IBƏRANIKWA 9:1 - Bible Zulgo

¹ I təv malahalah masəra ba ana gà Mbulum tə sər ba nda gà mburma ya ka, aka ɗif a tar à məpala ahəm ŋgar, na dite ti sir a dər ka, meme na tì dzer a gurmits a bəɗ a. Ama təv duwa a riŋ mbaŋa, tə zalar ka, tsəɗaŋŋa, mburma a làmbaɗa. I fata ka, tə zàmbaɗawa iɗəm à ŋgat, nda məbàtsàr aɗəm gà duwa.

IBƏRANIKWA 9:1 Iomraidhean Croise

Luka 1:6

Tar sula məma gà ŋgwal ŋana ika miɗ Mbulum, mede tar a tsahən ahər a. Tə zàmbaɗawa à dukw ana Mbulum a tsikewa, a palawa ahər ahəm a tserdze ya, nda gəzləŋ ilik.

RUMA 9:4

Tar ka, gà Isərayel ana Mbulum a pala tar a. A pala tar ka, aà mene à tar gà ɓəza ŋgar. A pàt a tar à ndzəɗa ŋgar, na dite tì zlibe a à ŋgat a. A ɗif a tar à masəra ba ŋgar, nda məpala ahəm ŋgar mbaŋa. A ɗe a tar à vatwa ana, dite ta heme a aà ŋgat a. A tsikewa a tar gà asiŋ gà bazlam ŋgiɗ pampam i sida ya, aka gər dukw ana a vile a ter a ya mbaŋa. Ama ka, ta gəs tsa.

KULUSIYA 2:8

Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.

IBƏRANIKWA 8:13

Kamala taŋa ya na Mbulum a fàfəl aka gər masəra ba ana à gis a ba awiya ŋa ya. A tsik kataya ka, kamala megweɗe ya: Malahalah masəra ba ata ta gəs ba ya ka, ndzəɗa ihər asa tsa, aka ne dər miviye ŋa. Ama kà sərakwa, dukw ana miviye ŋa ya ka, a ge a ŋgulum asa tsa, kwiɗèy aka à mendìve.

IBƏRANIKWA 8:2

Ŋgat a ge a megemir ŋgar ata ka, i təv ana tsəɗaŋŋa, Mbulum mandza ŋa iɗəm a. Akahər ata gà ɓəzla mandəva kuɗa a Mbulum ta gewa megemir ka, i mekìrìwè ga petek ana ta kiriw a. Ama ga ana Yesuw a gewa iɗəm megemir a ka, ar ka, i mbulum i gər ŋa, i təv ŋgwal ŋana ndzer, Mbulum a làmbaɗa ya.

IBƏRANIKWA 8:7

Na mege malahalah masəra ba ata ta gəs ba ya, ma sle aà gà mburma nda ndzer ka, ana ka, Mbulum a yehe a vatwa aà masəra ba, à gis a tar masula ŋa asa tsa.

IBƏRANIKWA 9:24

Aɗaba Yesuw Kiristi ka, aka da a ga ata ta kiriw nda petek a tsa. Aɗaba ta ge təv ata ka, mendzikiɗe ba təv ata Mbulum mandza ŋa iɗəm a pəra. Aɗaba taŋa na kinehe ka, ŋgat a riŋ mandza ŋa ika miɗ Mbulum, dite a riŋ a hemer a aɗaba kwa ya.