IBƏRANIKWA 2:9 - Bible Zulgo

⁹ Ama ka, kwa a riŋ kà sərakwa, Yesuw na a riŋ a kwere a gà dukw ata tserdze kinehe ya. Akahər ata i huɗ mendze zaakwa ya ka, Mbulum a ne à ŋgat kəla ŋa ika miɗ gà gawla ŋgar a, dite ka, a mət aɗaba gà mburma tserdze, agəra ana a waya mege a tar ŋgwal ŋa ya. Agəra mesewere are ana a sèwèr a, nda məməta ŋgar ana a mət a, na dite Mbulum a vəlar mendze ŋgwal ŋa ata tì zlibe a dər à ŋgat nda medzedzere hinne ya.

IBƏRANIKWA 2:9 Iomraidhean Croise

Mata 16:28

Iye ihər i gweɗe a kurum a nda ndzer: Gà mìsle ŋgiɗ ɗa ika magər kurum aaha kinehe ya ka, ta mete a zukw tsa, say ta ŋgetiŋ a, a iye, wur ana i dara i təv Mbulum a, i mère a ka, kamala Əbay a dzekwiŋ.»

Mata 6:28

Dite aɗaba la dze ya, na ki wiswim ba a à gər nda bazlam petek a? Fə̀rum aà gà mibìzè gà kwizir ana i dala ya kwaŋ, meme na a slil a ka, dite a bize a ya? Ta ge a mege megemir ŋa, ta ŋger a petek ŋa akaba ɓav tsa.

Markus 9:1

Yesuw a gwaɗa a tar asa: «Iye ihər i gweɗe a kurum a nda ndzer: Gà mìsle ŋgiɗ ɗa ika magər kurum aaha kinehe ya ka, ta mete a zukw tsa, say ta ŋget a a *mekwere Mbulum ana a kwere a ya fit dzekwiŋ.»

Luka 9:27

Iye i gweɗe a kurum a nda ndzer: Gà mìsle ŋgiɗ ɗa ika magər kurum gà mburma ana kinehe ya ka, ta mete a zukw tsa, say ta ŋget a a *mekwere Mbulum ana a kwere a nda ndzəɗa ya fit dzekwiŋ.»

Yuhana 1:29

Ndidwe ŋana ka, Yuhana a ŋgat a Yesuw a riŋ a dehe a a təv ŋgar. A gwaɗa a gà mburma ana i fataya: «Kəla təmaŋ ana Mbulum a vəl, ta kiɗ a aɗaba məpəla à bakal a mburma ya ka, araha, a deriŋa.*fd*

Yuhana 10:17

Tsir gà a weye iye ka, aɗaba ana Yàa hadzal ba aà medzeye à mesife gà ya. Dite i sər ka, i ŋget a mesife ata asa.

Yuhana 12:32

Iye ka, ta gis a iye, ti tike a iye aà dizl, ta hitse a dər akaba à iye aà mbulum. I dəba ŋa ya, i zelere a a gà mburma ya tserdze, tə dara a təv ga ya.»

Yuhana 3:16

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

Yuhana 8:51

Iye ihər i gweɗe a kurum a nda ndzer, pàrsa iɗəm tsa: Wele ana aka gəs bazlam gà ya ka, à mìt a tsa, a ndze a aà biybiy.»

Yuhana 8:52

Gà mburma ata ta gwaɗar: «Ama mì sər kinehe ka, sitene i ba yak ndzer kuɗa. Akahər ata Abəraham aka mət, gà ɓəzla məma à guma Mbulum tekeɗe, tàa mata kuɗa ka, dite kər ki gweɗe a ka, wur ana aka gəs ahəm aà bazlam yak a ka, à mìt a tsidze ana, meme?

Gà Ɓəzla Meslire 2:33

Mbulum Tsir ŋgar a zla ŋgat, a tike ŋgat aka tsèke ahər mezime ŋgar. Aka vəlar Mezite Mesife ŋgar ana a gwaɗar, i vilek a i sida ya. I dəba ŋa ya, ŋgat tekeɗe, a zazəɗ dərra a təv kwa ya. Aɗaba dukw ana kinehe kurum riŋ ihər ki tserekwim a, dite ndəna ki ŋgetwimer a ya ka, taŋa ka, megemir Mezite Mesife Mbulum ata a ge a ya.

