IBƏRANIKWA 6:5 - Bible Zulgo

⁵ Dite tàa mbər mesire bazlam Mbulum ka, ŋgwal ŋa. Tàa sər aà ndzəɗa gər ahəɗ awiya ŋana Mbulum a ge a ika miɗ mba ya asa mbaŋa.

IBƏRANIKWA 6:5 Iomraidhean Croise

Mata 12:32

Dite bəla wur ana aka tsik manəsa bazlam aà iye, *wur ana a dara i təv Mbulum a ka, Mbulum a sle a aà məpəla à bakal ŋgar. Ama wur ana aka tsik manəsa bazlam aà Mezite Mesife Mbulum a ka, Mbulum à pìl a bakal ŋgar tsa, ku mege aka miɗ mba tekeɗe ka, à pìl a tsidze.»

Markus 6:20

A ger magəɗa ka, aɗaba a sər, Yuhana a gewa ka, dukw ana ŋgwal ŋa ya, bakal ŋgar a riŋ tsa. Aɗaba taŋa, a kaslawa dər akaba ŋgat aà Hirudiya ya, i ga daŋgay. Bazlam Yuhana ana a tsikewa, a dzawar zləm a ka, a tsahən ahər ibam. Ama i huɗ bazlam ŋgar ata ya ka, a ndzə̀kawa ihər metsehe ya. A sər dukw ana a ge a ya tsa.

Luka 8:13

Gà biy ŋgiɗ pam asa, ti ndzikiɗ ba wur daw ata a dza aà sik kuvəl a. Ta gis a bazlam ata a gəzləŋ tar nda gà maŋgayaba tsara. Ama bazlam ata a ŋge a zlile aà mendze i gəzləŋ tar tsa. Zàkwayiya, mesewere are a dere a, a dzik à ter a tsara ka, ta miyek a à bazlam ata ta gəs a gəzləŋ tar a.

EFESIYA 6:17

Gəsum mimbile kurum ana Mbulum a mbil a kurum a, kamala *tazak daw ana i gər a. Dite gəsum bazlam ŋgar ɓəŋɓəŋ kamala màsalamà ana Mezite Mesife ŋgar a vəl a kurum a.

IBƏRANIKWA 11:3

Agəra megìse kwa ana kinehe kə̀ gə̀sakwa Mbulum nda gəzləŋ kwa ya ka, kà sərakwa dər, akahər ata piŋŋe, ŋgat a ge gər ahəɗ ka, nda bazlam ŋgar ana a tsik a, kamala megweɗe ya: Gà dukw ana gà mburma ta ŋgeter a tserdze ya, tə dara ka, i təv dukw ana wura a ŋgeter a tsiye.

IBƏRANIKWA 2:5

Mbulum à dze a ka, gà gawla ŋgar tsa na aà makwàrà gər ahəɗ awiya ŋana a dere a ika miɗ mba, mì tsik ahər a ya, say gà mìsle ŋgiɗ.

IBƏRANIKWA 4:12

Kà sərakwa bazlam Mbulum ka, ŋgat na a vile a mesife a mburma ya. Ar ka, ndzəɗa ŋa hinne mbaŋa. Ndzəɗa ŋgar ka, a za dər màsalamà ana matasla ŋa hapəpəpa a zəm tsèke sula ya. A pìts a madzala gà gər mburma ka, kamala màsalamà ana à ses a ikaba təv mezìve ya, nda gà tsa, a dehe a, ərrats à ses a atasl ana azuz iɗəm a. Bazlam ŋgar ata ka, kwàndàlàz à pètere a iɗəm à gà dukw ana gà mburma ti dzele a i gəzləŋ tar, a sàs a tar aà mege ya.

1 PIYER 1:25

Ama bazlam Mbulum ka, a ndze a aà biybiy, à ndìv a tsa.»*fb* Bazlam ata ka, bazlam ŋgwal ŋa ana ti tsik a kurum biy maŋgayaba ya.

1 PIYER 2:3

Kamala taŋa ya kaɗəŋ, aɗaba kurum ka, kàa mə̀ndzərum dukw ŋgwal ŋa ana ti tsik ahər i wakita dimis ka, ta gwa, Əbay Yesuw Kiristi a ta vile a kwa a ya.

2 Piyer 2:20

Na wura a sər Yesuw Kiristi BATSAH kwa ŋana a mbil a à kwa ya ka, aka be aà gà dukw ana ŋgwal ŋa tsa ika gər ahəɗ, à nis a à mburma ya. Ama zàkwayiya ka, à mbìɗ a gər aka mege dukw ata ŋgwal ŋa tsiye, dite gà dukw ata ta kwere a ŋgat asa ana, meme? Kamala taŋa ya, mandəvandəv mendze ŋgar ana i dəba taŋa ya ka, ŋgwal ŋa tsa ndeyndey, à zè a dukw ana ŋgwal ŋa tsa, a ge akahər ana a sər Yesuw Kiristi zukw tsiye ivaɗ.