IBƏRANIKWA 13:22 - Bible Zulgo

²² A kurum gà damər gà, iye ihər i ge a kurum a kamkam: Gəsum bazlam gà ana i tsik a kurum a ya, nda maŋgayaba lele, na dite a vile a kurum a ndzəɗa a gəzləŋ kurum a. Aɗaba bazlam ana i wetse a kurumaha a wakita aaha ya ka, zùbəl ŋa tsa, ar ka, kəla bazlam zaakwa pəra.

IBƏRANIKWA 13:22 Iomraidhean Croise

Gà Ɓəzla Meslire 13:15

Tə daha ka, mìsle ŋgiɗ a riŋ ilik i magər gà mburma ata i ga Mbulum a, a riŋ a dzeŋge a ter a wakita məpala ahəm Musa nda biy gà ɓəzla məmà à guma Mbulum. Aləka a ndəv aba à bazlam ŋgar ata ya tsara ka, gà bàba ŋa ana a riŋ mandza ŋa ika miɗ mburma i ga Mbulum i fataya, ta wiz bazlam à gà Barnabas nda Pul a, ta gwaɗa a tar: «Gà damər gà, na mifefile kurum a riŋ zaakwa ka, tsikwim a gà mburma aaha mayahaba gər ŋa ya, dite mə mà a taraha arəv.»

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 5:20

Aɗaba taŋa, mər ka, maa ne gà ɓəzla meslire Kiristi. Ar ka, kamala ana Mbulum nda gər ŋgar a zel a a mburma nda bazlam mər a. Mìi ge a kurum a kamkam, aɗaba Kiristi: Vəlumar vatwa, ma sər ba à kurum nda Mbulum.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

GALATIYA 6:11

Kinehe ka, fə̀rum aà gà batsah alfebet ana gùràslə̀slə̀sla, iye ihər i wetse a kurumehe a nda ahər gà ŋa ya kuɗa.

EFESIYA 3:3

Mbulum aka ɗifiŋ à dukw ana piŋŋe makàhà ŋa akahər ata ya, kərga na i lah mewetse a kurumaha zaakwa ya mbaŋa.

IBƏRANIKWA 12:5

Wànà bazlam ana Mbulum a tsik a kurum akahər ata aà məma a kurumaha aà arəv, a kurum gà ɓəza ŋgar a dze ana, a məts a kurum gər kəla ya? A gwa ka: «Na Batsah yak ŋa aka lakak, a tsikik a aà metsehe ka, gəs ahər lele, kəla gà. Na bəla a kwere akaba a kər ka, mà tsə̀ɓak i gəzləŋ tsa.

IBƏRANIKWA 13:19

Iye ihər i ge a kurum a kamkam ndeyndey ka, hamum a Mbulum aɗaba iye, dite ka, mi viliŋ vatwa aà məmbə̀ɗaha gər a təv kurum bise.

IBƏRANIKWA 2:1

Aɗaba taŋa, say gekwa metsehe a bazlam ata kà tsarakukwa ya lele, na dite ka, ka dzeyekwa ika vatwa ŋgwal ŋana ya tsiye.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 4:1

Akahər ata ka, Mbulum aka tsik duwa i sida ya. A gwa ka, a ta vile a kwa a vatwa aà mede a təv mendze ŋgar ata zayya, ki sìfìkikwe a iɗəm ba ya. Dukw ata ka, aka mbər metsike a kwa i sida ya ka, a riŋ hiywe, a dzeye a tsa. Aɗaba taŋa, gekwa metsehe lele, dite ka, wura ilik ika magər kurum a, ma ta məts a dəba ze mede aɗəm tsa.

IBƏRANIKWA 4:11

Aɗaba taŋa, mərakwa aaka aba, dite ka, kə ŋgatakwa vatwa aà mede a təv mendze ŋgar ata zayya ŋa, ki sìfìkikwe a iɗəm ba ya. Gekwa metsehe, wura ilik ika magər kwa ya ma ta mà a dəba kamala gà tsir kwa ata ta gəs ahəm aà Mbulum tsiye tsa.

1 PIYER 5:12

Silas na a zlèk iye aà mewetse a kurumaha kəla wakita aaha ya. Aɗaba i sər, ŋgat ka, damər gà ndzer ŋa ana ika vatwa Mbulum a. I wetse a kurumaha bazlam aaha ka, aà məma a kurumaha à arəv, dite kə̀ ŋgatum ndzəɗa. I tsik a kurum taŋa ka, aka gər ŋgwal Mbulum ana a ge a kwe a nda ndzer kaɗəŋ a. Kamala taŋa ya na i tsik a kurum mbaŋa ya. Mərum aba aà dukw ata.