IBƏRANIKWA 6:19 - Bible Zulgo

¹⁹ Dukw ata ki vevekwe a nda gəzləŋ ilik a ka, à gis a kwa lele, na dite gəzləŋ kwa à gìrìv a ika miɗ ŋgar asa tsiye. Aɗaba taŋa na ki tèkwe a a təv ŋgwal ŋa ata tsəɗaŋŋa, Mbulum iɗəm a. Suɓtùh ki pìtsekwe a nda liwiŋ petek ata a kaha biye hərmaga ata ŋgwal ŋa ya, aà mendze nda gà ŋgat i fata.

IBƏRANIKWA 6:19 Iomraidhean Croise

Mata 27:51

I təv ana a mət tsara ya ka, petek duwa a riŋ i ga Mbulum batsah ŋa ata zùbəl ŋa ya, madànà ŋa aà mbulum, a tayara ba ikaba i gər ŋa ya kwàŋŋa kalkal tsikw a bəɗ. Dite asa ka, ahəɗ ata a ɓazla hinne, gà bàba gà gùrum ibam, tə tazla ba ikaba ya.

Gà Ɓəzla Meslire 23:6

Ama Pul a samata ka, gà mburma ata mayahaba gər ŋa ya, tàa tə̀rə̀ts ba ikaba ya. Gà *Saduki pam, gà *Farisa tekeɗe, pam. Aɗaba taŋa, a fàfəl nda ndzəɗa, a gwaɗa a tar: «Gà damər gà, iye ka, gà Farisa, gwala gà tekeɗe ka, gà Farisa ndzer. Ta giŋ a seriye kinehe ka, aɗaba ana i gwa ka, gà məməta ti sle aà məmbə̀lara i məməta ya asa ya.»

Gà Ɓəzla Meslire 27:29

Ta ge magəɗa hinne. Ta gwa, slə̀làh yam a ti ndif a sik aà kur i huɗ yam ka, ki dzeyekwiŋa. Aɗaba taŋa na tə ndzək liɓir, tə dànaya ahər gà bàba gà ara faɗ aà mendzwil ŋa. Tə dza dər akaba a huɗ yam, dite slə̀làh yam ata ma ŋge ahər a fata, ma da asa tsa. I gər tar ka, ta gwa, mbulum mà də̀v bise.

Gà Ɓəzla Meslire 27:40

Tə daha, tə tarətsa gà liɓir ana tə dànaya aà ara aaha i huɗ yam ndeɗiŋa ya. Ta məsak aɗəm à ara ŋa a fata. Tə daha, ta pə̀laya liɓir aà zəva ŋa ana ta peke a dər slə̀làh yam a. I dəba ŋa ya, tə dàn petek aà mbulum aka miɗ ŋa, dite himbiɗ ma tahar lele. Ta waya mede ser aka tulwah ata. Aləka i təv ana ti de a ya ka, himbiɗ a de aɗəm a à tar nda ndzəɗa.

RUMA 4:16

Aɗaba taŋa na Mbulum a tsik i sida ya, a gwa, i ta vile a ka, a gà na ta gəs ŋgat nda gəzləŋ a ya. A ge dər kataya ka, aɗaba mburma tə sər dər, ŋgwal ŋgar ata a ge a ter a ya ka, biy taf masakəŋa. A vile a dukw ata ka, a gà ɓəza Abəraham tserdze, tsəka, a gà na a ɗif a tar à məpala ahəm Musa a ahər a ɗekɗek tsa. Ama a vile a a gà asiŋ gà mburma ana ta gəs ŋgat nda gəzləŋ tserdze kamala Abəraham ana a gəs a mbaŋa. Aɗaba Abəraham a ne ika gər kwa ka, tsir kwa tserdze.

RUMA 4:18

Abəraham ka, a gəs Mbulum nda gəzləŋ ŋgar, a sər, Mbulum a ta viliŋ a kəla, ku mege aka ŋgat a dukuməŋa zukw tsa tekeɗe ya. A da aka miɗ aka miɗ nda metìkè madzala gà gər aka dukw ata i gəzləŋ ŋgar hiywe pəra, ku mege gà mìsle ŋgiɗ tə dzala, ta gwa, vatwa a riŋ asa tsa, na Mbulum a ge a dukw ana a tsik i sida ya, a gwa, i ta vile a ya. Kamala taŋa ya ka, Mbulum aka ge dukw ata kaɗəŋ, na dite ka, Abəraham a ne tsir gà mburma hinne kuɗa ya. Ar ka, kamala ana Mbulum a gwaɗar: «Gà ɓəza yak ti ta ge a riŋ ka, hinne, kamala gà mawusawus ana aà gəza mbulum a.»*fe*

RUMA 5:4

Na bəla kàa simekwaha a mesewere are ata ka, gəzləŋ kwa a ŋget a ndzəɗa, a ndze a ɓəŋɓəŋ lele. Na kàa ŋgatakwa ndzəɗa kataya ka, ki dzèkwe a madzala gà gər kwa a təv Mbulum, ki sirekwe a dər ka, ŋgat na a ta gekwe a dukw ana a tsik i sida ya ya.

