IBƏRANIKWA 13:5 - Bible Zulgo

⁵ Ki gwim meèweke siŋgwe tsa. Ama ŋgeywim ba ka, a dukw ana kə̀ ŋgatum a pəra. Aɗaba Mbulum a gwa ka: «I miyek a à kər tsa. I yè a kər a dala tsidze.»*fa*

IBƏRANIKWA 13:5 Iomraidhean Croise

Mata 6:19

A gwaɗa a tar asa: «Ka ta kàhum limana kurum ka, kìtsek kìtsek ɗa ika gər ahəɗ tsa. Aɗaba bəla maŋgəz à gìsiŋa, nda gà bəla metinwe a nis a dər a, kige tsa, gà ɓəzla akəl tekeɗe, ti timiŋa, tifeɗ tì dzik a à kurum a asa mbaŋa.

Mata 6:25

A gwaɗa a tar asa: «Aɗaba taŋa na iye ihər i gweɗe a kurum a kinehe ka: Arəv ma da aà kurum a, ka dzalum dukw mezime ana mìi zim ana là, nda gà mìi se a ana là, kige tsa mìi tiye akaba a ana, là tsa. Aɗaba mesife kurum ana, a za gà dukw mezime ata tsiye, dite ba kurum ana, a za petek tsiye?

Mata 6:34

Aɗaba taŋa, ka tə dzalum gà gər aka dukw ana a ta ge a ba ndidwe ya tsa. Aɗaba ndidwe ka, ki ta ŋgetwim a madzala gà gər ŋgiɗ pam asa. Madzala gà gər ana a vile a kurum a mesewere are a pat ata ya ka, aka sle ide.»

Markus 7:22

nda mege muva, nda mege are aka dukw mburma, nda məpàzà za a mburma, nda masàsà pàrsa, nda mege aba mandakazləm aka duwa, nda mene are a mburma, nda metsìkè dukw ana ìrih ìrih ìrih ŋgwala tsa aà mburma ya tserdze, nda mege dukw falày ana taf masakəŋa ya.

Luka 3:14

Gà sliwdze ibam, ta gwaɗar asa mbaŋa: «Dite mər a ge, mìi ge a ana, meme ɗara?» A gwaɗa a tar aaka: «Kurum ka, ka ta kə̀zalum siŋgwe aà wura ya nda ndzəɗa tsa, kige tsa, kə̀ gàwàɗumar gər taf masakəŋa tsa. Ama ka, say ŋgeywim ba nda siŋgwe megemir kurum.»

Luka 8:14

Gà mìsle ŋgiɗ pam asa, ti ndzikiɗ ba wur daw ata a dza aà huɗ adak a, ti tsereke a bazlam Mbulum. Ama madzala gà gər mesewere are ana ti dzele a pampam, nda gà limana nda meèweke gər ahəɗ ta ge a madzək a bazlam Mbulum ana i gəzləŋ tar a, dite megìse tar ata a ge a ndzəɗa asa tsa.

RUMA 1:29

Tar ka, gà maràhà ŋa nda gà dukw ana ta ge a ŋgwal ŋa tsiye, ti sìkèh a à bakal tar pampam hinne. Ta ge a are aka dukw mburma, ti yehe a ahəm ka, pìrèh pìrèh, nda mene are a mburma, nda məbatsa mburma. Ta gebe a maàga, dite ta bene a mburma, nda megeyeba swalwa hinne. Ta wele a aà mburma ya ka, hinne mbaŋa asa,

1 Kurintiya 5:11

Ama dukw ana i wetse a kurumaha ya ka, i tsik ka, agəra gà mburma ana ki zezemwim a Yesuw Kiristi ya seyiŋ ivaɗ. Na wura a gweɗe a, waytsà iye ka, mala mazazama Yesuw, dite ka, a ge a mezelme nda gà bəla a ge a məburnun aka dukw mburma, nda gà a dze a gurmits a bəɗ a dukw ana a zeler a mbulum ŋgar a, nda gà a wele a aà mburma ya nda pàrsa, kige tsa a kweye a à guzum, nda gà bəla a ge a akəl ka, taŋa ka, ka ndzawum i təv ilik ŋa nda gà ŋgat tsa, ku mege ɗaf tekeɗe, ka zəmum akaba nda gà ŋgat tsa asa.

1 Kurintiya 6:10

nda gà ɓəzla akəl, kige tsa gà ɓəzla məburnun, nda gà na ta kweye a à guzum a, nda gà na ta wele a aà mburma ya nda pàrsa ya, nda gà ɓəzla makàzàlà duwa aà mburma ya nda ndzəɗa, gà ɓəzla bakal ata tserdze ya ka, ti sle a aà mada a mekwere Mbulum tsidze.

2 Kurintiya 4:9

Gà ɓəzla mene are mər hinne tar riŋ ta ge a mər a matawak, ama Mbulum aka miyak à mər tsa. Tar riŋ ihər ta peze a mər a bəɗ, ama maa hitse aà mbulum hiywe, maa mata ɓav tsa.

EFESIYA 5:3

Kurum ka, gà mburma Mbulum na kinehe ya. Aɗaba taŋa, kurum ka, ki gwim mezelme nda təv muva, nda mege dukw hwarwa ana pampam a, nda mege are asa tsa. Ka ta fàfəlawum aà dukw ata tsidze.

EFESIYA 5:5

Sərum dər ka, gà mburma ana ta ge a muva nda mezelme ana pampam biy metsike tsiye ka, ta ŋget a təv mendze i təv mekwere gà Mbulum nda Kiristi tsa. Gà mburma ana ta ge a are ya tekeɗe ka, ti ta ŋget a ɓav tsa. Aɗaba ta ŋgaya ba a mege kataya ka, hinne, a za dər Mbulum. Na ta ge a kataya ka, kamala ana ti zezem a fəla gà tsir tar a.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

1 TIMUTE 3:3

Ma ti ne ɓele guzum tsa. Ma ti ne mala tèrèŋgìz tsa asa mbaŋa. Say ma ne ivaɗ ka, mala himmè bazlam ana lìfèɗìɗe ya. Ma ti ne mala mege bazlam nda gà mburma tsa. Ma ta vəl gəzləŋ ŋgar a siŋgwe tsa asa.

2 Piyer 2:14

Tar ta waya ka, məfə̀rà aà gà məkəs ɗekɗek pəra. Meèweke ba a be a tar i ba tar ka, hinne. Mege bakal a tsahən aà tar ka, hinne, ti ye a ba tsidze. Tàa ŋgat a wur ana ika vatwa Mbulum, ndzəɗa ŋgar a riŋ tsiye ka, ta bene a ŋgat, dite mà dəɗ a bakal kamala tar a mbaŋa. Tar ka, tàa mbər mesinike ba à mege are aka dukw mburma, nda mege pərzəz hiywe pəra. Medzìbe gà mburma ata ka, seriye Mbulum ika gər tar ndzer.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.

Yuda 1:11

Dukùla na a ge a ter a ŋgùlum i fataya? I tar ka, waya ba tar a. Aɗaba ana tə zazam vatwa Kayinu, wele ana a kəɗ damər ŋgar a.*fb* Dite tar ka, ta vəl ba tar a mege dukw ana ŋgwal ŋa tsiye, aà maŋgata dər siŋgwe kamala ana Balaam a ge akahər ata ya mbaŋa.*fc* Tar ka, tàa dzeye, aɗaba ana ta ge gùvəl aà Mbulum, ta waya mezìwè gər tar a, kamala dukw Kura ana a ge akahər ata, duwa a fàlàh ŋgat, dite ka, a mət a.*fd*