IBƏRANIKWA 13:21 - Bible Zulgo

²¹ I hemer a ka, dite mà zlak kurum, aà megemir ana ŋgwal ŋa tserdze, a waya ki gwimer a ya. Ŋgat ŋa nda gər ŋgar tekeɗe ka, ma ge megemir i gəzləŋ kwa nda ahər Yesuw, na dite mede kwa à tsehin ahər a ya. Mezlibe ma ge ka, biy Yesuw Kiristi aà biybiy. *Amin.

IBƏRANIKWA 13:21 Iomraidhean Croise

Mata 12:50

Aɗaba wur ana a ge a dukw ana a sàs a Mbulum Tsir gà ana i gər ŋa ya ka, ŋgat na a ne damər gà nda mama gà ya.»

Mata 21:31

A gwaɗa a tar: «Weke na i liwiŋ gà ɓəza ata sula ya, na a ge dukw ana tsir tar a waya ya?» Ta gwaɗar aaka: «Kəla aaha ndeɗiŋa malahalah ŋa ya.» Yesuw a gwaɗa a tar aaka mbaŋa: «Kinehe ka, iye ihər i tsik a kurum a nda ndzer: Gà ɓəzla duwan nda gà məkəs ana ti dzewe a à ba tar a ka, tì lèh a kurum a a mekwere Əbay Mbulum ana a ta kwere a mba ya.

Mata 28:20

Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Mata 6:13

Kasla mər lele ika vatwa yak a, aɗaba Əbay sitene ma dzik a mər, ma ta bana mər a bakal tsa.> {Aɗaba kər ka, Əbay, mala ndzəɗa ana a kwere a gà duwa, mburma tì zlibe à kər a tserdze aà biybiy a. *Amin.»}

Mata 7:21

Yesuw a gwaɗa a tar asa: «Aɗaba gà na ti zeliŋ a nda bazlam ɗekɗek masakəŋa vìrìɗìɗɗe, ta gweɗe a ya ka, ti sle a aà mede a *mekwere Mbulum tsa. Say gà na ta ge a dukw ana a sàs a Mbulum Tsir gà ana i gər ŋa ya dzekwiŋ, na ti de a ya.

Yuhana 17:23

Iye i ndze a i təv tar, kamala ana kər ki ndze a i təv ga ya, dite ti ne ba ilik, ti ndze a i təv ilik ŋa tserdze. Dite gà mburma ana ti zezem a gər ahəɗ a ka, tə sər dər, kər na kà slərra iye ya ndzer a. Tə sər mbaŋa ka, kər kà waya gà mburma yak kamala ana kər kà waya iye ya mbaŋa.

Yuhana 7:17

Wur ana a sasar a ge a dukw ana a tsahən aà Mbulum a ka, a sir a dər, guma gà aaha i tsik a ya ana, a dara ana, wànà i təv Mbulum a ya, tsəna, i madzala gà gər gà ya yà.

RUMA 11:36

A ge riŋ tsəka, aɗaba ŋgat na a ge duwa tserdze ya. A kesliŋa, a ger a gər asa mbaŋa. A ge dukw ata ka, a ba ŋgar. Zàmbaɗakwa à ŋgat aà biybiy. *Amin.

RUMA 16:27

Zàmbaɗakwa dər aà biybiy. Ŋgat ilik na metsehe ŋgar a za dukw tserdze ya. Ki zèmbeɗekwe a dər ka, aɗaba Yesuw Kiristi. *Amin.

2 Kurintiya 9:8

Aɗaba ŋgat ka, a sle a aà məvəla a kurum duwa hinne, dite ki ziwim a gər kurum fàgàr fàgàr, kuɗa duwa a ge a kurum a asa tsa. Kamala taŋa ya, duwa aà kurum hinne ka, ki gwim a dər ŋgwal a gà mìsle ŋgiɗ hinne mbaŋa.

GALATIYA 1:5

Zàmbaɗakwa à Mbulum ka, aà biybiy. *Amin.

