IBƏRANIKWA 13:7 - Bible Zulgo

⁷ Gà na tə lah meɗe a kurum à vatwa, ti tsik a kurum bazlam Mbulum a ka, tə ta məts a kurum gər tsa. Dzalum gà gər aka mendze tar ana tə ndza ɗa ya, dite meme na ta mata ya asa mbaŋa. Zazamum ka, megìse tar ana ta gəs Mbulum nda gəzləŋ a mbaŋa.

IBƏRANIKWA 13:7 Iomraidhean Croise

Mata 24:45

I dəba ŋa ya, Yesuw a gwaɗa a tar asa: «Nwim ka, kamala mala megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a ɗifer a à ga ŋgar a ahər, a vile a ɗa dukw mezime a gà mburma ana i ma ŋgar a ka, tits ndaka vatwa ŋa lele.

Luka 12:42

Əbay Yesuw a gwaɗar aaka: «Nwim ka, kamala mala mege megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a tike aɗəm a ŋgat aà makàslà gà ɓəzla megemir, a vile a ter a ɗa dukw mezime ka, tits a təv ana tə zəmawa ya ya.

Luka 5:1

A pat duwa, Yesuw a riŋ mandza ŋa aà gùva duluv Genezaret, dite gà mburma hinne ta mbàha aba a təv ŋgar aà matsaraka bazlam Mbulum. Ti yahaba gər, ta ŋgiɗits a ŋgat.

Luka 8:11

I dəba ŋa ya, Yesuw a gwaɗa a tar kuɗa: «Bazlam minew ata a sasar aà megweɗe ka, na a ne hwife ka, bazlam Mbulum.

Gà Ɓəzla Meslire 13:46

I dəba ŋa ya, gà Pul nda Barnabas ta gwaɗa a tar parakkà aà are: «Ana ka, mìi lèh a aà metsìkè a bazlam Mbulum ka, a kurum ana gà Yahuda ya dzekwiŋ. Ama kinehe ka, mìi de a dər a təv gà mburma ana tar gà Yahuda tsiye, aɗaba ana kàa niwwim a, bəla kà dzalum ka, kurum riŋ meŋgete mesife ana à ndìv a tsa aà biybiy a ide tsiye ya.

Gà Ɓəzla Meslire 14:23

Ta pala mburma i gà ga Mbulum ana i fataya ilik ilik tserdze, dite ti ne à tar gà bàba ŋa ana ika magər tar a. Ta hama a Mbulum, dite ta ge ndəra asa. I huɗ meheme tar ata ya ka, ti ɗif à gà mburma ata a ahər Mbulum ana ta gəs nda gəzləŋ tar a, dite ma kasla tar i təv megemir ŋgar ana ta ge a ya.

Gà Ɓəzla Meslire 4:31

Tə ndəv à meheme tar ata tsara ka, təv ata tar iɗəm a, a ɓazla hinne. Mezite Mesife Mbulum a rah a ba tar ilik ilik tserdze. Ti tsikewa bazlam Mbulum a mburma parakkà, hwarwa aà are tar asa tsa.

RUMA 10:17

Kamala taŋa ya, wur ana à gis a bazlam ata ka, say na aka tsaraka ya. Aka tsaraka tekeɗe ka, say na ti tsiker aka gər Yesuw Kiristi ya dzekwiŋ.

1 Kurintiya 10:13

Dukw ana Əbay sitene a dzik a dər à kurum a ka, a riŋ a dzik a à mburma tserdze dukw ŋgar. Ama Mbulum ana ŋgat mala ndzer a ka, à zlèk a kurum kamala ana a tsik a. Na bəla Əbay sitene a sasar a dzik a à kurum nda dukw ana a za ndzəɗa kurum a ka, Mbulum a viler a vatwa tsidze. Seyiŋ tsa, medzike ana ti dzik a à kurum, a le aà kurum a ya ka, Mbulum a vile a kurum a ndzəɗa, dite na ki mirwim a aba ya. A zlèk a kurum, na dite ka, Əbay sitene a bene a kurum asa tsiye.

1 Kurintiya 11:1

Zazamum ka, mede gà ana i de a ya, kamala iye ana i zezem a dukw ana Yesuw Kiristi a ge a ya mbaŋa.

1 Kurintiya 4:16

Aɗaba taŋa, iye ihər i ge a kurum a kamkam: Zazamum ka, mede gà ana i de a ya.

FILIPIYA 3:17

A kurum gà damər gà, kurum tserdze ka, gwim kamala iye ya. Fə̀rum aà gà na mede tar ŋgwal ŋa kamala mər ana mìi ɗif a kurum a à mede mər ana ŋgwal ŋa ya mbaŋa.

