IBƏRANIKWA 9:11 - Bible Zulgo

¹¹ Ama kinehe ka, *Kiristi aka dara kaɗəŋ. Ŋgat ka, *batsah mala mandəva kuɗa a Mbulum. Gà ŋgwal gà dukw ana kə̀ ŋgatakwa kinehe ya ka, a dara ka, i təv ŋgar a. Ŋgat a ge a megemir ka, i təv ana a za mekìrìwè ga petek ana akahər ata ya. Təv ata ka, ŋgwal ŋa lele, dite ar ka, ŋgulum asa. Ama ka, gà mburma tsa na ta ge təv ata ya. Kamala megweɗe ya: Ta ge təv ata ika gər ahəɗ ɓav tsa asa mbaŋa.

IBƏRANIKWA 9:11 Iomraidhean Croise

Mata 11:3

Aɗaba aà megweɗereha ka: «Wànà kər ana, mala məmbə̀là à mburma ana mì sər ka, a riŋ a dere a ya ya, tsəna, mìi veve a biy ŋgiɗ a?» Gà mburma ata ta mah ba, tə da. Tə daha, ta gwaɗar kamala ana wele aaha a sləraha tar a.

Mata 2:6

«*fa*

Markus 14:58

«Mər mì tsarakara i bazlam Yesuw a ka, a gwa: Taŋa dze ana, meme?»

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 4:25

Məkəs ata a gwaɗar: «I sər ka, *Masihu a deriŋa, wele ana tə zalar *Kiristi, mala məmbàlà à mburma ana Mbulum a gwa, i ti slir a kurumehe a ya. Aka dara ka, a ti ɗif a mər a à duwa tserdze.»

Gà Ɓəzla Meslire 7:48

Ama ku mege kataya tekeɗe ka, Mbulum ana ika gər gà dukw tserdze ya ka, a ndze a ga ana gà mburma ta ge ya tsa. Kərga na Mbulum a tsik nda ahər mala məma à guma ŋgar Ezaya, a gwa:

2 Kurintiya 4:18

Aɗaba kàa tikekwa madzala gà gər kwa aka dukw ana a ŋgeter a ba tsiye, tsəka, aka dukw ana mburma a ŋgeter a nda are ya tsa. Aɗaba gà dukw ana mburma ta ŋgeter a nda are ya ka, ti ndze a aà biybiy tsa. Ama ka, gà dukw ana mburma ta ŋgeter a nda are tsiye ivaɗ, na a ndze a aà biybiy a.

2 Kurintiya 5:1

Kà sərakwa, i təv ana mekìrìwè ga kwa aaha leyèh aka mbazla ya ka, Mbulum a ta vile a kwe aɗəm a ga ŋgiɗ pam, i gər ŋa i mbulum. I tsik taŋa ka, aka gər ba kwa aaha kinehe ya. I təv ana aka mət a ka, a ta vile a kwe aɗəm a ba ana i gər ŋa i mbulum a. Ŋgat à gər ŋgar na a ge ga ata a ndze a aà biybiy a ya.

KULUSIYA 2:11

Kurum mandza ŋa i təv ilik ŋa nda gà ŋgat ka, Mbulum a ge a aà kurum a lambà ana mburma ti sir a dər ka, kurum kàa nwim gà mburma ŋgar a. Akahər ata piŋŋe ka, Mbulum a tsik a gà Yahuda, a gwaɗa a tar ka, tə sasa ba, na dite mburma ti sir a dər ka, tàa ne gà biy ŋgar a. Ama kinehe ka, lambà ana ta ge a aà kurum a ka, nda ahər mburma asa tsa. Ta ge a ka, nda təv Yesuw Kiristi. Ŋgat na a ndzəkara kurum i madzala gà gər kurum ana akahər ata a dawa à kurum a bakal a ya.

IBƏRANIKWA 10:1

Məpala ahəm gà Yahuda ka, mendzikiɗe ba ŋgwal dukw ana Mbulum a vile a kwe a, kə̀ ŋgatakwa ihər a kinehe ya ɗekɗek pəra. Məpala ahəm tar ata ka, a sle a aà məvəla a kwa gà dukw ana ndzer ŋa ya tsa. Gà ɓəzla mandəva kuɗa a Mbulum ta batsawar duwa kəla mive kataya. Gà mburma ata tə zazamawa gà məpala ahəm ata ka, ta waya mesirike a təv Mbulum. Ama dukw ata ta vəlawar a ka, a sle a aà mene à tar gà ŋgwal ŋa ika miɗ ŋgar tsa, aɗaba ta màwa aka məvə̀lar dukw ata kəla mive.

IBƏRANIKWA 12:27

Bazlam ata a tsik, a gwa «sik ilik asa» ya ka, a ɗif a kwa dər, Mbulum a ti ndìv a à gà dukw ana a ge tserdze ya, na a ta ɓezle a ya, na dite ka, gà dukw ana ti sle aà miɓezle a tsiye, ti zehe a ya.

IBƏRANIKWA 13:14

Aɗaba kwa ana ɗa ika gər ahəɗ a ka, kàa ŋgatakwa təv mendze ana a ndze a aà biybiy a zukw tsa. Ama kwa ihər ki yehekwe a ka, na a dere a ika miɗ a mba ya.

IBƏRANIKWA 2:17

Aɗaba taŋa, ku mege i təv dukùla ya tserdze ka, say a ne à ba ŋgar kalkal ba gà damər ŋgar a dzekwiŋ, na dite ti ndzer are tsehe ya, a ne *batsah mala mandəva kuɗa a Mbulum aà mege megemir ndaka vatwa ŋa ika miɗ ŋgar mbaŋa. A ge dər kataya ka, aà məbàrà dər bakal aà mburma ya tserdze, dite ka, tə sər akaba ahəm nda gà Mbulum.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 4:15

Ŋgat na kà ndzekwar are tsehe, a geye ika kwa ya nda təv gà dukw ana mawùràba ŋa i təv kwa ya. Aɗaba ŋgat ka, aka sər aà mesewere are ya pampam mbaŋa, tàa dzik à ŋgat, ta waya madə̀ɗà à ŋgat a bakal kamala kwa ya. Ama ka, aka ge bakal ata tsidze.

IBƏRANIKWA 7:1

Melikisedek ata akahər ata ya ka, batsah Əbay gà Salima, dite ŋgat asa ka, mala mandəva kuɗa a Mbulum ana ŋgat ika gər gà dukw tserdze ya mbaŋa. Akahər ata Abəraham à mère a i gùvəl a, i təv ana ta bats gà bàba gà Əbay ŋgiɗ hinne ya ka, Melikisedek a ŋgəzlaraha gər aà vatwa, aà melime akaba nda ŋgat. I fataya ka, a piser ahəm.*fa*

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.

2 Yuhana 1:7

I tsik a kurum taŋa ka, aɗaba ana gà ɓəzla məbànà mburma a riŋ tì sìweye a ika gər ahəɗ hinne ya. Aɗaba tar ka, ti niw megìse Yesuw Kiristi ana a dara aka gər ahəɗ kamala mburma ya. Ama wur ana a niw taŋa ya ka, ŋgat ka, mala məbànà mburma, dite ŋgat asa ka, mala mene are a Yesuw Kiristi mbaŋa.