IBƏRANIKWA 3:2 - Bible Zulgo

² Mbulum na a zla ŋgat aà megemir ata ya. Ŋgat tekeɗe, aka ge ka, kalkal ndaka vatwa ŋa lele kamala Musa ana a ger megemir ndaka vatwa ŋa akahər ata ika magər gà mburma ana i ma ŋgar tserdze ya.*fa*

IBƏRANIKWA 3:2 Iomraidhean Croise

Yuhana 15:10

Na kàa dzum gurmits a bəɗ a məpala ahəm gà kamala biy ana iye ihər i dze a a bəɗ a biy Tsir gà ya ka, ki ndzwim a i təv meweye gà ana i waya kurum a kəla pat, kamala iye ana mandza ŋa i təv meweye ŋgar ana a waya iye ya mbaŋa te.

Yuhana 17:4

A gər ana iye ɗa mandza ŋa ika gər ahəɗ a ka, Yàa ɗif à ndzəɗa yak ana tì zlibe à kər a, a mburma. Yàa ndəv à megemir yak ana kà slər aakara iye ya.

Yuhana 7:18

Wur ana a tsik a bazlam ana a dara i madzala gà gər ŋgar a ka, a yehe a ka, meɗè zləm, dite gà mburma tə̀ zlə̀b à ŋgat. Ama wur ana a waya ka, mburma tə̀ zlə̀b à wele ana a slərra ŋgat a ka, ŋgat ka, mala ndzer, bakal i təv ŋgar tsidze.

Yuhana 8:29

Wele ana a slərra iye ya ka, a riŋ i təv ga. Aka miyak à iye à gər gà tsa, aɗaba iye ihər i ge a ka, dukw ana a dar a gər a ɗekɗek.»

EFESIYA 2:22

Kurum nda gà mìsle ŋgiɗ tekeɗe, kà nwim ga ata Mezite Mesife Mbulum a ndze a iɗəm a, aɗaba ana kurum mandza ŋa i təv ilik ŋa nda gà Yesuw Kiristi ya.

1 TIMUTE 1:12

Iye ihər i ge a kəkaaha a Yesuw Kiristi BATSAH kwa ŋa, agəra ana a zla iye kamala mala ndzer a. I ger a kəkaaha asa ka, aɗaba aka ne à iye mala meslire ŋgar asa mbaŋa. Aka viliŋ ndzəɗa aà megemir ŋgar ata asa.

1 TIMUTE 3:15

Aɗaba ku mege Yàa ndzeha bise tsa tekeɗe ka, wakita aaha a ɗifek a à dukw ana i tsikik a zləmana ya, dite ka, ki sir a dər ka, meme na gà mburma ti sle a aà mede ika magər gà mburma Mbulum ndaka vatwa ŋa lele ya. Na a ne gà mburma ata ka, gà na tar riŋ i huɗ mayahaba gər gà mburma Mbulum ana ŋgat a vile a ter a mesife ya. Gà mburma ŋgar ata na ndəzlzlà ti ne mendweŋe bazlam ŋgar ana ndzer a.

IBƏRANIKWA 2:17

Aɗaba taŋa, ku mege i təv dukùla ya tserdze ka, say a ne à ba ŋgar kalkal ba gà damər ŋgar a dzekwiŋ, na dite ti ndzer are tsehe ya, a ne *batsah mala mandəva kuɗa a Mbulum aà mege megemir ndaka vatwa ŋa ika miɗ ŋgar mbaŋa. A ge dər kataya ka, aà məbàrà dər bakal aà mburma ya tserdze, dite ka, tə sər akaba ahəm nda gà Mbulum.