IBƏRANIKWA 7:16 - Bible Zulgo

¹⁶ A ne mala mandəva kuɗa a Mbulum ka, ndaka vatwa məpala ahəm gà mburma ana tə zazaɗawa dər a asa tsa. Mbulum a ne à ŋgat mala mandəva kuɗa ŋgar ka, aɗaba ana ndzəɗa ŋgar a riŋ, ŋgat ka, a ndze a aà bəra aà biybiy a.

IBƏRANIKWA 7:16 Iomraidhean Croise

RUMA 7:14

Kà sərakwa ndzer, məpala ahəm a dara ka, i təv Mbulum a. Ama kwa ka, gà mburma taf masakəŋa ɗekɗek pəra, kà nekwa kamala gà ɓele bakal a.

GALATIYA 4:3

I təv kwa kinehe tekeɗe ka, kataya mbaŋa. Akahər ana kà nekwa kamala gà ɓəza mba ya ka, kwa mandza ŋa kamala gà ɓele ya, na i ahər gà sitene ana ta kwere a gər ahəɗ a ya.

GALATIYA 4:9

Ama kinehe ka, kà sərum Mbulum kuɗa. Ŋgulum i gweɗe a ka, Mbulum aka sər kurum ivaɗ. Assàh, dite meme na ki mbiɗwim a gər a dukw sitene ana taf masakəŋa, ndzəɗa iɗəm tsiye asa ya? Aàmala na a sàs a kurum mene gà ɓele tar asa dze ya?

KULUSIYA 2:14

Akahər ata piŋŋe ka, seriye Mbulum aka gəs kwa, aɗaba ana kàa zazamakwa məpala ahəm ŋgar tsiye. Ama i dəba ŋa ya ka, Mbulum a taya iba wakita ana a wetse aɗəm bakal kwa ya, a ndwandway aà dizl magə̀làwà ŋa, kamala megweɗe ya: Seriye ika gər kwa asa tsa.

KULUSIYA 2:20

Kurum kà sərum ka, kàa matum akaba nda gà Yesuw Kiristi a təv ilik ŋa. Kamala taŋa ya ka, gà sitene ta kwere a kurum asa tsa. Assàh, na kataya ana, aàmala na ki ndzwim a kamala kurum gà mburma ana ti zezem a gər ahəɗ a hiywe mba ya? Dite aàmala na ki zezemwim a gà məpala ahəm ata, ta gweɗe a kurum a ka:

IBƏRANIKWA 10:1

Məpala ahəm gà Yahuda ka, mendzikiɗe ba ŋgwal dukw ana Mbulum a vile a kwe a, kə̀ ŋgatakwa ihər a kinehe ya ɗekɗek pəra. Məpala ahəm tar ata ka, a sle a aà məvəla a kwa gà dukw ana ndzer ŋa ya tsa. Gà ɓəzla mandəva kuɗa a Mbulum ta batsawar duwa kəla mive kataya. Gà mburma ata tə zazamawa gà məpala ahəm ata ka, ta waya mesirike a təv Mbulum. Ama dukw ata ta vəlawar a ka, a sle a aà mene à tar gà ŋgwal ŋa ika miɗ ŋgar tsa, aɗaba ta màwa aka məvə̀lar dukw ata kəla mive.

IBƏRANIKWA 7:15

Ama gà ɓəzla mandəva kuɗa a Mbulum ana i gwala Live ya ka, ti sle aà mede a à mburma a təv Mbulum tsa. Dukw ata a sər ba ndeyndey ka, aɗaba batsah mala mandəva kuɗa a Mbulum ŋgiɗ aka dara kuɗa. Ŋgat ka, i gwala Live tə tsa. Ar ka, kamala Melikisedek a.

IBƏRANIKWA 7:17

Ar ka, kamala ana ti tsik ahər i wakita, ta mà à bazlam Mbulum a ka, Mbulum gwaɗar: «Ki ti ne a batsah mala mandəva kuɗa gà aà biybiy, kamala Melikisedek a ya.»*fc*

IBƏRANIKWA 7:21

I dəba ŋa ya, Yesuw a ne mala mandəva kuɗa ŋgar ka, a mbaɗa i sida ya, a gwaɗar: «Iye Mbulum batsah ŋana, i mbìɗ a ahər a bazlam gà tsa. Yàa mbaɗa kamala taŋa ya ka, kər ki ti ne a mala mandəva kuɗa gà aà biybiy.»*fd*

IBƏRANIKWA 7:28

Gà bàba gà ɓəzla mandəva kuɗa a Mbulum ata məpala ahəm Musa a pala tar a ka, gà məfara ŋa ɗekɗek pəra, ndzəɗa tar a riŋ tsa. Ama dukw ana Mbulum a mbaɗa, a mburuɗ aɗəm avukw məpala ahəm ata ya ka, a zla Kəla ŋgar, a ne dər batsah mala mandəva kuɗa ŋgar ana bakal ŋgar a riŋ tsiye, aà biybiy.

IBƏRANIKWA 7:3

Wura a sər gà gwala ŋgar tsa. Wura a sər gà dede ŋgar nda mama ŋgar tsa asa. Dite wura a sər pat mawà ŋgat tsa asa mbaŋa. Pat ana a mət a tekeɗe, wura a sər ɓav tsa asa mbaŋa. Ŋgat ka, kamala Yesuw Kəla Mbulum a. Aɗaba ŋgat a ne ka, mala mandəva kuɗa a Mbulum. Mege megemir ŋgar ka, a ndze a aà biybiy.

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.