1 TESALUNIKE 1:6

Ama kurum kinehe ka, kàa dzum ba aà mazazama mede mər, nda biy BATSAH kwa ŋa. I təv ana kə̀ gəsum bazlam Mbulum a ka, ku mege mburma ti sèwèrewa a kurum dər akaba are hinne tekeɗe, ama kurum ka, kàa ŋgayum ba ivaɗ. Maŋgayaba ata ka, Mezite Mesife Mbulum na a vəl a kurum a.

1 TESALUNIKE 2:13

Mìi misek a à mege kəkaaha a Mbulum tsidze, aɗaba akahər ana mì ɗif a kurum à bazlam Mbulum a ka, kàa gəsum kamala taŋa ya. Kurum kà sərum, bazlam ata a dara ka, i təv Mbulum a, tsəka, bazlam gà mburma ana taf masakəŋa ya tsa. Ndzer kaɗəŋ, bazlam ata ka, biy Mbulum dukw ŋgar. Ar ka, ndzəɗa ŋa, a ge a megemir i ba kurum ana kurum gà mburma Mbulum a.

2 TESALUNIKE 3:7

Aɗaba kurum nda gər kurum ka, kà sərum mendze mər ana mì ndza i təv kurum akahər ata ya. Ama ka, lele na ki gwim a kamala mər ata ya. Aɗaba mər ka, gà màsar ŋa tsa.

2 TESALUNIKE 3:9

Mege dukw ata mì ge dər kamala taŋa ya ka, ana ka, mìi sle a aà mewize aà kurum a dukw mezime zləmana dukw ŋgar, bakal iɗəm tsa. Ama ka, mì ge megemir seyiŋ ivaɗ, aà meɗìfè a kurum dər ka, dite ki gwim kamala taŋa ya mbaŋa.

1 TIMUTE 3:5

I tsik taŋa ka, aɗaba na wura aka sle aà magəsa gà mburma ana i ga i ma ŋgar a lele tsəna, meme na a sle a aà magəsa gà mburma Mbulum ɓav a?

IBƏRANIKWA 13:17

Gəsum ahəm aà gà na tə lah a kurum aka miɗ i təv magəsa Mbulum a. Dzum zləm a dukw ana ti tsik a kurum a ya. Aɗaba tar ka, gà ɓəzla makàslà kurum. Aləka dzìrìk ta hitse a aka miɗ Mbulum, ti tsiker a megemir tar ana ta geye ika gər ahəɗ a ya. Na kàa gəsum aà tar ahəm ka, ta ge a megemir Mbulum nda maŋgayaba ŋa. Ama na kàa gəsum aà tar ahəm tsəka, ta ge a megemir tar ka, turtur nda arəv ŋa, dite taŋa tekeɗe ka, a ge a kurum a ŋgulum ɓav tsa asa mbaŋa.

IBƏRANIKWA 13:24

Gwim wusa a gà bàba ŋa na ika magər kurum gà mburma Mbulum tserdze ya. Ki gwim a gà mburma Mbulum ana tserdze ya mbaŋa asa. Gà damər kwa ana ika ahəɗ Italiya ya, ta ge a kurumaha wusa asa mbaŋa.

IBƏRANIKWA 6:12

A sàs a mər ka, ka yum ba tsa. Ama zazamum ka, mede gà mburma ana tàa gəs Mbulum nda gəzləŋ ɓəŋɓəŋ lele ya ivaɗ. Tar ata na ta ŋget a dukw ana Mbulum a gwa i sida ya ka, i ta vile a kurum a ya ya.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»

Sunwa Yuhana 20:4

I dəba ŋa ya asa ka, i ŋgataha a gà təv mendze gà Əbay. Gà mburma a riŋ mandza ŋa ikəka. Mbulum a vəl a tar ndzəɗa aà mege seriye a gà mburma ŋgiɗ. Dite ka, i ŋgataha a gà mezite gà mburma ana tə sasaya ika tar gər a ya mbaŋa. Tə sasaya ika tar a ka, aɗaba ana ti tsikewa parakkà, Yesuw ka, BATSAH kwa ŋa, dite agəra ana ti ɗifewa à bazlam Mbulum a mburma ya asa mbaŋa. Aɗaba tar ka, tàa dza gurmits a bəɗ a dukw dala ata, kige tsa, a mendzikiɗe ba ŋgar ŋa tsidze. Dite tàa gəs lambà ŋgar aà mege aka yemere tar, ku mege aà ahər tar ɓav tsidze. I ŋgat a tar ka, tar riŋ nda mesife. Tar nda gà Yesuw ka, gà Əbay, ta kwere a mive dəbuw.

Sunwa Yuhana 6:9

I dəba ŋa ya asa ka, Kəla Təmaŋ ata a ŋgwàhaka ihər dukw magəsa wakita mazləm ŋana ya. Dite i ŋgataha a gà mezite gà məməta tar a riŋ aà huɗ təv ana ta batsawa aaka duwa a Mbulum a. Ta batsaya gà mburma ata ka, aɗaba ana ta gəs bazlam Mbulum lele, ti tsikewa a mburma ka, parakkà ya.