IBƏRANIKWA 13:8 - Bible Zulgo

⁸ Yesuw Kiristi ka, à mbìɗ a aba tsa. Mendze ana ndavana ya, ndəna mbakum a ka, i təv ŋgar ka, kalkal, tə za ba tsa. A ndze a ka, haa aà biybiy.

IBƏRANIKWA 13:8 Iomraidhean Croise

2 Kurintiya 1:19

Aɗaba Yesuw Kiristi Kəla Mbulum, wele ana mər nda Silas, nda gà Timute mì ɗif a kurum à ŋgat ika magər kurum a ka, ŋgat a gweɗe a aà duwa «haya», dite i dəba ŋa ya, a gweɗe a «awaŋ» aka gər bazlam ŋa ilik ka, a gweɗe a tsidze. A tsik a ka, dukw ana ndzer a hiywe.

2 Kurintiya 1:20

Ŋgat a ɗif a kwa à dukw ana a sàs a Mbulum a ta vile a kwe a nda ndzer a kaɗəŋ. Aɗaba taŋa, ki slekwe aà megweɗe aaka a «*amin» nda zləm ŋgar, aà mazàmbàɗà dər à Mbulum.

IBƏRANIKWA 1:12

Ki ta peɗe a tar lèplèp kamala andiw ana ndzəɗa iɗəm asa tsiye. Ta mbìɗ a à tar, kamala petek ana ta mbìɗ a aba a ya. Ama kər ka, ki mbìɗ aba a tsa dukw yak. Ki ge a màndawal tsidze.»*ff*

YAKUBA 1:17

Aɗaba gà dukw ana gà ŋgwal ŋa lele ndzer a ka, a dere a ka, i təv Mbulum i gər ŋa ya. Na a vile a gà dukw ata masakəŋa ya ka, Mbulum, mala mege gà dukw ana tì div a dzaydzay, tar riŋ madzàvà ŋa aà gəza mbulum a. Mbulum ka, à mbìɗ a à ba ŋgiɗ tsa. Luvuŋ a riŋ i təv ŋgar tsa. Ŋgat ka, kamala pat ana à dìɗiŋa, dite sìsiye à mbìɗ a aba ya tsa asa mbaŋa.

Yuda 1:25

Gekwar kəkaaha, aɗaba ŋgat ilik na Mbulum a. Dite ŋgat asa na a mbala à kwa nda ahər Yesuw Kiristi BATSAH kwa ŋa ya. Ku weke mà zlə̀b à ŋgat, a gweɗe a: Ŋgat ka, batsah Əbay. Mekwere ŋgar ana a kwere a ya ka, à ndìv a tsa, daga aà gər ana piŋŋe ya, ku mege kinehe ya, a ndze a ka, aà biybiy. *Amin.

Sunwa Yuhana 1:11

A gweɗiŋ: «Dukw ana ki ŋgeter a ya ka, wetse aka wakita. Kàa wetse aba ya ka, ka sləraha a gà mayahaba gər gà mburma Mbulum ana i gà kwite ŋgiɗ pampam təsəla ya, a gà Efesiya ya, ndəna i Samirna ya, nda gà na i Pergamus a, dite nda gà na i Tiyatira ya, nda gà i *Sardis a, nda gà i Filadelfiya ya, dite nda gà na i Lawdikiya ya tserdze mbaŋa.»

Sunwa Yuhana 1:4

Iye Yuhana, i wetseha wakita aaha a gà mayahaba gər gà mburma Mbulum ana i təv pampam təsəla ika ahəɗ Asiya ya. Dukw ana i wetse ya ka, araha: Mbulum mi pise a kurum ahəm, mə vəl a kurum matasla yam a gəzləŋ zayya lele. Ŋgat ka, wele ana mandza ŋa aà bəra aà biybiy, à gər ana gər ahəɗ a riŋ zukw tsiye. Ŋgat a riŋ kinehe, dite ŋgat a riŋ a ta mère a aka gər ahəɗ a mbaŋa asa ya. Dite gà Mezite Mesife ŋgar ana təsəla*fa* gà mehìtsè ŋa ika təv mendze Əbay ŋgar a tekeɗe, ta pise a kurum ahəm, ta vəl a kurum matasla yam a gəzləŋ zayya mbaŋa.

Sunwa Yuhana 1:8

Mbulum BATSAH kwa ŋana ŋgat Əbay ika gər gà duwa tserdze ya, a gwa ka: «Iye na malahalah ŋa ika gər gà duwa tserdze ya, dite iye asa na i ti ndìv a à gà duwa tserdze ya mbaŋa asa.» Ŋgat ka, wele ana mandza ŋa ɗa aà bəra aà biybiy, à gər ana gər ahəɗ a riŋ zukw tsiye. Ŋgat a riŋ kinehe, dite ŋgat a ta mère a aka gər ahəɗ a asa mbaŋa.