IBƏRANIKWA 7:27 - Bible Zulgo

²⁷ Aɗaba gà asiŋ gà bàba gà ɓəzla mandəva kuɗa a Mbulum ŋgiɗ ata ka, ta batsawa duwa a Mbulum kəla pat. Malahalah ŋa ka, ta batsawa aɗaba bakal tar dzekwiŋ, dite i dəba ŋa ya, ta bets a aɗaba gà mìsle ŋgiɗ kuɗa. Ama biy Yesuw ka, kataya tsa. Ŋgat ka, a vəl ba ŋgar a Mbulum taf masakəŋa, sik ilik pəra, i təv ana ta kəɗ ŋgat a, tsam ka, tsuway tsara. Sik ilik ŋa ata ka, a sle aà biybiy.

IBƏRANIKWA 7:27 Iomraidhean Croise

RUMA 6:10

I təv ana a mət a ka, a mət aɗaba bakal mburma sik ilik, tsam ka, aka ndəv. Ama kinehe ka, aka mbəlara i məməta ya, ŋgat a riŋ mandza ŋa nda gà mesife i təv Mbulum.

EFESIYA 2:22

Kurum nda gà mìsle ŋgiɗ tekeɗe, kà nwim ga ata Mezite Mesife Mbulum a ndze a iɗəm a, aɗaba ana kurum mandza ŋa i təv ilik ŋa nda gà Yesuw Kiristi ya.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

IBƏRANIKWA 5:1

Ama gà bàba gà ɓəzla mandəva kuɗa a Mbulum ana tserdze i liwiŋ kwa ya kinehe tekeɗe, Mbulum na a pala tar a mbaŋa. Ta pala tar ka, dite ta ge megemir Mbulum agəra gà mburma ata, aà ta vəlar dukw taf nda məbatsa gà duwa agəra bakal tar ana ta ge ya.

IBƏRANIKWA 5:3

Aɗaba taŋa na say ta batsawa duwa a Mbulum ka, agəra bakal tar ata mbaŋa ya, tsəka, agəra bakal gà mìsle ŋgiɗ ɗekɗek tsiye.

IBƏRANIKWA 8:4

Na mege Yesuw ɗa ika gər ahəɗ ka, ŋgat a ne a mala mandəva kuɗa a Mbulum tsidze. Aɗaba gà ɓəzla mandəva a Mbulum ŋgiɗ a riŋ ika gər ahəɗ, ta viler a duwa kamala ana məpala ahəm Musa a tsik a tar a.

IBƏRANIKWA 9:12

Akahər ana Kiristi a da a təv ata tsəɗaŋŋa ŋana, Mbulum mandza ŋa iɗəm a ka, a da aɗəm sik ilik pəra, tsam ka, aka ndəv. I təv ana a de aɗəm a ya ka, aka tə̀f dər məmbəz gà vugul nda biy gà mbuluv sla tsa. Ama a vəl ka, məmbəz ba ŋgar ŋa ivaɗ na avukw ŋa ya. Kamala taŋa ya, nda məmbəz ŋgar ata ka, a mburuɗ dərra kwa i bakal a aà biybiy.

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.

IBƏRANIKWA 9:25

*Batsah mala mandəva kuɗa a Mbulum gà Yahuda a dawa a dzə̀ɓər ga ata tsəɗaŋŋa biy Mbulum a ka, kəla viye. A dawa ka, nda gà məmbəz gənaw i ahər, tsəka, nda məmbəz ba ŋgar tsa. Ama Yesuw Kiristi a vəl ba ŋgar a Mbulum ka, sik ilik, tsam ka, tsuway tsara, tsəka, sik diŋ tsa.

IBƏRANIKWA 9:26

Na mege kataya tsəka, ana ka, a ŋgetewe a mesewere are hinne daga aà gər ana Mbulum a ge gər ahəɗ a. Ama ka, kataya tsa, aɗaba a dara kinehe ka, sik ilik pəra, aka mandəvandəv gər ahəɗ aaha kinehe ya. A vəl ba ŋgar ka, na dite sifek à pìl a dər à bakal gà mburma ana ta gewa ya, aà biybiy.

IBƏRANIKWA 9:28

Kamala taŋa ya, Yesuw Kiristi tekeɗe, à mət ka, sik ilik pəra mbaŋa. A vəl ba ŋgar a Mbulum ka, na dite a beye a dər à gà mburma hinne i bakal tar a ya. I dəba ŋa ya ka, à mère a masula ŋa asa. A mère a ka, aà məpəla à tar i bakal tar a asa tsa. Ama ka, aà məmbə̀là à gà mburma ŋgar ana tar ihər ta bebe a ŋgat a.

IBƏRANIKWA 9:7

Ama dzə̀ɓər ana i huɗ ŋa ya ka, say mala mandəva kuɗa a Mbulum ana batsah ŋa ya na a dawa aɗəm a. Ama a dawa aɗəm i huɗ mive ya ka, sik ilik pəra. I təv ana a de aɗəm a ya ka, a tə̀fawa dər məmbəz dukw ana ta kə̀ɗawa a Mbulum a, aà ahər a fata, dite ka, Mbulum mə̀ pəl à bakal ŋgar, dite nda gà bakal gà mburma ana ta gewa ka, tə sərawa aaba tsiye ya mbaŋa.