IBƏRANIKWA 5:14 - Bible Zulgo

¹⁴ Ama dukw mezime ana ndzəɗa ŋa kamala ɗaf a ka, say biy gà mburma ana tàa sime ya. Tar ka, tə sər metsehe lele. Tàa sinikebe à masəra ikaba à gà dukw ana ŋgwal ŋa ya, ndəna ŋgwal ŋa tsiye ya.

IBƏRANIKWA 5:14 Iomraidhean Croise

Mata 5:48

Ama nwim ka, gà ɓəzla mege dukw ana ŋgwal ŋa lele ya, kamala Mbulum Tsir kurum ana i gər ŋa, a wele a ikaba mburma ya tsiye.»

RUMA 14:1

Na bəla wura ndzəɗa ŋgar a riŋ zukw tsa ika vatwa Mbulum ka, gəsum aaba ŋgat lele mbaŋa. Ka ta mbetswimar ahəm aka dukw ana aka dzala pam aà biy kurum a tsa.

1 Kurintiya 2:6

Gà na tàa sime ika vatwa Mbulum a ka, i ɗif a ter a à dukw ana metsehe iɗəm a mbaŋa kaɗəŋ. Ama taŋa ka, metsehe gà mburma gər ahəɗ nda biy gà Əbay ana ta kwere a tar a iɗəm tsa kəla. Aɗaba ndzəɗa ata ka, à ndìv a aà tar a.

EFESIYA 1:18

I hemer a asa ka, dite mà hə̀ndə̀k a kurum are lele, kə ŋgatum a dukw ana a zal a kurum dər a mbaŋa. I hemer a asa mbaŋa ka, dite ka sərum dər, meme na dukw ata a ta vile a kurum a ka, ŋgwal ŋa hinne, a za gà dukw tserdze ya. A ta vile a dukw ata ka, a kurum nda gà mìsle ŋgiɗ ana gà mburma ŋgar a.

EFESIYA 4:13

Na kamala taŋa ya ka, ki nekwe a ba ilik, aɗaba ana kàa gə̀sakwa ŋgat nda gəzləŋ tserdze, ŋgat ana Kəla Mbulum a, dite ka, kà sərakwa ŋgat a asa mbaŋa. Kərga taŋa ya na ki ɗekwiŋa, dite ki nekwe a gà mburma ana tàa sime ika vatwa Mbulum a nda ndzəɗa. Ama ki nekwe a ka, gà ŋgwal ŋa fit kamala ŋgat a.

FILIPIYA 3:15

Aɗaba taŋa, kwa ana kinehe kàa simekwa ika vatwa Mbulum a ka, say dzalakwa kamala taŋa ya. Na wura a dzele a dukw ŋgiɗ pam ika magər kurum a ka, Mbulum a ti ɗifer a dər parakkà.

1 TESALUNIKE 5:21

Dzikwim à gà bazlam ana mburma ti tsik a ya tserdze dzekwiŋ, na dite ki sirwim a dər ka, wànà a dara ana, i təv Mbulum a ya, tsəna, pàrsa ya ya, dite ka, kà gəsum dukw ana kà lwim ahər iɗəm ŋgwal ŋa lele ya.

1 TIMUTE 4:7

Ka tə dza zləm a gà guma məfara ŋa ana a tsahən aà Mbulum tsiye tsa. Say mede yak ma da ka, aka miɗ aka miɗ kamala ana a sàs a Mbulum a.

IBƏRANIKWA 6:1

Aɗaba taŋa, tàkwa aka miɗ nda təv bazlam ana aka gər Yesuw Kiristi ya, dite ka, ka nekwa gà mburma ana tàa sime i huɗ bazlam ŋgar ata ya. Tsəka, dìndìleɓ dìndìleɓ ka ta mətsakwa aà bazlam ana kà lah megìsekwa aka gər Yesuw Kiristi ya tsa. Aɗaba kàa mbər medzèkweha aka ndəv, ki tèkwe a ka, aka miɗ aka miɗ nda mazlazla ŋa. Ki slekwe aà meɗekwaba a à dukw ana kàa mbər metserekekwe ya hiywe asa tsa. Kamala kà gwaɗakwa: Mbə̀ɗakwa à madzala gà gər ana ŋgwal ŋa tsiye, nda mimìyàkà à dukw ana ŋgwal ŋa tsa, a ne aka kwe a məməta ya, nda gà magəsa Mbulum nda gəzləŋ ilik a asa tsa.

YAKUBA 3:2

Aɗaba kwa riŋ tserdze i huɗ gà dukw ŋgiɗ pampam kwa riŋ ihər ki gekwe a bakal. Ama wur ana a ge a bakal i huɗ gà bazlam ŋgar ana a tsik a ya tsəka, ŋgat na a ne ŋgwal ŋa ndzer a, ku mege i təv gà dukula ya tekeɗe. Ŋgat ka, a sle a aà makàslà ba ŋgar i təv gà duwa ya tserdze mbaŋa.