IBƏRANIKWA 7:3 - Bible Zulgo

³ Wura a sər gà gwala ŋgar tsa. Wura a sər gà dede ŋgar nda mama ŋgar tsa asa. Dite wura a sər pat mawà ŋgat tsa asa mbaŋa. Pat ana a mət a tekeɗe, wura a sər ɓav tsa asa mbaŋa. Ŋgat ka, kamala Yesuw Kəla Mbulum a. Aɗaba ŋgat a ne ka, mala mandəva kuɗa a Mbulum. Mege megemir ŋgar ka, a ndze a aà biybiy.

IBƏRANIKWA 7:3 Iomraidhean Croise

Mata 4:3

Əbay sitene a samata kataya ka, a sìrìkaha a təv ŋgar. A daha, a gwaɗar: «Na kù gwa, iye Kəla Mbulum ka, gwaɗa a kur aaha ma ne ɗaf, dite ka zəm.»

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

IBƏRANIKWA 7:1

Melikisedek ata akahər ata ya ka, batsah Əbay gà Salima, dite ŋgat asa ka, mala mandəva kuɗa a Mbulum ana ŋgat ika gər gà dukw tserdze ya mbaŋa. Akahər ata Abəraham à mère a i gùvəl a, i təv ana ta bats gà bàba gà Əbay ŋgiɗ hinne ya ka, Melikisedek a ŋgəzlaraha gər aà vatwa, aà melime akaba nda ŋgat. I fataya ka, a piser ahəm.*fa*

IBƏRANIKWA 7:17

Ar ka, kamala ana ti tsik ahər i wakita, ta mà à bazlam Mbulum a ka, Mbulum gwaɗar: «Ki ti ne a batsah mala mandəva kuɗa gà aà biybiy, kamala Melikisedek a ya.»*fc*

IBƏRANIKWA 7:2

Abəraham ibam, a dzaya ikaba kàzlàŋa gà mburma aaha tə duŋ ikəka tar a, a geye dər akaba təv pampam kurwa, a zla iɗəm a ilik, a vəlar. Melikisedek ka, kamala megweɗe ya «Əbay ana a ge a seriye ndaka vatwa ŋa ndzer a. » Dite ŋgat asa ka, Əbay gà Salima. Salima mbaŋa ka, kamala megweɗe ya «Əbay ana a vile a zayzay a mburma ya. »

IBƏRANIKWA 7:6

Ama Melikisedek ka, i gwala Live tsa na Abəraham a zla dukw ata, a geye dər akaba təv kurwa ka, a zla iɗəm a ilik, a vəlar a. Dite i dəba ŋa ya, Melikisedek na a pise ahəm a Abəraham ana Mbulum a tsiker duwa i sida ya ya.