Gà Ɓəzla Meslire 3:13

Mbulum gà batsah gà tsir kwa Abəraham nda gà Izak, nda gà Zakup na a vəl ndzəɗa a mala meslire ŋgar Yesuw, na dite tì zlibe a à ŋgat a. Ama kurum kàa gəsum ŋgat a gà bàba ŋa ana ta kwere a mburma ya. Kàa gwim ahər seriye ika miɗ Pilatus, ku mege i təv ana a sasar à məpəla dər a.

RUMA 5:18

Kamala taŋa ya, seriye Mbulum à gis a mburma tserdze ka, aɗaba Adama ana a ge bakal a ilik. I təv Yesuw Kiristi ana a ge dukw ŋgwal ŋa ya tekeɗe, kamala taŋa ya mbaŋa. Aɗaba ŋgat ilik a beye à mburma tserdze i seriye Mbulum a, dite a vəl a tar mesife asa mbaŋa.

RUMA 5:8

Ama Yesuw Kiristi ŋgat a mət aɗaba kwa, akahər ana kwa gà ɓəzla mene are a Mbulum mba ya. Kamala taŋa ya, Mbulum a ɗif a kwa ka, à meweye ŋgar ana a waya kwa hinne ya.

RUMA 8:3

Məpala ahəm Musa ka, a sle aà məvəla kwa mesife tsa, aɗaba ana kwa ka, gà mburma taf masakəŋa, ndzəɗa kwa a riŋ tsiye. Kwa ka, kà mbàkwa aà magəsa ahər ahəm tsa. Ama dukw ana məpala ahəm ata a sle aà mege ŋa tsiye ka, Mbulum nda ahər ŋgar ŋa aka ge. A ge taŋa ka, nda maslə̀rà Kəla ŋgar ana a slərra aka gər ahəɗ a, a ne mburma kamala kwa ya ya. Tàa dzik à ŋgat aà mege bakal kamala kwa mburma ya mbaŋa, ama ka, aka ge tsa. Dite i dəba ŋa ya ka, a mət aɗaba bakal kwa. Kamala taŋa ya na Mbulum a ge seriye bakal ana mburma a gewa ya.

RUMA 8:32

Mbulum ŋgat ka, ku mege Kəla ŋgar aka niw dər tsa, ama a miyak à ŋgat, dite mə̀ mət aɗaba kwa tserdze. Na Mbulum aka vəl a kwa Kəla ŋgar seyiŋ ana, kà dzalum ana, a ta vilekwe a gà dukw ŋgiɗ tserdze mbaŋa tsiye?

2 Kurintiya 5:15

Ŋgat a mət agəra mburma tserdze, na dite gà na tar riŋ nda mesife mba ya ka, ta ge dukw ana ba tar a waya ya asa tsiye, ama ka, ti yaha vatwa aà mege dukw ana a tsahən ahər a ivaɗ. Ta ge kataya ka, agəra ana a mət, dite Mbulum a mbəlara à ŋgat i məməta ya ka, aɗaba tar a mbaŋa.

2 Kurintiya 5:21

Kiristi ka, aka ge bakal duwa ilik tsidze. Ama ka, Mbulum a zla bakal kwa tserdze, a tike aka gər ŋgar. A ge dər kataya ka, aɗaba kwa, dite i təv ana kwa mandza ŋa i təv ilik ŋa nda gà Kiristi ya ka, a ne a à kwa gà ŋgwal ŋa ika miɗ ŋgar.

GALATIYA 4:4

Ama i təv ana məpàslà ahər Mbulum a ndze aɗəm a ka, a slərra Kəla ŋgar a. Məkəs duwa na a wa ŋgat a. A zazam məpàslà ahər gà Yahuda mbaŋa,

1 TIMUTE 2:6

A dara ka, a vəl mesife ŋgar aà məmbùrùɗà dərra mburma i bakal tar a tserdze. A ɗif dər a mburma, a sàs a Mbulum ka, mburma ta mbala fit dze. Mbulum nda gər ŋgar mbaŋa na a vəl pat ŋa, na dite a geba kataya ya.

