IBƏRANIKWA 3:19 - Bible Zulgo

¹⁹ Kamala taŋa ya kaɗəŋ ka, tàa sle aà mada a təv mendze ŋgar ata zayya, tì sifik a ba ya tsəka, aɗaba ana tàa gəs ŋgat nda gəzləŋ tsiye.

IBƏRANIKWA 3:19 Iomraidhean Croise

Markus 16:16

Wur ana aka gəs iye nda gəzləŋ, tàa tsilwiɓ dər a yam a ka, a mbiliŋa. Ama wur ana aka gəs iye tsiye ka, sida ika gər ŋgar.

Yuhana 3:18

Wele ana aka gəs ŋgat nda gəzləŋ a ka, seriye à gis a ŋgat tsa. Ama wele ana aka gəs ŋgat tsiye ka, seriye aka mbər megìse ŋgat daga kinehe, aɗaba ana aka gəs Kəla Mbulum ata mifèndèz ŋa ilik a tsiye.

Yuhana 3:36

Wele ana aka gəs Kəla Mbulum a ka, aka ŋgat mesife ana à ndìv a tsa aà biybiy a. Wele ana aka dzar zləm tsiye ka, a ŋget a mesife ata tsa, ama matsəɓatsəɓ Mbulum a riŋ a ndze a ika gər ŋgar.»

RUMA 11:23

Na gà Yahuda ata ta mbəɗara gər a təv ŋgar a, tàa gəs Yesuw ka, à me à ter a a təv mendze tar ata asa tsara, aɗaba ŋgat ka, tits a sle a aà mimèra à tar a, dukw ŋgar.

2 TESALUNIKE 2:12

Aɗaba taŋa na seriye Mbulum a ta gis a gà na ta gəs dukw ana ndzer a tsa, ta ŋgeye a ba ka, aà mege dukw ana ŋgwala tsa tserdze ya.

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.

1 Yuhana 5:10

Aɗaba taŋa, na wura aka gəs Kəla Mbulum nda gəzləŋ ŋgar ka, a sir a gà dukw ata ti ne ndzer a i gəzləŋ ŋgar. Ama wur ana aka gəs bazlam Mbulum a gəzləŋ ŋgar tsiye ka, a ne à ŋgat mala pàrsa. Aɗaba aka gəs dukw ana Mbulum a tsik aka gər Kəla ŋgar a tsa.

Yuda 1:5

Ku mege kàa sərum gà bazlam ata daga piŋŋe tekeɗe, a sèsiŋ ka, i me a kurum a dərraha a gà gər, meme na Mbulum a beyera à gà mburma Isərayel ika ahəɗ Ezipt akahər ata ya. Ama i dəba ŋa ya ka, a bats iɗəm gà mburma ana ta gəs bazlam ŋgar tsiye, ika magər gà mburma ata a beyera à tar a.