IBƏRANIKWA 3:3 - Bible Zulgo

³ Wele ana a ge ga matsahəna ŋa lele ya ka, tì zlibe a ka, à ŋgat, tsəka, à ga ata tsa. Kamala taŋa ya, i magər gà Yesuw nda Musa tekeɗe, kataya mbaŋa. Ndzəɗa ana tì zlibe a à Yesuw a ka, a za biy Musa.

IBƏRANIKWA 3:3 Iomraidhean Croise

Mata 16:18

Iye ihər i gweɗekiŋa: Kər ka, Piyer, kamala megweɗe ya ka, kuvəl. Ama i ti yehe a gər a gà mburma gà aka kuvəl ata kamala kur ana tì zlèzl a dər ga ya. Taŋa, gà ɓəzla mene are tar ka, ti sle a aà medzeye à tar tsa, ku mege ndzəɗa məməta tekeɗe, a sle a aà mimbè aà tar tsa mbaŋa.

1 Kurintiya 3:9

Kamala taŋa ya, mər nda Apalus ka, mì gewa akaba mege megemir Mbulum i təv ilik ŋa məma, mər gà ɓəzla mege megemir ŋgar. Ama kurum kà nwim ka, kamala gùvàh Mbulum a. Dite kurum kà nwim asa ka, kamala ga ana Mbulum à zlèzle a ya asa mbaŋa.

2 Kurintiya 3:7

Akahər ata, Mbulum a wetse məpala ahəm ŋgar ka, aka beliŋ kur. I fataya ka, gà mburma ta ŋgat a ndzəɗa Mbulum ana tì zlibe a dər, a za duwa tserdze ya. Dite yemere Musa a də̀v dzaydzay agəra ndzəɗa Mbulum ata mbaŋa. Ku mege dzaydzay ata a ndze a hinne tsa tekeɗe ka, gà mburma Isərayel ti sle məfàrà aà yemere Musa tsa, aɗaba ana a də̀v hinne, à wìwizl a are twiy twiy twiy kamala pat a. Ama na mege megemir məpala ahəm ata a zlere a məməta aka mburma ya ya, a riŋ nda gà ndzəɗa kamala taŋa ya ka,

KULUSIYA 1:18

Ŋgat Əbay ika gər gà mburma Mbulum mbaŋa. Ŋgat na a kwere a tar, kamala metsehe ana i gər mburma a kwere a ba mburma ya. Mesife awiya ŋa a dza ahər ba ka, i təv ŋgar mbaŋa asa. Aɗaba Mbulum a lah məmbə̀lara à ŋgat i məməta ya, na dite a ne à ŋgat Batsah ŋa ika gər gà duwa tserdze, ku mege awara tekeɗe ya.

IBƏRANIKWA 2:9

Ama ka, kwa a riŋ kà sərakwa, Yesuw na a riŋ a kwere a gà dukw ata tserdze kinehe ya. Akahər ata i huɗ mendze zaakwa ya ka, Mbulum a ne à ŋgat kəla ŋa ika miɗ gà gawla ŋgar a, dite ka, a mət aɗaba gà mburma tserdze, agəra ana a waya mege a tar ŋgwal ŋa ya. Agəra mesewere are ana a sèwèr a, nda məməta ŋgar ana a mət a, na dite Mbulum a vəlar mendze ŋgwal ŋa ata tì zlibe a dər à ŋgat nda medzedzere hinne ya.

IBƏRANIKWA 3:4

Kaɗəŋ, gà ga fit ka, na a zlàzl ka, mburma. Ama mala mege dukw tserdze ka, Mbulum.

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.