IBƏRANIKWA 5:5 - Bible Zulgo

⁵ I təv Yesuw Kiristi tekeɗe ka, kataya mbaŋa. Aka ne à ba ŋgar batsah mala mandəva kuɗa a Mbulum nda ahər ŋgar tsa. Mbulum na a zla ŋgat a, a gwaɗar: «Kər kà ne ka, Kəla gà, Yàa ne Tsir yak mbakum.»*fa*

IBƏRANIKWA 5:5 Iomraidhean Croise

Yuhana 3:16

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

Yuhana 7:18

Wur ana a tsik a bazlam ana a dara i madzala gà gər ŋgar a ka, a yehe a ka, meɗè zləm, dite gà mburma tə̀ zlə̀b à ŋgat. Ama wur ana a waya ka, mburma tə̀ zlə̀b à wele ana a slərra ŋgat a ka, ŋgat ka, mala ndzer, bakal i təv ŋgar tsidze.

Yuhana 8:54

Yesuw a gwaɗa a tar aaka: «Na iye ŋa i zlibe a à ba ŋa ka, a ge a ŋgulum tsa. Ama Tsir gà ana a tike iye a təv mezlibe ana tì zlibe a à iye ya. Ŋgat ka, wele ana kù gwaɗum, Mbulum kurum a.

Gà Ɓəzla Meslire 13:33

aka sle kuɗa i təv kwa ana kinehe gà ɓəza tar a. Məpàslà ahər ata a sle ya ka, nda təv Yesuw ana Mbulum a mbəlara à ŋgat i məməta ya, kamala ana mewetse ŋa a riŋ i wakita dimis sula ya, Mbulum a tsikar, a gwaɗar: *fe*

RUMA 8:3

Məpala ahəm Musa ka, a sle aà məvəla kwa mesife tsa, aɗaba ana kwa ka, gà mburma taf masakəŋa, ndzəɗa kwa a riŋ tsiye. Kwa ka, kà mbàkwa aà magəsa ahər ahəm tsa. Ama dukw ana məpala ahəm ata a sle aà mege ŋa tsiye ka, Mbulum nda ahər ŋgar ŋa aka ge. A ge taŋa ka, nda maslə̀rà Kəla ŋgar ana a slərra aka gər ahəɗ a, a ne mburma kamala kwa ya ya. Tàa dzik à ŋgat aà mege bakal kamala kwa mburma ya mbaŋa, ama ka, aka ge tsa. Dite i dəba ŋa ya ka, a mət aɗaba bakal kwa. Kamala taŋa ya na Mbulum a ge seriye bakal ana mburma a gewa ya.

IBƏRANIKWA 1:1

Akahər ata ka, Mbulum aka fàfəl a gà bàba gà tsir kwa medzige diŋ. A slərawa gà ɓəzla məma à guma ŋgar a təv tar, ta màwa a tar à bazlam ŋgar ndaka vatwa ŋgiɗ pampam.

IBƏRANIKWA 1:5

Dite Mbulum aka tsik aà wura ilik i liwiŋ tar a ka: «Kər na kà ne Kəla gà, mbakum i ne Tsir yak»*fa* ka, aka tsik tsidze. Say aà Yesuw ilik na a tsik ahər a. Dite a ɗə̀v zləm aà wura ilik i liwiŋ tar ata ya, aka gwa ka: «I ti ne a Tsir yak, dite kər tekeɗe, kà ne ka, Kəla gà»*fb* ka, aka tsik ɓav tsa asa.

IBƏRANIKWA 2:17

Aɗaba taŋa, ku mege i təv dukùla ya tserdze ka, say a ne à ba ŋgar kalkal ba gà damər ŋgar a dzekwiŋ, na dite ti ndzer are tsehe ya, a ne *batsah mala mandəva kuɗa a Mbulum aà mege megemir ndaka vatwa ŋa ika miɗ ŋgar mbaŋa. A ge dər kataya ka, aà məbàrà dər bakal aà mburma ya tserdze, dite ka, tə sər akaba ahəm nda gà Mbulum.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 5:10

Aɗaba a ne à ŋgat batsah mala mandəva kuɗa ŋgar kamala Melikisedek a mbaŋa.