IBƏRANIKWA 2:15 - Bible Zulgo

¹⁵ Akahər ata ka, gà mburma tserdze ta ge a magəɗa a məməta i təv mendze tar ana ti ndze a ya, kamala ɓele ana a ge a magəɗa a mala ga ŋgar a. Ama Yesuw a mət aɗaba tar ata ka, a bera à tar i magəɗa məməta ata ya.

IBƏRANIKWA 2:15 Iomraidhean Croise

RUMA 8:15

Kamala taŋa ya, duwa a riŋ na ki gwim a dər magəɗa ika miɗ Mbulum a asa tsa. Aɗaba Mezite Mesife ŋgar ana a vəl a kurum a ka, aka ne à kurum gà ɓele tsa, a ne à kurum ka, gà ɓəza ŋgar ivaɗ. Mezite Mesife ŋgar ata ka, a riŋ mandza ŋa i gəzləŋ kwa. Aɗaba taŋa na kù gwaɗawakwa aà Mbulum ka, Tsir kwa ya.

RUMA 8:21

Aɗaba pat ŋa a ndzere a ka, a ta mbìrwìɗere a kwa ya nda gà dukw ata a geye tar tserdze ya mbaŋa. Gà dukw ata ti ti ndze a ka, kamala gà ɓele ya asa tsa, dite ti dzeye a tsa asa mbaŋa. Tar nda gà ɓəza Mbulum ka, ta ŋget a mezlibe ana tì zlibe a à tar a, dite ti ziwe a gər tar kuɗa.

2 Kurintiya 1:10

Dite ŋgat asa mbaŋa na bizlir bizlir a beye à mər i biye ɗa məməta ata mìi mete a zləmana ya. Mì sər ka, a ta beye a à mər i təv gà mesewere are ŋgiɗ a kataya mbaŋa. Mì tike madzala gà gər mər aka ŋgat ka, aɗaba mì sər, ku mege aka miɗ mba tekeɗe ka, a ta mbele a à mər.

GALATIYA 4:21

A kurum gà mburma ana a sàs a kurum mandza gurmits a bəɗ a məpala ahəm Musa ya. Iye ihər i tsèm a aà kurum ŋa: Kàa tsarakum dukw ana məpala ahəm ata a tsik a dze ana, wànà kà sərum tsiye?

2 TIMUTE 1:7

Aɗaba Mezite Mesife ana Mbulum a vəl a kwa ya ka, aka ne à kwa gà ɓəzla magəɗa tsa. Ama a vəl a kwa ka, ndzəɗa ivaɗ, nda meweye kwa ana ki weyekwe a mburma ya, dite nda makwàrà ba kwa ana ki kwerekwe a ba ya ivaɗ asa.

IBƏRANIKWA 2:16

Kamala taŋa ya kaɗəŋ ndzer, pàrsa iɗəm tsa, Yesuw a dara ka, aà mazlàkà gà gawla Mbulum a tsa. A dara ka, aà mazlàkà gà mburma ana i gwala Abəraham a, kamala ana wakita Mbulum a tsik a.