IBƏRANIKWA 2:2 - Bible Zulgo

² Ka sərakwa, bazlam ana gà gawla Mbulum tə da dərra, ti tsik akahər ata ya ka, ndzer kaɗəŋ, pàrsa iɗəm tsa. Akahər ata ka, ku weke, gà na tə dza aà zləm tsiye ka, ta ŋgat mesewere are kalkal biy bakal tar ana ta ge ya mbaŋa.

IBƏRANIKWA 2:2 Iomraidhean Croise

Gà Ɓəzla Meslire 7:53

Kurum ka, Mbulum a vəl a kurum məpala ahəm ŋgar nda ahər gà gawla ŋgar. Ama kurum ŋa ka, a sàs a kurum magəsa ŋa tsa.»

GALATIYA 3:19

Na kataya ana, dite aàmala na Mbulum a ɗif à məpala ahəm ŋgar a gà Yahuda asa ya? A ɗif dər ka, na dite kà sərakwa aà dukw bakal ana ika miɗ kwa ya. A ge megemir ka, zaakwa tə̀ma, haa a təv ana kəla Abəraham ata, wele ana Mbulum a tsiker aba dukw ata i sida ya, aka dara ya kuɗa. I dəba ŋa ya, ndzəɗa məpala ahəm ata ka, aka ndəv. Aɗaba gà gawla Mbulum na tə da dərra i təv Mbulum, ti ɗif dər a wur ana a riŋ mandza ŋa ika magər gà Mbulum nda gà mburma ya mbaŋa.

IBƏRANIKWA 1:1

Akahər ata ka, Mbulum aka fàfəl a gà bàba gà tsir kwa medzige diŋ. A slərawa gà ɓəzla məma à guma ŋgar a təv tar, ta màwa a tar à bazlam ŋgar ndaka vatwa ŋgiɗ pampam.

IBƏRANIKWA 10:28

Aɗaba kurum kà sərum, na wura a nis a à məpala ahəm Musa, bəla gà mburma sula, kige tsa makər tàa ŋgatar aaka ɗegìrgìr ndzer ka, say ta kiɗ a wele ata a biye daw fit, a ndze a ter a are tsehe tsidze.

IBƏRANIKWA 10:35

Aɗaba taŋa, arəv ma da aà kurum a tsa, sərum dər ka, na kàa mərum aba kamala taŋa ya ka, Mbulum a ta vile a kurum a dukw maya ba kurum batsah ŋa hinne.

IBƏRANIKWA 11:26

Aɗaba a sər, a gwa: Ŋgulum i sèwèr a are agəra *Kiristi ana Mbulum a ti slirre a ŋgat aka gər ahəɗ mba ya, na ndəna i ŋget a gà limana hinne ika ahəɗ Ezipt i faha ya. Aɗaba a tike a are ka, a dukw mayaba ŋgar ana Mbulum a ta viler a mba ya.

IBƏRANIKWA 11:6

Na wura aka gəs Mbulum nda gəzləŋ tsəka, a sle aà metsehine ahər a tsidze. Na wura a sasar mada a təv ŋgar ka, say mà gəs ŋgat nda gəzləŋ, ma sər ka, Mbulum a riŋ dukw ŋgar. Dite ma sər dər ka, Mbulum ŋgat mala mege ŋgwal ŋa a gà na tar riŋ ti yehe a ŋgat a mbaŋa.

IBƏRANIKWA 12:25

Aɗaba taŋa, gwim metsehe, ka ti niwim Yesuw ana a riŋ à fèfil a kurum a kinehe ya tsa. Aɗaba gà mburma ana akahər ata tar mandza ŋa aà sik kwite Sinay a ka, ti niw bazlam wur ana a tsik a tar bazlam Mbulum ika gər ahəɗ a, a waya mibe a tar à ɗaf a. Ama ka, tàa beye tsa seyiŋ ana, sakwàn nda kwa ana kinehe ka, kwa riŋ ki tserekikwe a bazlam wur ana a dara i gər ŋa ya ya? Meme na ki ta beyekwe a ya, na kàa niwekwa bazlam ŋgar dze ya?

2 Piyer 1:19

Taŋa ka, a səkah a kwa à magəsa dukw ana gà ɓəzla məma à guma Mbulum ti tsik akahər ata ya asa. Ama kinehe ka, gwim metsehe aà mandza zləm a bazlam tar ata lele, aɗaba a ndzikiɗ ba ka, kamala lalampa ana à pèt a à dzaydzay i təv luvuŋ a. Ki dzwìm a zləm ka, haa a pat ana à mbizere a ya. A pat ata ka, a ge a i gəzləŋ kurum parakkà kamala *mawusawus madə̀và mbulum ana à div a ya. Kamala megweɗe ya ka: Kiristi na a dere a nda gà dzaydzay ŋgar ata à wìtiɗe a i gəzləŋ kurum a.

Yuda 1:5

Ku mege kàa sərum gà bazlam ata daga piŋŋe tekeɗe, a sèsiŋ ka, i me a kurum a dərraha a gà gər, meme na Mbulum a beyera à gà mburma Isərayel ika ahəɗ Ezipt akahər ata ya. Ama i dəba ŋa ya ka, a bats iɗəm gà mburma ana ta gəs bazlam ŋgar tsiye, ika magər gà mburma ata a beyera à tar a.