riŋ a ge a ŋgulum tsa.

EFESIYA 1:7

A mburuɗara kwa i ahər Əbay sitene ya. Nda məməta Kəla ŋgar ata, a pəl a kwa dər à bakal, dite na kə ŋgatakwa mezìwè gà gər kwa kuɗa ya. Kərga taŋa ya, aka ɗif a kwa dər ka, meme na ŋgat a riŋ ihər a ge a kwe a ŋgwal ŋa hinne ya.

2 TESALUNIKE 2:14

Mbulum a zal a kurum ka, i təv ana mì ɗif a kurum à bazlam ŋgwal ŋa ana aka gər Yesuw Kiristi ya ya. A sasar ka, ki ŋgeywim a ba agəra ndzəɗa Yesuw Kiristi BATSAH kwa ŋana ika gər gà duwa tserdze ya mbaŋa.

1 TIMUTE 2:5

Guma ata ka, biy mburma dze. Aɗaba Mbulum ka, ilik, dite wele ana a sər ba à gà mburma nda ŋgat a ka, ilik mbaŋa. Taŋa Yesuw Kiristi ana a ne mburma ya.

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.

TITUS 1:2

I tsikewa kamala taŋa ya ka, na dite mburma ti sir a dər ka, ta ŋget a mesife ana à ndìv a tsa aà biybiy a. Aɗaba akahər ana Mbulum aka ge gər ahəɗ zukw tsiye ka, aka mbər metsike a kwa aba i sida ya, a gwa: «I ta vile a kurum a mesife ata.» Ŋgat ka, à ses a pàrsa tsidze.

TITUS 3:7

A ge dər kamala taŋa ya ka, na dite kə̀ ŋgatakwa mesife ana à ndìv a tsa, kà sərakwa dər ka, a ta vile a kwe a ndzer a. A ta ge a kataya ka, aɗaba ana Mbulum a ge a kwa ŋgwal ŋa nda ahər Kiristi ya, dite araha na kinehe kà nekwa tsəɗaŋŋa ika miɗ ŋgar a.

IBƏRANIKWA 10:34

Kàa sèwèrwim akaba are nda gà na ta gasa tar a daŋgay, aɗaba Yesuw Kiristi ya hinne. I təv ana gà mburma tə ndzaka aà kurum gà dukw kurum a tifeɗ tifeɗ tekeɗe ka, kàa gəsum gəzləŋ, kàa ŋgayum ba nda gà tar ivaɗ, aɗaba ana kà sərum ka, kàa ŋgatum gà ŋgwal gà dukw ana i təv Mbulum, à zè a gà dukw ata tserdze, wura a sle a aà mekìzele aà kurum a asa tsiye ya.

IBƏRANIKWA 10:36

Ama kə̀la ka, mərum aba lele, na dite ki gwim a dukw ana a sàs a Mbulum a ya. Na kàa gwim dər kataya ka, ki ta ŋgetwim a dukw ana a tsik i sida ya, a gwa, i ta vile a kurum a ya.

IBƏRANIKWA 11:13

Gà Abəraham ata nda Izak, nda gà Zakup ya ka, ta gəs Mbulum nda gəzləŋ tar lele, haa a təv ana ta mata ya. Tar ka, tàa ŋgat a gà dukw ata Mbulum a tsik i sida ya, a gwa, i ta vile a ter a ya tsa. Ama tə dzala gà dukw ata a ta ge a ba ka, diriŋ, dite tàa ŋgaya dər ba mbaŋa. Ti tsikewa ika miɗ mburma parakkà, ta gwaɗawa: «Mər ka, gà slele, kwite mər ɗa ika gər ahəɗ i faha tsa.»

IBƏRANIKWA 12:24

Kurum kà dumara ka, a təv Yesuw ana akahər ata a vəl masəra ba awiya ŋa aka magər gà Mbulum nda gà mburma ya. Dite kà dumara asa ka, a təv məmbəz ŋgar ana a dza dər aà məbàrà kwa dər gəzləŋ, dite a pàt ka, à dukw ana ŋgwal ŋa ndzəɗa ŋa, a za biy məmbəz Abel ana akahər ata ya.

IBƏRANIKWA 13:20

Mbulum, mala məvəla mandza zayzay a mburma, a hitsera à Yesuw BATSAH kwa ŋa i məməta ya, a ne dər batsah ŋa. A kesle a kwa kamala mala makəva gà təmaŋ ana à kiv a tar a. A ge dər kataya ka, aɗaba məməta Yesuw ana a mət a. Nda məmbəz ŋgar ana a dza dər a ka, a gəs masla nda kwa, dite na a de a aka miɗ aka miɗ, à ndìv a tsiye.

IBƏRANIKWA 2:14

Gà ɓəza ŋgar ata a tsik ahər a ka, gà mburma. Tar riŋ nda gà slu ba lele, məmbəz iɗəm. Aɗaba taŋa, Yesuw tekeɗe, aka ne à ba ŋgar kamala tar a mbaŋa, dite na a waya məməta, a mət, a dzeye dər à Əbay sitene ana ŋgat mala ndzəɗa aà medzeye à mesife mburma ya.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 6:13

Akahər ata, Mbulum aka tsik duwa i sida ya, a Abəraham. I təv ana a tsiker a ka, a mbaɗar, kamala megweɗe ya: Dukw ana a tsiker a ka, a ge a ba ndzer. Wura a riŋ ilik a za Mbulum tsa. Aɗaba taŋa na a mbàɗa nda zləm ŋgar a.

