IBƏRANIKWA 2:11 - Bible Zulgo

¹¹ Yesuw na a ne à mburma ŋgwal ŋa ika miɗ Mbulum a, dite gà mburma ata ti ne gà ŋgwal ŋa tsəɗaŋŋa aɗaba ŋgat a ka, Tsir tar ka, Mbulum ilik. Aɗaba taŋa na Yesuw a zal a tar gà damər gà, a ge a ter a hwarwa tsiye.

IBƏRANIKWA 2:11 Iomraidhean Croise

Mata 25:40

I dəba ŋa ya ka, iye Əbay, i gweɗe a ter aakiŋa:

Mata 28:10

I dəba ŋa ya, Yesuw a gwaɗa a tar: «Ki gwim magəɗa tsa, dum, ta gwaɗum a gà na ti ne gà damər gà ya ka, tə da aka miɗ a Galile, ti ta ŋgetiŋ a ka, i fata.»

Markus 3:34

I dəba ŋa ya, a fə̀r aà gà mburma ana a riŋ mandza ŋa i bəɗ, ti ler tits a. A gwaɗa a tar: «Gà mama gà nda gà damər gà ɗa ka, i faha.

Markus 8:38

Kurum gà mburma ana kinehe, kurum riŋ i magər gà na ti niw Mbulum a. Dite ka, wur ana a gweɗe a ter a ka, i sər Yesuw tsa, nda bazlam ana i tsik a tsəka, iye, wur ana a dara i təv Mbulum a tekeɗe, i ti tsik a kataya mbaŋa. I ti niw a ŋgat i təv ana i dere a nda ndzəɗa Tsir gà ana ti zlibe a dər a, dite nda gà gawla Tsir gà ana a ndzək tar a.»

Luka 9:26

Na wura a gweɗe a ika miɗ mburma, i sər Yesuw tsa, nda bazlam gà ana i tsik a ya ka, iye, *wur ana a dara i təv Mbulum a tekeɗe, i ti tsik a kataya mbaŋa. I ti niw a ŋgat i təv ana i dere a nda Əbay ga, nda ndzəɗa Tsir gà ana ti zlibe a dər a, dite nda biy gà gawla Tsir gà ana a ndzək tar a.

Yuhana 17:19

I vilek a mesife gà, aɗaba tar, dite tar tekeɗe, ti ne gà mburma yak nda ndzer ŋa mbaŋa.

Yuhana 17:21

Iye riŋ i hemek a ka, dite tar ata tserdze tə ndza i təv ilik ŋa. Tə ndza i təv ma kamala kər ana mandza ŋa i təv ga ya, Tsir gà, dite iye tekeɗe, mandza ŋa slìpèhhe i təv yak. Tə ndza i təv ma kamala taŋa ya, dite ka, gà mburma ana ti zezem a gər ahəɗ a, ta gəs ka, kər ana kà slərra iye ya ndzer kaɗəŋ.

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

Gà Ɓəzla Meslire 17:26

Ŋgat a ge malahalah ŋa ka, mburma ilik, dite na ta wuba hinne, tə rah aka gər ahəɗ a. A ɗif aba à kwiye ŋa ana ti ti ndze aɗəm a ya, nda mendze tar ana ti ndze a aà bəra ya daga piŋŋe.

Gà Ɓəzla Meslire 17:28

Aɗaba kə ŋgatakwa mandza aà bəra ka, i təv ŋgar a, ku mege mege dukw ana kinehe ki gekwe a ya, nda mendze ana ki ndzekwe a ya tekeɗe. Kamala gà ɓəzla matsuwara ahəm ana ika magər kurum a, ti tsikewa ka, ndzer kaɗəŋ, na ta gwa, mər tekeɗe ka, gà ɓəza Mbulum mbaŋa ya.

RUMA 8:29

Gà na Mbulum a lah mipele tar, ti ne gà biy ŋgar akahər ata ya ka, a sasar na a ti ne à ter a kamala Kəla ŋgar a mbaŋa, na dite Kəla ŋgar tekeɗe, ma ne malkwara ika magər gà damər ŋgar ata hinne ya ya.

GALATIYA 4:4

Ama i təv ana məpàslà ahər Mbulum a ndze aɗəm a ka, a slərra Kəla ŋgar a. Məkəs duwa na a wa ŋgat a. A zazam məpàslà ahər gà Yahuda mbaŋa,

IBƏRANIKWA 10:10

Aɗaba Yesuw Kiristi ka, aka ge gà dukw ana a sàs a Mbulum a, agəra ana a vəlar ba ŋgar kamala dukw taf ana masakəŋa ya. A vəlar ka, sik ilik pəra, i təv ana a mət a tsara ka, aà biybiy. Kamala taŋa ya na kinehe kà nekwa gà tsəɗaŋŋa ika miɗ Mbulum, kà nekwa gà mburma ŋgar a.

IBƏRANIKWA 10:14

Kamala taŋa ya, Yesuw a vəl ba ŋgar a Mbulum sik ilik pəra. A vəl ka, na dite gà mburma ŋgar ti ne gà tsəɗaŋŋa ika miɗ Mbulum a. Mipele ata a pala tar a ka, a waya na ti sime ika miɗ Mbulum ɓərɓər lele, aà biybiy a asa.

IBƏRANIKWA 11:16

Ama tar ka, a sàs a tar təv ana ŋgwal ŋa, a za dər taŋa ya ivaɗ. Ta waya ka, təv ana i gər ŋa i mbulum a. Aɗaba taŋa, i təv ana tə zalawa a Mbulum tar «Mbulum Tsir mər» ka, a ge hwarwa nda təv tar tsa, aɗaba ana ŋgat a làmbaɗa tar təv ata ya.

IBƏRANIKWA 13:12

Aɗaba taŋa, Yesuw Kiristi tekeɗe, a mət ka, i huɗ kwite tsa. Aka dara iɗəm a bəra ya mbaŋa. A ge dər kataya ka, aà məbàrà dər bakal aà gà mburma ya, nda məmbəz ŋgar ata.

IBƏRANIKWA 2:14

Gà ɓəza ŋgar ata a tsik ahər a ka, gà mburma. Tar riŋ nda gà slu ba lele, məmbəz iɗəm. Aɗaba taŋa, Yesuw tekeɗe, aka ne à ba ŋgar kamala tar a mbaŋa, dite na a waya məməta, a mət, a dzeye dər à Əbay sitene ana ŋgat mala ndzəɗa aà medzeye à mesife mburma ya.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.