IBƏRANIKWA 8:2 - Bible Zulgo

² Ŋgat a ge a megemir ŋgar ata ka, i təv ana tsəɗaŋŋa, Mbulum mandza ŋa iɗəm a. Akahər ata gà ɓəzla mandəva kuɗa a Mbulum ta gewa megemir ka, i mekìrìwè ga petek ana ta kiriw a. Ama ga ana Yesuw a gewa iɗəm megemir a ka, ar ka, i mbulum i gər ŋa, i təv ŋgwal ŋana ndzer, Mbulum a làmbaɗa ya.

IBƏRANIKWA 8:2 Iomraidhean Croise

Luka 24:44

I dəba ŋa ya, a gwaɗa a tar asa: «Samatum kwaŋ. Aka ana iye riŋ i təv kurum mba ya ana, i tsikewa a kurum tsiye, na dukw ana ta wetse agəra iye ya? I tsikewa a kurum ka, bazlam ana i wakita məpala ahəm Musa ya, nda biy ana i wakita gà ɓəzla məma à guma Mbulum a, dite ndəna i wakita gà dimis tserdze ya, say a ta ge a ba mba ya ka, kaɗəŋ.»

RUMA 15:8

Kurum kà sərum, Yesuw Kiristi a dara ka, aà mazlàkà gà Yahuda aà mege dukw ata Mbulum a tsik i sida ya, a gà bàba gà tsir tar ana akahər ata ya, a gwa, i ta ge a nda ahər ŋgar a. Kamala taŋa ya, a ɗif a tar à dukw ana Mbulum a tsik i sida ya, ndzer kaɗəŋ, pàrsa iɗəm tsiye.

2 Kurintiya 5:1

Kà sərakwa, i təv ana mekìrìwè ga kwa aaha leyèh aka mbazla ya ka, Mbulum a ta vile a kwe aɗəm a ga ŋgiɗ pam, i gər ŋa i mbulum. I tsik taŋa ka, aka gər ba kwa aaha kinehe ya. I təv ana aka mət a ka, a ta vile a kwe aɗəm a ba ana i gər ŋa i mbulum a. Ŋgat à gər ŋgar na a ge ga ata a ndze a aà biybiy a ya.

KULUSIYA 2:11

Kurum mandza ŋa i təv ilik ŋa nda gà ŋgat ka, Mbulum a ge a aà kurum a lambà ana mburma ti sir a dər ka, kurum kàa nwim gà mburma ŋgar a. Akahər ata piŋŋe ka, Mbulum a tsik a gà Yahuda, a gwaɗa a tar ka, tə sasa ba, na dite mburma ti sir a dər ka, tàa ne gà biy ŋgar a. Ama kinehe ka, lambà ana ta ge a aà kurum a ka, nda ahər mburma asa tsa. Ta ge a ka, nda təv Yesuw Kiristi. Ŋgat na a ndzəkara kurum i madzala gà gər kurum ana akahər ata a dawa à kurum a bakal a ya.

IBƏRANIKWA 10:11

Gà ɓəzla mandəva kuɗa a Mbulum gà Yahuda ka, ta gewa meslire tar kəla pat, ta batsawa gà dukw tar ata a Mbulum ndidwe ndidwe kataya. Ama gà dukw ata ka, ti sle aà mibeyera à tar i bakal tar a tsidze.

IBƏRANIKWA 10:21

*Batsah mala mandəva kuɗa a Mbulum kwa a riŋ, a kesle a gà mburma ana i ga i bəra Mbulum a lele.

IBƏRANIKWA 11:10

Aɗaba Abəraham a vava ka, batsah kwite ana madzàha ŋa ɓəŋɓəŋ, Mbulum a dzala nda gər ŋgar, dite a zlàzla ya.

IBƏRANIKWA 9:1

I təv malahalah masəra ba ana gà Mbulum tə sər ba nda gà mburma ya ka, aka ɗif a tar à məpala ahəm ŋgar, na dite ti sir a dər ka, meme na tì dzer a gurmits a bəɗ a. Ama təv duwa a riŋ mbaŋa, tə zalar ka, tsəɗaŋŋa, mburma a làmbaɗa. I fata ka, tə zàmbaɗawa iɗəm à ŋgat, nda məbàtsàr aɗəm gà duwa.

Sunwa Yuhana 21:3

I dəba ŋa ya asa ka, i tsarakara mifefile duwa, a ɗera ika təv mendze Əbay ata ya. Ta fàfəl nda magala ŋgəlakəkka, ta gwa: «Araha, Mbulum aka lə̀mbaɗa təv mendze ŋgar ika magər gà mburma ka, dite ti ndze a nda gà tar. I dəba ŋa ya, ti ne a gà mburma ŋgar mbaŋa. Ŋgat à gər ŋgar na a ne Mbulum tar a.