IBƏRANIKWA 7:8 - Bible Zulgo

⁸ Gà ɓəzla mandəva kuɗa a Mbulum ana i gwala Live ya, tə̀ ndzə̀kawa dukw ata ta geye dər akaba təv pampam kurwa ya ka, ta matawa, agəra ana tar ka, gà mburma masakəŋa ya. I dəba ŋa ya, tə dza aɗəm gà mìsle ŋgiɗ. Ama Melikisedek aaha a gəs dukw ata Abəraham a zla ikəka ya ilik, a vəlar a ka, à mìt a tsidze. Ŋgat ka, a ndze a aà biybiy, kamala ana wakita Mbulum a tsik a.

IBƏRANIKWA 7:8 Iomraidhean Croise

Yuhana 14:19

I huɗ mendze zaakwa ya ka, i de a ika gər ahəɗ a. Ama kə̀la ka, i ndze a i təv kurum hiywe. Aɗaba ana iye riŋ nda gà mesife ya, kurum tekeɗe, ki ti ndzwim a nda gà mesife ata mbaŋa.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

IBƏRANIKWA 3:16

Gà weke na tə tsaraka bazlam Mbulum ka, dite ti niw mifefile ŋgar a? Na a niw ana, gà na tserdze Musa a ndzəkara tar ika ahəɗ Ezipt ya tsiye?

IBƏRANIKWA 5:6

A gwa i təv ŋgiɗ a asa ka: «Ki ne a batsah mala mandəva kuɗa a Mbulum aà biybiy, kamala Melikisedek ana akahər ata ya.»*fb*

IBƏRANIKWA 6:20

Yesuw aka làhakwa aɗəm a fata. A lah ka, aà mendze ika miɗ Mbulum, agəra kwa. Aɗaba ŋgat ka, aka ne *batsah mala mandəva kuɗa a Mbulum, kamala Melikisedek a, aà biybiy.

IBƏRANIKWA 7:23

Dukw ŋgiɗ asa mbaŋa ka, aɗaba gà ɓəzla mandəva kuɗa a Mbulum ana akahər ata i gà gwala Live ya, tar ka, diŋ hinne, aɗaba ana ta matawa iɗəm a. Ta matawa tekeɗe ka, tə dzawa aɗəm gà mìsle ŋgiɗ pampam asa.

IBƏRANIKWA 7:7

Kà sərakwa, wur ana a pise ahəm a mburma ka, ŋgat na batsah ŋa ya.

IBƏRANIKWA 7:9

Akahər ata, i təv ana Abəraham a zla ikəka dukw ata ya, a vəl a Melikisedek a ka, kamala ana Live na a vəlar a mbaŋa, ku mege gà ɓəza ŋgar ti ti dzik a dukw ata i ahər gà damər tar a, haa kinehe tekeɗe ya.

IBƏRANIKWA 9:27

Kamala ana ku mege weke à mìt a ka, sik ilik pəra ya. Aka mət ka, dite i dəba ŋa ya, a de a aka miɗ seriye Mbulum kuɗa ya.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.