IBƏRANIKWA 4:1 - Bible Zulgo

¹ Akahər ata ka, Mbulum aka tsik duwa i sida ya. A gwa ka, a ta vile a kwa a vatwa aà mede a təv mendze ŋgar ata zayya, ki sìfìkikwe a iɗəm ba ya. Dukw ata ka, aka mbər metsike a kwa i sida ya ka, a riŋ hiywe, a dzeye a tsa. Aɗaba taŋa, gekwa metsehe lele, dite ka, wura ilik ika magər kurum a, ma ta məts a dəba ze mede aɗəm tsa.

IBƏRANIKWA 4:1 Iomraidhean Croise

Mata 24:48

Ama wele ana a ge a megemir ika are mburma ya ɗekɗek a ka, a dzele a i gəzləŋ ŋgar, a gweɗe a:

Gà Ɓəzla Meslire 3:19

Aɗaba taŋa kinehe ka, mbəɗum à madzala gà gər kurum, kà mbəɗum gər a təv Mbulum. Dite mə̀ pəl a kurum à bakal kurum tserdze.

RUMA 11:20

Kaɗəŋ, pàrsa tsa, kà tsik ka, ndzer. Mbulum a sàsara iɗəm a ka, agəra ana tàa gəs ŋgat tsiye. Kər kinehe ka, kàa ŋgat təv mendze yak, aɗaba ana kàa gəs a. Ama kəla ka, ka tə səkah à gər yak tsa, ki ger a magəɗa ivaɗ.

RUMA 3:23

Aɗaba tar tserdze tàa ge bakal, tàa ŋgat mezlibe ana Mbulum a waya, a vile a ter a zləmana ya tsa.

1 Kurintiya 10:12

Aɗaba taŋa, wele ana a gweɗe a, waytsà iye mehìtsè ŋa ika vatwa Mbulum dzèŋŋe ya ka, say ma ge metsehe, tsəka, a ti dìɗ a ika vatwa Mbulum a.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

GALATIYA 5:4

A kurum gà mburma ana kù gwaɗum ka, Mbulum a ne à mər a gà ŋgwal ŋa ika miɗ ŋgar, agəra ana mìi zezem a məpala ahəm gà Yahuda ya ka, taŋa kurum nda gà Kiristi ka, zàmtàkàlla kàa zùm aba, kurum mandza ŋa i təv ilik ŋa asa tsa. Kàa mbəɗum dəba a ŋgwal dukw ana Mbulum a ge a kurum a.

2 TIMUTE 2:13

Ama ku mege megìse kwa a riŋ tsa, ki nekwe a à ŋgat bakal tekeɗe, ŋgat ka, mala ndzer ŋa hiywe. Aɗaba dukw ana aka mbər megweɗe, i ge a ka, a ge a kaɗəŋ, a sle a aà masàsà pàrsa tsidze.

IBƏRANIKWA 12:15

Gwim metsehe, aɗaba wura ilik ma ta mà a dəba aà dukw ŋgwal ŋa ana Mbulum a waya aà meger a tsa. Gwim metsehe asa ka, wura ilik ma ne kamala dukw ana a ndza ɗìwèkìke, dite ka, a nis a à gà dukw ŋgiɗ a tsa. Medzìbe gà mburma ata ka, ta hitse a à dukw ana mawùràba ŋa ya, ti nis a à mendze mburma hinne asa.

IBƏRANIKWA 12:25

Aɗaba taŋa, gwim metsehe, ka ti niwim Yesuw ana a riŋ à fèfil a kurum a kinehe ya tsa. Aɗaba gà mburma ana akahər ata tar mandza ŋa aà sik kwite Sinay a ka, ti niw bazlam wur ana a tsik a tar bazlam Mbulum ika gər ahəɗ a, a waya mibe a tar à ɗaf a. Ama ka, tàa beye tsa seyiŋ ana, sakwàn nda kwa ana kinehe ka, kwa riŋ ki tserekikwe a bazlam wur ana a dara i gər ŋa ya ya? Meme na ki ta beyekwe a ya, na kàa niwekwa bazlam ŋgar dze ya?

IBƏRANIKWA 13:7

Gà na tə lah meɗe a kurum à vatwa, ti tsik a kurum bazlam Mbulum a ka, tə ta məts a kurum gər tsa. Dzalum gà gər aka mendze tar ana tə ndza ɗa ya, dite meme na ta mata ya asa mbaŋa. Zazamum ka, megìse tar ana ta gəs Mbulum nda gəzləŋ a mbaŋa.

IBƏRANIKWA 3:11

Aɗaba taŋa, Yàa mbaɗa i təv matsəɓatsəɓ ga ata ya. I gwa ka, ti sle a aà medera a təv mendze gà ana zayya, tì sifik a iɗəm ba ya tsidze.»*fb*

IBƏRANIKWA 4:11

Aɗaba taŋa, mərakwa aaka aba, dite ka, kə ŋgatakwa vatwa aà mede a təv mendze ŋgar ata zayya ŋa, ki sìfìkikwe a iɗəm ba ya. Gekwa metsehe, wura ilik ika magər kwa ya ma ta mà a dəba kamala gà tsir kwa ata ta gəs ahəm aà Mbulum tsiye tsa.

IBƏRANIKWA 4:9

Kamala taŋa ya, gà mburma Mbulum ka, ti sle a aà mede a təv mesìfìkà ba ata kamala ŋgat ana a sifik a ba a pat matəsəla ŋa ya hiywe mbaŋa.