1 Kurintiya 13:13

Aɗaba taŋa, kinehe ka, gà duwa a riŋ makər na tì ndìv a tsiye. Kamala megweɗe ya: magəsa Mbulum ana kə̀ gə̀sakwa nda gəzləŋ kwa ya, nda metìkè madzala gà gər kwa ana ki tikikwe a nda təv ŋgar a, na dite dukw tserdze a de a lele ya, nda mawàyà mburma. Ama kəla ka, mawàyà mburma na a za gà dukw ata tserdze ya.

1 Kurintiya 15:58

Aɗaba taŋa, gà damər gà ana i waya kurum hinne ya. Ndzum ka, nda ndzəɗa ɓəŋɓəŋ lele, ka ti yum ba tsidze. Gwim megemir Yesuw BATSAH kwa ŋa ka, nda gəzləŋ ilik aka miɗ aka miɗ. Kurum kà sərum, megemir ana ki gwim a aɗaba ŋgat a ka, a ne a taf masakəŋa tsa.

EFESIYA 2:6

A mbəl akabara à kwa i məməta ya ka, nda gà Yesuw Kiristi ya, aɗaba ana kwa mandza ŋa i təv ilik ŋa nda gà ŋgat a. A dza kwa i gər ŋa, nda gà Yesuw Kiristi, dite mekwere kwa ma ge ilik nda gà ŋgat tserdze.

KULUSIYA 1:27

A waya meɗìfè a tar dər ka, à dukw ana ŋgwal ŋa ndzer, a za dukw tserdze ya, dite ka, à zlèk a gà mburma tserdze, ku mege i ŋga tekeɗe ya. Na a ne dukw ata makàhà ŋa piŋŋe, dite araha, a pàt aba kinehe ya ka, Yesuw Kiristi na a riŋ mandza ŋa i gəzləŋ kurum a. Aɗaba taŋa, kàa tikwim madzala gà gər kurum a təv mezlibe ŋgar ana ti zlibe a à ŋgat a, ka sərum ka, ki ndzwim a a fata ndzer.

KULUSIYA 3:1

Kurum kà sərum ka, kàa mbalum akabara i məməta ya nda gà Yesuw Kiristi ya. Aɗaba taŋa, dzalum ka, aka gà dukw ana i gər ŋa i Mbulum, i təv ŋgar ana ŋgat mandza ŋa iɗəm a ya. Ŋgat ka, a riŋ mandza ŋa ika tsèke ahər mezime Mbulum.

2 TIMUTE 2:19

Ama gà mburma ana Mbulum a pala tar a ka, ndzer kaɗəŋ, pàrsa iɗəm tsa. Ti ne ka, kamala madzàha ga ana tə dzàha ɓəŋɓəŋ lele, a mbezle a tsiye. Dukw ana mewetse ŋa agəra tar a ka, ta gwa: «BATSAH kwa ŋa ka, a sər gà na ti ne ga mburma ŋgar a.»*fa* Dite a gwa asa ka: «Wur ana aka gwa, iye mburma Mbulum a ka, say mə miyak à mege dukw ana ŋgwala tsa a gewa ya.»

IBƏRANIKWA 4:16

Aɗaba taŋa, sìrìkikwa a təv mendze mekwere Əbay Mbulum ana a kwere a ya, dite ka, a ge a ŋgwal ŋa a mburma mbaŋa ya. Hìriɓ hìriɓ ki gekwa magəɗa tsa. Aɗaba ka sərakwa, kà ndzekwar are tsehe, dite na a gekwe a ŋgwal ŋa i təv dukw ana a sle a aà kwa ya.

IBƏRANIKWA 9:3

Ika biye hərmaga mada a dzə̀ɓər masula ŋana ka, petek a riŋ madànà ŋa aà mbulum, tsikw a ndzera a bəɗ a mbaŋa. Dzə̀ɓər ga ata ka, təv ana tə zalar tsəɗaŋŋa biy Mbulum a, a za dər biy ŋgiɗ aaha.

IBƏRANIKWA 9:7

Ama dzə̀ɓər ana i huɗ ŋa ya ka, say mala mandəva kuɗa a Mbulum ana batsah ŋa ya na a dawa aɗəm a. Ama a dawa aɗəm i huɗ mive ya ka, sik ilik pəra. I təv ana a de aɗəm a ya ka, a tə̀fawa dər məmbəz dukw ana ta kə̀ɗawa a Mbulum a, aà ahər a fata, dite ka, Mbulum mə̀ pəl à bakal ŋgar, dite nda gà bakal gà mburma ana ta gewa ka, tə sərawa aaba tsiye ya mbaŋa.

1 PIYER 1:3

Zàmbaɗakwa à Mbulum tsir Yesuw Kiristi BATSAH kwa ŋa. Ka ndzekwar are tsehe hinne, na dite a vəl a kwa mesife awiya ŋa ya. Kə ŋgatakwa ka, aɗaba Yesuw Kiristi ana a mbəlara i məməta ya ya. Agəra taŋa na kà sərakwa i gəzləŋ kwa ka, ki ta mbilekwere a i məməta ya mbaŋa ya.