EFESIYA 2:10

Aɗaba ŋgat na a ge kwa ya. A vəl a kwa mesife awiya ŋana nda ahər Yesuw Kiristi, dite ki gekwa dər megemir ŋgwal ŋana. Mbulum a ge aba megemir ata ya daga piŋŋe ka, dite kwa ka zazamakwa ndaka vatwa ŋa lele.

EFESIYA 2:18

Aɗaba kwa tserdze, ku mege gà Yahuda, ku mege gà Yahuda tsa tekeɗe ya ka, kə ŋgatakwa vatwa aà mesirikaha a təv Mbulum Tsir kwa ka, nda təv Yesuw Kiristi. Ama ki slekwe a aà mesirike a təv ŋgar ka, ndaka vatwa ilik ŋa nda ndzəɗa Mezite Mesife Mbulum.

FILIPIYA 1:11

Ki nwim a gà ɓəzla mege dukw ana ŋgwal ŋa ya. Ki gwim a kəla pat, dite mede kurum à pèt aba a ka, ŋgwal ŋa lele, nda ndzəɗa Yesuw Kiristi. Gà na tàa samata kataya ya ka, tì zèmbeɗe a à Mbulum, tì zlibe a à ŋgat lele.

FILIPIYA 2:11

Ku weke a gweɗe a parakkà: «Yesuw Kiristi na Batsah ŋa ika gər gà duwa ya tserdze ya.» Kamala taŋa ya, tì zlibe a à Mbulum Tsir ŋgar mbaŋa.

FILIPIYA 2:13

Aɗaba Mbulum a riŋ a ge a megemir i gəzləŋ kurum, na dite ki gwim a dukw ana a tsehin ahər a ya. A vile a kurum a ndzəɗa aà megemir ana ki gwim a ya mbaŋa.

FILIPIYA 4:13

I sər magəsa gəzləŋ i təv duwa tserdze ka, say nda təv Yesuw Kiristi ana a viliŋ a ndzəɗa ya.

FILIPIYA 4:18

Yàa ŋgat dukw ana kà slirwimiŋara nda ahər Apafaruditus a, aka ndzera aà iye ya. I samata dukw ata ka, a za i gər a dukw ana a sle aà iye ya. I dəba dukw ata kà slirwimiŋara ya ka, duwa aka sle aà iye ilik asa tsa. I ndze a ka, barbararra lele kuɗa. Gà dukw ata ka, gà ŋgwal ŋa ndzer, kamala dukw taf masakəŋa ana ta vile a a Mbulum, a ze a hwaŋŋà lele ika miɗ ŋgar, a tsahən ahər hinne ya.

KULUSIYA 3:17

Dukw ana ki gwim a ya, ndəna ki tsikwim a tserdze ya ka, gwim nda zləm Yesuw Kiristi BATSAH kwa ŋa. Ki gwim kəkaaha a Mbulum Tsir kwa nda zləm ŋgar mbaŋa.

KULUSIYA 3:20

A kurum gà ɓəza tekeɗe, gəsum ahəm aà gà tsir kurum, ku mege i təv dukula ya tserdze. Aɗaba na kàa gwim kataya ka, à tsehin a aà BATSAH kwa ŋa.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 TESALUNIKE 3:13

Kamala taŋa ya, BATSAH kwa ŋa ata a vile a kurum a ndzəɗa a gəzləŋ ɓəŋɓəŋ lele. A pat ana Yesuw Kiristi à mère a ya ka, bakal a ge a i təv kurum tsidze, ki ndzwim a tsəɗaŋŋa ika miɗ Mbulum Tsir kwa. A pat ata ka, gà Yesuw Kiristi nda gà mburma ŋgar tserdze na ta mère a ya.

1 TESALUNIKE 4:3

Aɗaba taŋa, dukw ana Mbulum a waya ka, nwim gà tsəɗaŋŋa ika miɗ ŋgar. Kamala megweɗe ya ka, ki gwim mezelme nda təv muva tsa.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

2 TESALUNIKE 2:17

na dite ta me a kurumehe a à arəv, ta vile a kurum a ndzəɗa aà mege dukw ana ŋgwal ŋa ya kəla pat, nda metsìkè dukw ana ŋgwal ŋa ya hiywe mbaŋa asa.

