IBƏRANIKWA 5:11 - Bible Zulgo

¹¹ Gà dukw a riŋ hinne asa na aà metsike a kurum aka gər megemir Melikisedek ata ya. Ama ka, mawùràba ŋana aà metsike a kurum fit a təv ilik ŋa, dite na ki tserekwim a ya. Aɗaba ndə̀kə̀zlə̀zlə̀mma ki slwim aà metsereke bise tsa.

IBƏRANIKWA 5:11 Iomraidhean Croise

Mata 13:15

Aɗaba gəzləŋ gà mburma aaha ka, manəsa ŋa. Ti ndze a ka, dəgàwwa, ti ne ka, kamala gà mandakazləm a, nda gà kamala gà ɓəzla guluf a. A sàs a tar na ta fir ahər a ya tsa, ta waya na ti tsereke a ya tsa asa. Aɗaba taŋa Mbulum a gwa, mege tə tsaraka zləmana ka, ana ka, ta mbiɗere a à ba a təv ga ya, dite i mbele a tar.>*fa*

Markus 8:21

Yesuw a gwaɗa a tar: «Yawwa, dite aàla na kàa tikwim taŋa a gər tsiye?»

Luka 24:25

I fataya ka, Yesuw a gwaɗa a tar kuɗa: «A kurum gà mburma ana metsehe kurum a riŋ tsiye, dite ka, dukw ana gà ɓəzla məma à guma Mbulum ti tsik akahər ata ya ka, a mba a kurum a zləm tsa asa ya.

Yuhana 16:12

Taŋa gà dukw a riŋ aà metsike a kurum ka, hinne asa, ama ki slwim a aà mesire kinehe zukw tsa.

Yuhana 6:6

A tsiker kataya ka, aà mesèmete dər, meme na Filip a gweɗe aaka a ya. Aɗaba ŋgat ŋa ka, aka səraba dukw ana a ge a ya.

Gà Ɓəzla Meslire 28:27

Aɗaba gà mburma aaha ka, tàa ne aaba gà mandàkugùrum. Tàa raraɗa ahər a gà zləm tar. Tàa handakaya aka gà are tar, tsəka, ana ka, ti tserekiŋa, kige tsa ta ŋgeteriŋa, dite ti sir a kuɗa. Ta mbiɗere a ahəm a təv ga ya, i mbele a tar.> «*fa*

IBƏRANIKWA 5:10

Aɗaba a ne à ŋgat batsah mala mandəva kuɗa ŋgar kamala Melikisedek a mbaŋa.

IBƏRANIKWA 5:12

Ana ka, ki slwim aà mene a gà ɓəzla medzeŋge guma Mbulum a mburma, na mege daga piŋŋe ka, kà dzum ba aà mesìnìkè ba à duwa ya. Ama haa kinehe kàa sərum lele zukw tsa. Say ta me a kurum a aka medzeŋge guma ana kà lah metserekwim a nda təv bazlam Mbulum a lele asa dzekwiŋ. Kurum ka, kà slwim mazəma ɗaf zukw tsa. Kurum ka, kamala gà ɓəza ana ti se a awah aà məmər tar a mba ya.

2 Piyer 3:16

A tsikewa taŋa ka, kəla pat na a wetse aka gər gà dukw ata i huɗ gà wakita ŋgar a. Ama kəla ka, dukw ŋgiɗ a riŋ i huɗ gà wakita ŋgar ata ka, mawùràba ŋa, a tsereke a ba bise tsa. Gà mburma ata tə səraha duwa tsa, gəzləŋ tar a ndze a wèkit wèkit a ka, ta mbìɗ a à dukw ana bazlam ata a sasar aà megweɗe ya. Ti dzev aaka a ka, wìrɗìɗìɗe nda pàrsa. Ta ge a dər ka, kamala ana ta gewa à gà asiŋ gà bazlam ana i wakita Mbulum a mbaŋa. Kamala taŋa ya, tar ka, ta bets a ba tar nda ahər tar ŋa.