IBƏRANIKWA 7:25 - Bible Zulgo

²⁵ Aɗaba taŋa na ŋgat a riŋ nda gà ndzəɗa, a sle a aà məmbàlà à gà mburma ana kinehe ti dere a a təv Mbulum, nda ahər ŋgar a ya. Aɗaba ŋgat a ndze a ka, aà biybiy, dite ŋgat a riŋ a heme a a Mbulum agəra gà mburma ata kəla pat mbaŋa asa.

IBƏRANIKWA 7:25 Iomraidhean Croise

Yuhana 14:13

Dukw ana tserdze kàa wizwim nda zləm gà ya ka, i vile a kurum ŋa, na dite mburma ti zlibe a à Tsir gà, aɗaba iye ana Kəla ŋgar a.

Yuhana 14:16

I ta heme a a Tsir gà, ma slər a kurumara mìsle ŋgiɗ a, aà mazlàkà kurum, kamala megweɗe ya ka, Mezite Mesife ana a ɗif a kurum a à ndzer, a ndze a i təv kurum kəla pat aà biybiy a. Gà mburma ana ti zezem a gər ahəɗ ka, ti sle aà meŋgete a tsa, aɗaba ana tə sər tsa, dite ka, ta ŋgeter a tsa asa ya. Ama kurum ka, ki sirwim a ŋgat, aɗaba ana a dere a ka, a ndze a i gəzləŋ kurum, ki ndzwim a tserdze i təv ilik ŋa ya.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

RUMA 5:10

Akahər ana kwa gà ɓəzla mene are Mbulum mba ya ka, ŋgat nda gər ŋgar ŋa a yaha masəra ba nda gà kwa ka, nda məməta Kəla ŋgar ana a mət a. Aɗaba taŋa, kwa kinehe ka, gà masla Mbulum. Kà sərakwa, a ta mbil a à kwa ndzer kaɗəŋ ka, aɗaba Kəla ŋgar ata a mbəlara i məməta ya ya.

RUMA 5:2

Ŋgat na a hə̀ndə̀k a kwa i vatwa ya, na dite Mbulum a ge a kwa ŋgwal, aɗaba ana kə̀ gə̀sakwa ŋgat nda gəzləŋ kwa ya. Ŋgwal dukw ata kə̀ ŋgatakwa ya ka, ki ŋgeyekwe a dər ba, aɗaba ana kà sərakwa ndzer ka, Mbulum a ta vile a kwe a mezlibe ŋgar ana tì zlibe a à ŋgat a mbaŋa ya.

RUMA 8:34

Weke na a sle a aà magəsa tar i seriye ya? Wura a riŋ tsa. Aɗaba Yesuw Kiristi nda gər ŋgar a mət agəra kwa. Ama ka, taŋa ɗekɗek tsa, ndeyndey ŋana ka, na Mbulum a mbəlara à ŋgat i məməta ya ya. Ŋgat a riŋ mandza ŋa ika tsèke ahər mezime Mbulum, dite ŋgat a riŋ a hemer a aɗaba kwa mbaŋa asa.

1 Kurintiya 1:21

Kaɗəŋ ndzer, gà mburma gər ahəɗ ka, Mbulum aka ɗif a tar à metsehe ŋgar ibam. Ama ka, tə sər ŋgat ŋa tsa. Aɗaba taŋa, Mbulum a waya məmbə̀là à mburma nda bazlam ana mər ihər mìi ɗif a dər a mburma ya. Gà mburma gər ahəɗ ka, tar ta gwa: Bazlam ata aka gər məməta Kiristi ana a mət aà dizl magə̀làwà ŋa ya ka, dukw falày taf masakəŋa. Ama Mbulum ŋgat ka, a sasar məmbə̀là à gà mburma ana ta gəs nda gəzləŋ tar a.

EFESIYA 2:18

Aɗaba kwa tserdze, ku mege gà Yahuda, ku mege gà Yahuda tsa tekeɗe ya ka, kə ŋgatakwa vatwa aà mesirikaha a təv Mbulum Tsir kwa ka, nda təv Yesuw Kiristi. Ama ki slekwe a aà mesirike a təv ŋgar ka, ndaka vatwa ilik ŋa nda ndzəɗa Mezite Mesife Mbulum.

EFESIYA 3:12

Arəv a de a à kwa ya asa tsa na aà mesirike a təv Mbulum a, aɗaba ana kə̀ gə̀sakwa Yesuw Kiristi nda gəzləŋ, kwa riŋ mandza ŋa i təv ilik ŋa nda gà ŋgat a.

EFESIYA 3:20

Zlə̀bakwa à Mbulum, aɗaba ana a sle à mege duwa tserdze ya. Ama dukw ata ka, à zè a biy ana ki wizekwe a ya, ndəna kà dzalakwa i gà gər kwa ya mbaŋa. A ge a gà dukw ata ka, nda ndzəɗa ŋgar ana a riŋ a ge a dər megemir i gəzləŋ kwa ya.

FILIPIYA 3:21

I təv ana a dere a ya ka, a ta mbìɗ a à ba kwa ana tsèfek tsèfek ndzəɗa iɗəm tsiye, na dite ba kwa a nis a asa tsa, a ndze a aà bəra aà biybiy kamala biy ŋgar ana ti zlibe a dər a. A ta ge a kamala taŋa ya ka, nda ndzəɗa ŋgar ana a kwere a gà duwa tserdze ya.