1 TIMUTE 1:17

Ku weke mà zàmbaɗa à Əbay Mbulum ana mekwere ŋgar a ndze a aà biybiy a. Ŋgat na nda gà mesife ana à ndìv a tsiye. Ŋgat ilik na Mbulum Batsah ŋa, mburma a sle aà meŋgeter a tsiye. Mezembeɗe ma ge ka, biy ŋgar ilik. *Amin.

1 TIMUTE 5:10

Dite megemir ŋgar ana a ge a ya, gà mburma tə sər dər ka, ŋgwal ŋa lele, kige tsa na aka gala gà ɓəza ŋgar nda metsehe lele ya, nda gà bəla a gewa gər a gà mbəlakw ana tə dawaha a ma ŋgar a, dite bəla a barawa ahəɗ aà sik a gà mburma Mbulum ana tə dawaha mbaŋa ya, kige tsa na bəla a zlàkawa gà ɓəzla mesewere are asa ya. Na kàa ŋgatar, a gewa gà megemir ana ŋgwal ŋa ya kataya ka, wetse ŋgat kuɗa.

1 TIMUTE 6:16

Aɗaba ŋgat ilik na a ndze a aà biybiy a. A ndze a ka, i təv dzaydzay ŋa ana wura a sle a aà mede aɗəm a tsiye. Wura a aka ŋgatar ilik tsa, dite kinehe tekeɗe, wura a riŋ a sle aà meŋgeter a zukw tsa asa ya mbaŋa. Gà mburma tə̀ zlə̀b à ŋgat, Əbay ŋgar ma ndza aà biybiy. *Amin.

2 TIMUTE 3:17

Mezite Mesife ata a ge dər kamala taŋa ya ka, na dite gà na ti ne gà mburma Mbulum a ka, ta hadzal ba aà mege dukw ana a sàs a Mbulum a. Aɗaba tàa ŋgat ndzəɗa a ahər tar, aà mege dukw ata ŋgwal ŋa ya tserdze.

2 TIMUTE 4:18

Ŋgat ka, a ta be a à iye i dukw ana ŋgwala tsiye tserdze asa mbaŋa. A kesle a iye lele, na dite i de a a təv mekwere ŋgar ana i gər ŋa ya ndzer a. Kamala taŋa ya, mezlibe ana tì zlibe a à ŋgat a ka, ma ne biy ŋgar aà biybiy. Zàmbaɗakwa à ŋgat. *Amin.

IBƏRANIKWA 10:36

Ama kə̀la ka, mərum aba lele, na dite ki gwim a dukw ana a sàs a Mbulum a ya. Na kàa gwim dər kataya ka, ki ta ŋgetwim a dukw ana a tsik i sida ya, a gwa, i ta vile a kurum a ya.

IBƏRANIKWA 12:23

Kurum riŋ ka, i təv mayahaba gər gà ɓəza Mbulum ana gà malkwara ŋa, a wetse zləm tar i wakita ŋgar i gər ŋana akahər ata piŋŋe ya. Kà dumara ka, a təv Mbulum ana a ta ge a seriye gà mburma tserdze ya. Kà zazamum ka, gà mburma ana ti ne gà ŋgwal ŋa ika miɗ Mbulum, Mbulum a ne à tar gà tsəɗaŋŋa ya.

IBƏRANIKWA 12:28

Kamala taŋa ya, gekwa kəkaaha a Mbulum, aɗaba ana a ti dze a kwe a Əbay i mekwere ŋgar ana a sle aà miɓezle a tsiye ya. Gekwar kəkaaha, aɗaba mekwere ŋgar ata ki ti zlìbekwe a iɗəm à ŋgat, nda gà megèr iɗəm magəɗa ya. Dite ka, ki gekwer a meslire ŋgar ndaka vatwa ana a tsahən ahər a mbaŋa.

IBƏRANIKWA 13:16

Mege dukw ana ŋgwal ŋa ya ka, ma ta məts a kurum gər tsa, zlakum ba lele. Aɗaba taŋa na a ne dukw masakəŋa ana a tsahən aà Mbulum a.

