IBƏRANIKWA 5:8 - Bible Zulgo

⁸ Ku mege ŋgat Kəla Mbulum tekeɗe ka, aka sər magəsa ahəm aà Mbulum i təv mesewere are ana a sèwèr a.

IBƏRANIKWA 5:8 Iomraidhean Croise

Mata 3:15

Ama Yesuw a gwaɗar aaka: «Awaŋ, ka peliŋ ahəm tsa, viliŋ vatwa, aɗaba a sèsiŋ ka, ki geme a dukw ana Mbulum a waya ya.» Yuhana a tsaraka kataya ka, a gəs bazlam Yesuw ata a tsiker a. A daha, a tsilwiɓ aɗəm à ŋgat kuɗa.

Yuhana 10:18

Wura a sle a aà mezle aà iye mesife gà ata ya nda ndzəɗa tsa. Ama iye ŋa i dzeye a à mesife gà. Dite ndzəɗa gà a riŋ aà maŋgata aɗəm asa. Kamala taŋa ya, i ge a ka, dukw ana Tsir gà a gweɗiŋ, ge ya.»

Yuhana 15:10

Na kàa dzum gurmits a bəɗ a məpala ahəm gà kamala biy ana iye ihər i dze a a bəɗ a biy Tsir gà ya ka, ki ndzwim a i təv meweye gà ana i waya kurum a kəla pat, kamala iye ana mandza ŋa i təv meweye ŋgar ana a waya iye ya mbaŋa te.

Yuhana 4:34

Yesuw a gwaɗa a tar: «Dukw mezime gà ka, say mege dukw ana a sàs a wele ana a slərra iye ya, nda mandəva à mege megemir ana a viliŋ a ahər aà mege ya.

Yuhana 6:38

Aɗaba i tarra i gər ŋa ya ka, aà mege dukw ana a sèsiŋ a tsa. Ama i dara, i ge a ka, dukw wele ana a slər aakara iye ya.

FILIPIYA 2:8

I təv ana ŋgat a ne mburma ya ka, a həna à gər ŋgar a bəɗ, a gəs ahəm aà Mbulum tsikw haa a təv ana a mət a. Məməta ŋgar ata a mət a ka, tə ndwandway ŋgat aà dizl magə̀làwà ŋa kamala ana ŋgat ka, mala makə̀ɗà mburma ya.

IBƏRANIKWA 1:2

A fàfəlawa kataya, haa tsikw a ndzera aà mendze kwa aaha kinehe mandəvandəv ŋa ya. Ama kinehe a fàfəl a kwa ka, nda bazlam Kəla ŋgar kuɗa. Nda ahər Kəla ŋgar ata, na Mbulum a ge gà gəza mbulum nda gər ahəɗ a. Ŋgat asa mbaŋa na a zla ŋgat a, dite ka, dukw tserdze ma ge biy ŋgar.

IBƏRANIKWA 1:5

Dite Mbulum aka tsik aà wura ilik i liwiŋ tar a ka: «Kər na kà ne Kəla gà, mbakum i ne Tsir yak»*fa* ka, aka tsik tsidze. Say aà Yesuw ilik na a tsik ahər a. Dite a ɗə̀v zləm aà wura ilik i liwiŋ tar ata ya, aka gwa ka: «I ti ne a Tsir yak, dite kər tekeɗe, kà ne ka, Kəla gà»*fb* ka, aka tsik ɓav tsa asa.

IBƏRANIKWA 1:8

Ama nda təv Kəla ŋgar ka, a gwaɗar: «Kər ka, Mbulum, mekwere Əbay yak ka, ma ndza aà biybiy, ki kwere a gà mburma yak ka, nda ndzer ŋa.

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.