1 TIMUTE 2:5

Guma ata ka, biy mburma dze. Aɗaba Mbulum ka, ilik, dite wele ana a sər ba à gà mburma nda ŋgat a ka, ilik mbaŋa. Taŋa Yesuw Kiristi ana a ne mburma ya.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.

IBƏRANIKWA 11:6

Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

IBƏRANIKWA 13:15

Aɗaba taŋa kinehe ka, zàmbaɗakwa à Mbulum kəla pat nda təv Yesuw. Ma ne ka, kamala dukw taf masakəŋa ana ki vilekwer a ya. Kamala megweɗe ya ka: Zlə̀bakwa à ŋgat, ki tsikewekwe a zləm ŋgar a gà mburma kəla pat.

IBƏRANIKWA 2:18

Kinehe ka, a sle a aà mezleke gà na ti dzik à ter a ya, aɗaba ana ŋgat nda gər ŋgar tekeɗe ka, aka sèwèr are hinne mbaŋa, tàa dzik à ŋgat a.

IBƏRANIKWA 2:9

Ama ka, kwa a riŋ kà sərakwa, Yesuw na a riŋ a kwere a gà dukw ata tserdze kinehe ya. Akahər ata i huɗ mendze zaakwa ya ka, Mbulum a ne à ŋgat kəla ŋa ika miɗ gà gawla ŋgar a, dite ka, a mət aɗaba gà mburma tserdze, agəra ana a waya mege a tar ŋgwal ŋa ya. Agəra mesewere are ana a sèwèr a, nda məməta ŋgar ana a mət a, na dite Mbulum a vəlar mendze ŋgwal ŋa ata tì zlibe a dər à ŋgat nda medzedzere hinne ya.

IBƏRANIKWA 5:7

Aka na Yesuw ɗa ika gər ahəɗ mba ya ka, a sər, Mbulum a sle aà mimbilere a à ŋgat i məməta ya. Aɗaba taŋa na a hama a Mbulum nda magala ŋgəlakəkka hinne, haa a tuwa a dar dərra i are ya. Mbulum tekeɗe, aka tsaraka meheme ŋgar ata, dite i dəba ŋa ya, a mbəlara à ŋgat i məməta ya, agəra ana a hənar à gər a bəɗ a.

IBƏRANIKWA 7:16

A ne mala mandəva kuɗa a Mbulum ka, ndaka vatwa məpala ahəm gà mburma ana tə zazaɗawa dər a asa tsa. Mbulum a ne à ŋgat mala mandəva kuɗa ŋgar ka, aɗaba ana ndzəɗa ŋgar a riŋ, ŋgat ka, a ndze a aà bəra aà biybiy a.

IBƏRANIKWA 7:19

Aɗaba məpala ahəm Musa ka, ndzəɗa ihər tsa, a sle a aà duwa ilik tsa, na dite mburma ti ne a dər à ba tar ŋgwal ŋa ika miɗ Mbulum a. Ama kinehe ka, duwa ŋgiɗ pam a gekwe a ŋgulum na Mbulum a mbəɗara avukw ŋa ya. Dukw ata ka, kà tikekwa aaka madzala gà gər kwa, na a vile a kwe a dər vatwa, aà mesirikaha a təv ŋgar bise ya.

IBƏRANIKWA 7:24

Ama Yesuw ka, pam aà tar a. Ŋgat a ndze a ka, aà biybiy. Wura a riŋ ka, à mbìɗ aɗəm a ba avukw ŋgat tsidze.

IBƏRANIKWA 7:8

Gà ɓəzla mandəva kuɗa a Mbulum ana i gwala Live ya, tə̀ ndzə̀kawa dukw ata ta geye dər akaba təv pampam kurwa ya ka, ta matawa, agəra ana tar ka, gà mburma masakəŋa ya. I dəba ŋa ya, tə dza aɗəm gà mìsle ŋgiɗ. Ama Melikisedek aaha a gəs dukw ata Abəraham a zla ikəka ya ilik, a vəlar a ka, à mìt a tsidze. Ŋgat ka, a ndze a aà biybiy, kamala ana wakita Mbulum a tsik a.

IBƏRANIKWA 9:24

Aɗaba Yesuw Kiristi ka, aka da a ga ata ta kiriw nda petek a tsa. Aɗaba ta ge təv ata ka, mendzikiɗe ba təv ata Mbulum mandza ŋa iɗəm a pəra. Aɗaba taŋa na kinehe ka, ŋgat a riŋ mandza ŋa ika miɗ Mbulum, dite a riŋ a hemer a aɗaba kwa ya.

Yuda 1:24

Gekwa kəkaaha a Mbulum, aɗaba ana ŋgat a sle aà makàslà kurum a, na dite ka, ki dzeywim a ika vatwa ŋgar a asa tsiye. Ŋgat a bere a aà kurum bakal kurum a tserdze tsəɗaŋŋa lele. Dite ki dwim a, ki ta hitswim a aka miɗ ŋgar i təv mezlibe ŋgar ana gà mburma tì zlibe a à ŋgat a ya. Ki ŋgeywim a ba hinne.