IBƏRANIKWA 6:15

Abəraham ibam, a tsaraka kataya ka, a gəs nda gəzləŋ ɓəŋɓəŋ lele, a veve a dukw ana Mbulum a tsiker a. I dəba ŋa ya ka, a ŋgat dukw ana Mbulum a gwaɗar, i ta vilek a ndzer a kuɗa.

IBƏRANIKWA 7:22

Aɗaba taŋa, kà sərakwa, magəsa ba kwa ana kinehe kə̀ gə̀sakwa ba nda gà Mbulum a ka, ŋgwal ŋa lele, a za dər biy na akahər ata a tsik i sida ya, a gwa, ki ti sirekwe a ba ya. Kà sərakwa dukw ata a ge ba nda ndzer ka, aɗaba Yesuw Kiristi.

IBƏRANIKWA 8:13

Kamala taŋa ya na Mbulum a fàfəl aka gər masəra ba ana à gis a ba awiya ŋa ya. A tsik kataya ka, kamala megweɗe ya: Malahalah masəra ba ata ta gəs ba ya ka, ndzəɗa ihər asa tsa, aka ne dər miviye ŋa. Ama kà sərakwa, dukw ana miviye ŋa ya ka, a ge a ŋgulum asa tsa, kwiɗèy aka à mendìve.

IBƏRANIKWA 9:12

Akahər ana Kiristi a da a təv ata tsəɗaŋŋa ŋana, Mbulum mandza ŋa iɗəm a ka, a da aɗəm sik ilik pəra, tsam ka, aka ndəv. I təv ana a de aɗəm a ya ka, aka tə̀f dər məmbəz gà vugul nda biy gà mbuluv sla tsa. Ama a vəl ka, məmbəz ba ŋgar ŋa ivaɗ na avukw ŋa ya. Kamala taŋa ya, nda məmbəz ŋgar ata ka, a mburuɗ dərra kwa i bakal a aà biybiy.

IBƏRANIKWA 9:16

Masəra ba gà Mbulum ana tə sər ba nda mburma ya ka, a ndzikiɗ ba bazlam wele ana à mìt a ka, a tsik a aba dukw ana tì dzeyekwe a ya. Kinehe kà sərakwa ndzer, na wura aka wetse aba wakita ya, aka gwa ka: «Na Yàa mət ka, ki ti dzèywim be a gà dukw gà aaha» ka, say ŋgat ŋa à mìt a dzekwiŋ kaɗəŋ, na dite a ge a ba kamala ana ŋgat a tsik a ya.

IBƏRANIKWA 9:28

Kamala taŋa ya, Yesuw Kiristi tekeɗe, à mət ka, sik ilik pəra mbaŋa. A vəl ba ŋgar a Mbulum ka, na dite a beye a dər à gà mburma hinne i bakal tar a ya. I dəba ŋa ya ka, à mère a masula ŋa asa. A mère a ka, aà məpəla à tar i bakal tar a asa tsa. Ama ka, aà məmbə̀là à gà mburma ŋgar ana tar ihər ta bebe a ŋgat a.

YAKUBA 1:12

Maŋgayaba ika gər wur ana a mir a aba i təv gà dukw ana ti dzik a à ŋgat a tserdze ya. Ama na aka mər aba i təv gà dukw ata ti dzik a à ŋgat a ka, a ŋget a dukw maya ba ŋgar, kamala megweɗe ya, mesife ana Mbulum a gwa i sida ya ka, i ta vile a a gà mburma ana ta waya iye ya.

1 PIYER 3:18

Yesuw Kiristi nda gər ŋgar a mət ka, aɗaba bakal kwa. A pəl dər à kwa i bakal a sik ilik pəra, gər melik tsara. Ŋgat ka, mala ndzer ŋa, bakal ŋgar a riŋ tsa. Ama a mət agəra gà mburma ana ta gewa bakal a, dite na à dzik a kwa a təv Mbulum a. Gà mburma ta kəɗ ŋgat. Ama Mezite Mesife Mbulum a mbəl à ŋgat a mesife asa.

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

1 Yuhana 2:25

Taŋa ka, bazlam mesife ana Kiristi a tsik a kwa i sida ya, a gwa, i ta vile a kwe a ya ka, mesife ana à ndìv a tsa aà biybiy a.

Sunwa Yuhana 5:9

Tə lah dimis awiya ŋana. I huɗ malàhà dimis tar ata tì lèh a ya ka, ta gwa: «Kər na ŋgwal ŋa ika miɗ Mbulum, ka sle aà mazla wakita ata, dite ki ŋgeheke a ihər dukw ata magàsà ŋa ya. Aɗaba kər ka, tàa kəɗ kər kamala dukw ana ta kəɗ a Mbulum taf masakəŋa ya. Məmbəz yak ana kà dza dər a ka, kà mbùrùɗar dərra mburma a Mbulum a. Ku mege tə dara ika gà ahəɗ ana pampam ika gər ahəɗ tserdze ya, gà na slala tar pam, nda gà təv gà mendze tar pampam, kige tsa gà ahəm tar tekeɗe, pampam a. Kàa ndzəkara tar a, kàa dzàɗa a Mbulum.