1 PIYER 2:5

Kinehe kurum tekeɗe ka, dumara, nwim gà kur ata mesife iɗəm, Mbulum à dzik a, à zlèzle a dər ga ŋgar ana Mezite Mesife ŋgar a ndze a iɗəm a. Vəlum vatwa a Yesuw Kiristi a gəzləŋ kurum, dite ka, mə vəl a kurum ndzəɗa, ma ne à kurum gà ɓəzla mandəva kuɗa a Mbulum ana gà tsəɗaŋŋa lele, ta viler a duwa masakəŋa, dite a tsahən aà ŋgat a.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.

2 Piyer 3:18

Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.

1 Yuhana 2:17

Sərum dər, gər ahəɗ aaha ka, a ndze a tsa, à ndìviŋa. Ku mege gà dukw ana iɗəm, gà mburma ta ge aaka a are tserdze ya tekeɗe ka, à ndìv a mbaŋa. Ama wur ana a ge a dukw ana Mbulum a waya ya ka, ŋgat a ndze a ka, aà biybiy.

1 Yuhana 3:22

A vile a kwe a dukw ana ki wizekwe a aà ŋgat a ya tserdze mbaŋa, aɗaba ana kàa gə̀sakwa məpala ahəm ŋgar, ki gekwer a ka, dukw ana a tsahən aà ŋgat mbaŋa ya.

Yuda 1:25

Gekwar kəkaaha, aɗaba ŋgat ilik na Mbulum a. Dite ŋgat asa na a mbala à kwa nda ahər Yesuw Kiristi BATSAH kwa ŋa ya. Ku weke mà zlə̀b à ŋgat, a gweɗe a: Ŋgat ka, batsah Əbay. Mekwere ŋgar ana a kwere a ya ka, à ndìv a tsa, daga aà gər ana piŋŋe ya, ku mege kinehe ya, a ndze a ka, aà biybiy. *Amin.

Sunwa Yuhana 4:6

Ika miɗ batsah təv mendze ata ka, duwa a riŋ kamala duluv a. A də̀v ka, twiytwiy kamala kwataramà ya, are a da iɗəm a ndzihndzih lele. I fata ka, gà dukuməŋa a riŋ faɗ, tə lawara təv mendze ata tits aka magər. Gà dukw ata ka, tar riŋ nda gà mesife. Are aà tar ndwatsndwatsutstswa hinne, nda dəba asa, ndaka miɗ asa fit dze.

Sunwa Yuhana 5:13

I dəba ŋa ya asa ka, i tsarakara gà dukw ana Mbulum a geye tar tserdze ya: Gà na i gər ŋa i Mbulum a, nda gà na ika gər ahəɗ a, dite nda gà na tar i biye, nda gà i huɗ yam a. Tar ata tserdze ya, tar riŋ tì lèh a dimis. I huɗ malàhà dimis tar ata tə lah a ka, ta gwa: «Zàmbaɗakwa à gà wele ana ŋgat mandza ŋa ika təv mendze Əbay a, nda wele ana ŋgat kamala Kəla Təmaŋ a. Zlə̀bakwa à tar. Aɗaba ndzəɗa tserdze a dara ka, i təv tar a. Ki gekwe a tar kəkaaha aà biybiy.»

Sunwa Yuhana 5:9

Tə lah dimis awiya ŋana. I huɗ malàhà dimis tar ata tì lèh a ya ka, ta gwa: «Kər na ŋgwal ŋa ika miɗ Mbulum, ka sle aà mazla wakita ata, dite ki ŋgeheke a ihər dukw ata magàsà ŋa ya. Aɗaba kər ka, tàa kəɗ kər kamala dukw ana ta kəɗ a Mbulum taf masakəŋa ya. Məmbəz yak ana kà dza dər a ka, kà mbùrùɗar dərra mburma a Mbulum a. Ku mege tə dara ika gà ahəɗ ana pampam ika gər ahəɗ tserdze ya, gà na slala tar pam, nda gà təv gà mendze tar pampam, kige tsa gà ahəm tar tekeɗe, pampam a. Kàa ndzəkara tar a, kàa dzàɗa a Mbulum.