IBƏRANIKWA 3:7 - Bible Zulgo

⁷ Aɗaba taŋa, Mbulum ihər a gweɗe a nda ahər Mezite Mesife ŋgar ka: «Na kàa tsarakum mifefile gà mbakum ka,

IBƏRANIKWA 3:7 Iomraidhean Croise

Mata 17:5

I təv ana a riŋ ihər à fèfil a mba ya ka, magùdwagùdwa a tarra aka gər tar a herrè, tits a le a tar. Zàmma tsəka, tə tsarakara iɗəm mifefile i huɗ magùdwagùdwa ata ya, Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Maŋgayaba gà fit dze ka, ika gər ŋgar. Dzum zləm a dukw ana a tsik a kurum a ya.»

Mata 22:43

Yesuw a gwaɗa a tar: «Dite meme na Dawda a mà à bazlam Mezite Mesife Mbulum akahər ata ka, a zalar Batsah ga ŋa ya?

Markus 12:36

Aɗaba Dawda nda gər ŋgar a mà ka, à bazlam Mezite Mesife Mbulum, a gwa ivaɗ ka: *fh*

Yuhana 10:16

Gà təmaŋ gà ŋgiɗ a riŋ i dagara aaha zukw tsa. Ama say i yehere a tar a mbaŋa. Ti ti dze a zləm a mifefile gà. Ta gew a ba a təv ilik ŋa. Ti ne akaba a palam ilik, mala makəva tar tekeɗe, ilik mbaŋa.

Yuhana 10:27

Gà mburma gà ka, tì dze a zləm a mifefile gà. Ti ne kamala gà təmaŋ ana tì dze a zləm a mifefile mala makəva tar a. I sər tar, dite tar tekeɗe, tar riŋ ti zezem a iye mbaŋa.

Yuhana 10:3

Na bəla wele ana a kesle a biye hərmaga ya ka, à hìndìk a i ga a mala makəva gà təmaŋ ata ya, a de aɗəmiŋa. A zel a a gà təmaŋ ŋgar nda zləm tar ilik ilik tserdze. Ti tserekiŋa, dite à kìvere a tar a bəra ya.

Yuhana 5:25

Iye ihər i gweɗe a kurum ŋa nda ndzer, pàrsa iɗəm tsa: Pat ŋa a deriŋa, kamala megweɗe ya ka, aka mbər mendzera kinehe, ama ka, gà məməta ti tsereke a biye ɗa Kəla Mbulum, dite ka, gà na tàa tsaraka ya ka, ta mbiliŋa.

Gà Ɓəzla Meslire 1:16

«Gà damər gà, say dukw ana Mezite Mesife Mbulum a tsik piŋŋe i wakita Mbulum a ka, aka ge ba kaɗəŋ. Aɗaba a tsik nda ahər Dawda akahər ata, a tsik aà Yudas ana a ti ne a mala meɗìfè à vatwa a gà mburma ana tàa gəs Yesuw a.

Gà Ɓəzla Meslire 28:25

I təv ana aləka ti deye a ikaba ya ka, ahəm a da a tar aaba tsa, ta mbetseba a ahəm hinne, agəra bazlam ata Pul a tsik a tar a. I dəba ŋa ya, Pul a gwaɗa a tar asa: «I samata ka, dukw ana Mezite Mesife Mbulum a tsik a gà tsir kurum ana akahər ata ya ka, kaɗəŋ ndzer, kamala ana a tsik a Ezaya, mala məma à guma Mbulum a.

Gà Ɓəzla Meslire 8:29

Ama Mezite Mesife Mbulum a gwaɗa a Filip: «Val a tsaka puspus aaka a de a ya, ka dum akaba kalkal.»

IBƏRANIKWA 10:15

Mezite Mesife Mbulum tekeɗe, a riŋ a ɗif a kwe a dər parakkà, gà dukw ata ka, ndzer kaɗəŋ. Malahalah ŋa a mà ka, à bazlam Əbay Mbulum, a gwa:

IBƏRANIKWA 3:13

Màyum baha à arəv ilik ilik ika magər kurum tserdze kəla pat seyiŋ ivaɗ, na dite duwa ilik a beze a kurum a za asa tsiye, dite ka, ki gwim a bakal, ka tsalum ba à segeme a gər tsa asa ya. Zazamum bazlam ata kəla pat i təv ana Mbulum riŋ à fèfilekwe a tə̀ma seyiŋ mbakum a.

IBƏRANIKWA 3:15

Araha Mbulum a gwa i wakita ŋgar a ka: «Na kàa tsarakum mifefile gà mbakum ka, dzùmar zləm lele, segeme ma ge i gər kurum kamala gà tsir kurum ana akahər ata ti niw bazlam gà ya tsa.»

IBƏRANIKWA 4:7

Aɗaba taŋa na Mbulum a zla pat ŋa asa, a zalar «mbakum» a, kərga megweɗe ya ka, kinehe. A tsik ahər i dəba mive ana a da a dəba hinne ya, nda bazlam Dawda, a gwa kamala ana i lah metsike a kurum ndeɗiŋa ya: «Na kàa tsarakum mifefile Mbulum mbakum ka, dzùmar zləm lele, segeme ma ge i gər kurum tsa.»

IBƏRANIKWA 9:8

Kamala taŋa ya, Mezite Mesife Mbulum ihər a ɗifewa dər ka, na dzə̀ɓər ga ata a mbera ya, a riŋ hiywe mba ka, vatwa ana gà mburma ti de a dər a huɗ ga ata tsəɗaŋŋa, Mbulum mandza ŋa iɗəm a ka, titstsè, mahə̀ndə̀kà ŋa iɗəm a zukw tsa.

2 Piyer 1:21

Aɗaba gà bazlam tar ata tserdze ya ka, a dara ka, i metsehe mburma ya ilik tsidze. Mezite Mesife Mbulum na a da a gəzləŋ tar a, na dite ti tsik dukw ana tə tsaraka i təv Mbulum a ya.

Sunwa Yuhana 3:20

Tsarakum, iye riŋ mehìtsè ŋa aà gùva biye hərmaga, i lek a a dukw mahə̀ndə̀kà a ga. Wur ana aka tsaraka mifefile gà, dite aka hìndìkiŋ i ga ya ka, i de a a ga a ma ŋgar. Mìi zim akaba a ɗaf sula məma nda ŋgat tsùrùzl a təv ilik ŋa.