IBƏRANIKWA 3:5 - Bible Zulgo

⁵ Musa i ŋgar ka, aka ger megemir ndaka vatwa ŋa lele, na ika magər gà mburma Mbulum a. Ama ŋgat ka, a ne mala megemir pəra. A me a à dukw ana Mbulum a ta pèt a dər aka miɗ mba ya.

IBƏRANIKWA 3:5 Iomraidhean Croise

Mata 24:45

I dəba ŋa ya, Yesuw a gwaɗa a tar asa: «Nwim ka, kamala mala megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a ɗifer a à ga ŋgar a ahər, a vile a ɗa dukw mezime a gà mburma ana i ma ŋgar a ka, tits ndaka vatwa ŋa lele.

Mata 25:21

Mala ga ŋgar a gwaɗar:

Luka 12:42

Əbay Yesuw a gwaɗar aaka: «Nwim ka, kamala mala mege megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a tike aɗəm a ŋgat aà makàslà gà ɓəzla megemir, a vile a ter a ɗa dukw mezime ka, tits a təv ana tə zəmawa ya ya.

Luka 24:27

I dəba ŋa ya, a tsik a tar kuɗa, a ɗif a tar à dukw ana ti tsik aà ŋgat i wakita Mbulum a. A dza ahər ba ka, i wakita Musa ya, haa tsikw a ndze dər a wakita gà ɓəzla məma à guma Mbulum ana tserdze ya.

Luka 24:44

I dəba ŋa ya, a gwaɗa a tar asa: «Samatum kwaŋ. Aka ana iye riŋ i təv kurum mba ya ana, i tsikewa a kurum tsiye, na dukw ana ta wetse agəra iye ya? I tsikewa a kurum ka, bazlam ana i wakita məpala ahəm Musa ya, nda biy ana i wakita gà ɓəzla məma à guma Mbulum a, dite ndəna i wakita gà dimis tserdze ya, say a ta ge a ba mba ya ka, kaɗəŋ.»

Yuhana 5:39

Kurum ihər ki dzeŋgwim a wakita Mbulum kəla pat. Kà dzalum ka, ki ŋgetwim a iɗəm mesife ana à ndìv a tsa aà biybiy a. Tsaatsa i huɗ wakita ata ti tsik a ka, aka gər gà.

Gà Ɓəzla Meslire 28:23

Ti tike məpàslà ahər a Pul, ta gwaɗar: «Say pat ŋgiɗ na ki ɗif a mər a dər a.» Aləka pat məpàslà ahər tar ata a ndze aɗəm ka, gà mburma hinne tə daha a təv ŋgar ana a hənawa iɗəm a. Tə daha ka, a ɗif a tar à *mekwere Mbulum ana a kwere a aka miɗ mba ya. A dza ahər ba daga à gər mèkwède ya, tsikw a hawa. A ɗif a tar ka, à dukw ana i huɗ wakita məpala ahəm Musa ya, dite nda biy gà ɓəzla məma à guma Mbulum ana akahər ata ya tserdze mbaŋa. A ɗe a tar à ndzer ŋa ana agəra Yesuw a, dite ka, ta gəs ŋgat.

Gà Ɓəzla Meslire 7:37

Musa aaha asa na a gwaɗa gà Isərayel ka: *fo*

RUMA 3:21

Ama kinehe ka, dukw ana gà məpala ahəm ata, nda gà dukw ana gà ɓəzla məma à guma Mbulum ti tsik akahər ata, ta gwa, a ta ge a ba aka miɗ mba ya ka, aka ge ba kaɗəŋ. Kamala megweɗe ya, Mbulum ŋa nda gər ŋgar na a ɗif à vatwa a mburma ya, na dite ti ne a gà ŋgwal ŋa ika miɗ ŋgar a. Vatwa ata ka, pam, a dara ka, nda təv məpala ahəm a tsa.

1 Kurintiya 4:2

Ama kəla ka, wele ana mala ga ŋgar aka məsakar à duwa a ahər a ka, a waya ŋgat ma ne ka, mala ndzer.

1 TIMUTE 1:12

Iye ihər i ge a kəkaaha a Yesuw Kiristi BATSAH kwa ŋa, agəra ana a zla iye kamala mala ndzer a. I ger a kəkaaha asa ka, aɗaba aka ne à iye mala meslire ŋgar asa mbaŋa. Aka viliŋ ndzəɗa aà megemir ŋgar ata asa.

IBƏRANIKWA 1:1

Akahər ata ka, Mbulum aka fàfəl a gà bàba gà tsir kwa medzige diŋ. A slərawa gà ɓəzla məma à guma ŋgar a təv tar, ta màwa a tar à bazlam ŋgar ndaka vatwa ŋgiɗ pampam.

IBƏRANIKWA 3:2

Mbulum na a zla ŋgat aà megemir ata ya. Ŋgat tekeɗe, aka ge ka, kalkal ndaka vatwa ŋa lele kamala Musa ana a ger megemir ndaka vatwa ŋa akahər ata ika magər gà mburma ana i ma ŋgar tserdze ya.*fa*

IBƏRANIKWA 3:4

Kaɗəŋ, gà ga fit ka, na a zlàzl ka, mburma. Ama mala mege dukw tserdze ka, Mbulum.

IBƏRANIKWA 8:5

Mege megemir ana ta gewa ya ka, mendzikiɗe ba ŋa ɗekɗek pəra. Ta gewa ka, mendzikiɗe ba megemir ana Yesuw, batsah mala mandəva kuɗa a Mbulum kwa a ge a riŋ i mbulum i gər ŋa ya. Mekìrìwè ga tar ata tekeɗe, mendzikiɗe ba təv ata Mbulum mandza ŋa iɗəm a mbaŋa. Ta kiriw ga ata ka, kamala ana Mbulum a tsik a Musa, a gwaɗar ka: «Ge metsehe lele, na dite ki ge a duwa tserdze kamala ana i ɗifek dər i gər kwite ya ya.»*fa*

IBƏRANIKWA 9:24

Aɗaba Yesuw Kiristi ka, aka da a ga ata ta kiriw nda petek a tsa. Aɗaba ta ge təv ata ka, mendzikiɗe ba təv ata Mbulum mandza ŋa iɗəm a pəra. Aɗaba taŋa na kinehe ka, ŋgat a riŋ mandza ŋa ika miɗ Mbulum, dite a riŋ a hemer a aɗaba kwa ya.

Sunwa Yuhana 15:3

Tar ihər tì lèh a dər dimis Musa ana ŋgat mala meslire Mbulum, a lah akahər ata ya. Dite i dəba ŋa ya, tə lah dimis wele ana ŋgat kamala Kəla Təmaŋ a mbaŋa. I huɗ malàhà dimis tar ata tə lah a ka, ta gwa: «Mbulum BATSAH kwa ŋa ka, mala makwàrà duwa tserdze. Mege megemir yak ana ki ge a ya ka, batsah ŋa. Ar ka, ŋgwal ŋa ndzer. Kər na Əbay ika gər ahəɗ tserdze ya. Dukw ana ki dzele a ya, ndəna ki ge a ya ka, kalkal lele. Kər ka, mala mege dukw ana ŋgwal ŋa ndzer a.