IBƏRANIKWA 6:6 - Bible Zulgo

⁶ Dite i dəba ŋa ya, gà na tàa sər ihər a kataya, ta mbìɗ a dəba a Mbulum a ka, vatwa a riŋ na aà məma a tarra à gər a dəba ya, dite ta mbəɗ à gà gəzləŋ tar a asa tsa. Aɗaba ar ka, kalkal kamala ana tə zla Kəla Mbulum, tə ndwandway ŋgat aà dizl magə̀làwà ŋa masula ŋa ya asa. Dite tə ndaɗa aaka hwarwa nda mendeveyer pìslìɗìɗe ika miɗ mburma asa.

IBƏRANIKWA 6:6 Iomraidhean Croise

Mata 19:26

Ama Yesuw a fə̀r aà tar, a gwaɗa a tar: «I təv mburma ka, mawùràba ŋa, ama i təv Mbulum ka, mawùràba ŋa tsa, a sle a aà duwa tserdze.»

Luka 11:48

Kərga taŋa ya, ki gwim a ka, megemir gà tsir kurum ana ta ge ya. A da a kurum a gər ka, hinne. Aɗaba taŋa, tàa bats gà ɓəzla məma à guma Mbulum ata, dite kurum kà nwim ka, gà ɓəzla mazlàzlàyà a tar aà dive ŋa kuɗa.

2 TIMUTE 2:25

Na bəla gà ɓəzla mene are yak ta gəs mege dukw ana ŋgwal ŋa ya tsəka, ɗif a tar dər nda zèyezèye nda himmè bazlam ivaɗ. Na kàa tsik a tar kamala taŋa ya ka, biytsà Mbulum a vile a ter a metsehe, ta mbìɗ a à madzala gà gər, na dite ta gis a vatwa ndzer ŋana ya.

IBƏRANIKWA 10:26

Kinehe ka, kàa sərakwa vatwa ana ndzer a. Aɗaba taŋa, na bəla wura a riŋ ika magər kwa a gewa bakal, dite i huɗ bakal ŋgar ata a ge a ya ka, a sər, a ge a taŋa ka, dukw ana ŋgwala tsiye ka, duwa ŋgiɗ a riŋ na a vile a a Mbulum masakəŋa taf, dite à piler a à bakal ŋgar a ka, a riŋ asa tsa.

IBƏRANIKWA 10:29

Na tàa ge à gà mburma nda təv məpala ahəm Musa kataya seyiŋ ana, sakwàn nda wur ana a niw a bazlam Kəla Mbulum a ya? Na wura a niw bazlam ŋgar ata, nda gà bəla a niw a məmbəz ŋgar ana a ɗif dər à masəra ba gà Mbulum nda mburma, a ne tsəɗaŋŋa ivaɗ a, dite ka, bəsənnà à fir ahər a kamala za ya, nda gà bəla a ndeveye a a Mezite Mesife Mbulum ana a ger ŋgwal ŋa ya ka, a ŋget a seriye Mbulum ana mawùràba ŋa ya ndzer kaɗəŋ.

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

IBƏRANIKWA 6:4

Ki sle aà meɗekwebe a à bazlam ata hiywe asa tsəka, aɗaba na bəla gà asiŋ ŋa i liwiŋ kwa, tàa mà a dəba ika vatwa Mbulum a ka, ki sle a aà mimèkwe aakara à tar a, dite ka, ta mbìɗ a à gəzləŋ a təv Mbulum asa tsa. Aɗaba gà mburma ata ka, tàa mbər meŋgete təv dzaydzay ŋana a dara i təv Mbulum a. Tàa ŋgat mipìsè ahəm ŋgar. Tàa ŋgat Mezite Mesife ŋgar a gəzləŋ tar mbaŋa ibam.

2 Piyer 2:21

Na kataya ka, ŋgulum na ma sər vatwa ana ndzer ŋa ya tsidze ya, ndəna a sər vatwa ana ndzer ŋa ya lele ka, dite i dəba ŋa ya, a məsak dər aba ya, a gəs ahəm dukw ana Mbulum a tsiker a asa tsiye ya.

1 Yuhana 5:16

Ama bakal ŋgiɗ a riŋ ka, mburma ta mìt a dər tsa. Na bəla wura a riŋ a ŋget a a damər ŋgar ana ika vatwa Mbulum a, a riŋ a ge a medzibe bakal ata ka, ma hama a Mbulum aɗaba ŋgat, dite ka, Mbulum mə vəl mesife a damər ŋgar ata. I tsik kataya ka, agəra gà mburma ana ta ge a bakal, dite ka, ta mìt a dər tsiye ɗekɗek. Aɗaba bakal ŋgiɗ a riŋ ka, ta mìt a dər. Yàa gwa ka, hamum a Mbulum agəra gà mburma ana ta ge a medzibe bakal ata ya tsa.