IBƏRANIKWA 1:9

A sàsak ka, dukw ana ndzer a, dite kà waya dukw ana ŋgwal ŋa tsiye tsidze. Aɗaba taŋa na Mbulum Tsir yak a zla kər, dite a sə̀ŋgə̀r à kər, a za biy gà màndàla yak a, dite ka, maŋgayaba mà rah a gəzləŋ yak zayya lele.»*fe*

IBƏRANIKWA 10:5

Aɗaba taŋa, i təv ana Yesuw Kiristi a dere a aka gər ahəɗ a ka, a gwaɗa a Mbulum: «A sàsak na ta betsek a gà duwa ya, kige tsa ta vilek a gà dukw ŋgiɗ taf masakəŋa ya asa tsa. Ama ka, a sàsak ki ne à iye a kamala mburma ya, na dite ka, i vilek a ba gà ya.

IBƏRANIKWA 11:5

Agəra megìse Anuhu ana a gəs Mbulum nda gəzləŋ akahər ata ya ka, ŋgat ka, aka mət tsa. Mbulum aka tsəl à ŋgat a gər ŋa a təv ŋgar. Wura ilik aka ŋgatar asa tsidze, aɗaba ana Mbulum aka mbər metsile à ŋgat a. Ti tsik ahər i wakita Mbulum ka, ta gwa: «I təv ana ŋgat ɗa ika gər ahəɗ mba, tàa tsəl à ŋgat zukw tsiye ka, mendze ŋgar ana a ndze a ika miɗ Mbulum a ka, a tsahən ahər dukw ŋgar.»*fb*

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

IBƏRANIKWA 2:7

I huɗ mendze zaakwa ya ka, kàa ne à ŋgat kəla ŋa ika miɗ gà gawla yak. I dəba ŋa ya, kàa vəlar gà mezlibe nda mendze ŋgwal ŋa, kamala ana tì zlibe a à batsah Əbay a.

IBƏRANIKWA 7:25

Aɗaba taŋa na ŋgat a riŋ nda gà ndzəɗa, a sle a aà məmbàlà à gà mburma ana kinehe ti dere a a təv Mbulum, nda ahər ŋgar a ya. Aɗaba ŋgat a ndze a ka, aà biybiy, dite ŋgat a riŋ a heme a a Mbulum agəra gà mburma ata kəla pat mbaŋa asa.

IBƏRANIKWA 8:3

Mbulum a dza aɗəm gà bàba gà ɓəzla mandəva kuɗa ŋgar tserdze ka, dite ta vəlawar dukw masakəŋana, ta batsawar gà duwa asa mbaŋa. Kamala taŋa ya, batsah mala mandəva kuɗa a Mbulum kwa ata tekeɗe, say a zle a duwa, a vile a a Mbulum mbaŋa.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

1 Yuhana 2:2

Ŋgat na a dara, a mət kamala dukw ana ta kəɗ a Mbulum biy taf a, na dite Mbulum à pìl a kwe a dər à bakal kwa ya. Ama ka, bakal kwa ɗekɗek tsa na à pìl a dər a. A sle a aà məpəla à bakal a gà mburma ana ika gər ahəɗ tserdze ya mbaŋa.

Sunwa Yuhana 19:12

Are ŋgar ka, ndìzlzle kamala arah akwa ya. Felère i gər ŋgar, dite a ndìwìɗ gər nda lèrèwdze Əbay ŋgar digiɗìzze. Ta wetse zləm duwa aà ba ŋgar. Ama zləm ata ka, wura a sər tsa, say ŋgat ŋa à gər ŋgar ɗekɗek pəra na a sər a.

Sunwa Yuhana 5:9

Tə lah dimis awiya ŋana. I huɗ malàhà dimis tar ata tì lèh a ya ka, ta gwa: «Kər na ŋgwal ŋa ika miɗ Mbulum, ka sle aà mazla wakita ata, dite ki ŋgeheke a ihər dukw ata magàsà ŋa ya. Aɗaba kər ka, tàa kəɗ kər kamala dukw ana ta kəɗ a Mbulum taf masakəŋa ya. Məmbəz yak ana kà dza dər a ka, kà mbùrùɗar dərra mburma a Mbulum a. Ku mege tə dara ika gà ahəɗ ana pampam ika gər ahəɗ tserdze ya, gà na slala tar pam, nda gà təv gà mendze tar pampam, kige tsa gà ahəm tar tekeɗe, pampam a. Kàa ndzəkara tar a, kàa dzàɗa a Mbulum.