IBƏRANIKWA 13:20 - Bible Zulgo

²⁰ Mbulum, mala məvəla mandza zayzay a mburma, a hitsera à Yesuw BATSAH kwa ŋa i məməta ya, a ne dər batsah ŋa. A kesle a kwa kamala mala makəva gà təmaŋ ana à kiv a tar a. A ge dər kataya ka, aɗaba məməta Yesuw ana a mət a. Nda məmbəz ŋgar ana a dza dər a ka, a gəs masla nda kwa, dite na a de a aka miɗ aka miɗ, à ndìv a tsiye.

IBƏRANIKWA 13:20 Iomraidhean Croise

Mata 26:28

Naha ka, məmbəz ga ana i ti dze a dər a bəɗ, aɗaba məpəla dər à bakal gà mburma ana ika gər ahəɗ hinne ya. Taŋa ka, dukw ana i sir a dər ba à gà mburma nda Mbulum hiywe aà biybiy a.

Markus 14:24

Yesuw a gwaɗa a tar: «Naha ka, məmbəz ga ana i ti dze a dər a bəɗ, aɗaba gà mburma ana ika gər ahəɗ hinne ya. Taŋa ka, dukw ana i sir a dər ba à gà mburma nda Mbulum hiywe aà biybiy a.

Luka 22:20

I dəba mazəma ɗaf ata ya ka, a zla kup meɗwìtsè mawà dukw makwàsà ŋa ata iɗəm asa mbaŋa, dite a vəl a tar, a gwaɗa a tar: «Kinehe ka, sum dukw aaha. Naha ka, mendzikiɗe ba masə̀ràba Mbulum awiya ŋana ti sir a ba nda gà mburma ya, agəra məmbəz ga ana i ti dzèye a dər aɗaba kurum a.}

Yuhana 10:11

Iye i ne ka, mala makəva gà dukw ana ŋgwal ŋa ya. Mala makəva gà dukw ata ŋgwal ŋa ya ka, aka hadzal ba aà medzeye à mesife ŋgar, agəra gà təmaŋ ŋgar.

Yuhana 10:14

Iye ka, i ne mala makəva gà dukw ana ŋgwal ŋa ya. I sər gà təmaŋ gà. Gà təmaŋ gà tekeɗe, tə sər iye mbaŋa,

Gà Ɓəzla Meslire 13:30

Ama Mbulum aka mbəlara à ŋgat i məməta ya.

Gà Ɓəzla Meslire 17:31

Aɗaba aka zla iɗəm pat ŋa ana a ta ge a seriye a mburma nda ndzer a. Seriye ata a ge a ya ka, nda ahər wele ana ŋgat ŋa a zla i liwiŋ mburma ya ya.*fa* A mbəlara à ŋgat i məməta ya, dite gà mburma tə sər dər ka, kaɗəŋ ndzer a.»

Gà Ɓəzla Meslire 2:24

Ama Mbulum aka hitse à ŋgat i məməta ya, a mesife. Dite aka be à ŋgat i ahər mesewere are məməta ya asa. Aɗaba a ge a ba tsa, na à mìts a i məməta hiywe ya.

Gà Ɓəzla Meslire 2:32

Mbulum aka mbəlara à Yesuw ana a tsik aà ŋgat a, a mesife ya, dite mər tserdze na gà ɓəzla sida ŋa ya.

Gà Ɓəzla Meslire 3:15

Kərga taŋa ya, kə̀ kəɗum wele ana a vile a kwe a mesife ya. Ama Mbulum aka mbəlara à ŋgat i məməta ya, a mesife, dite mər kinehe tekeɗe, gà ɓəzla sida ŋa.

Gà Ɓəzla Meslire 4:10

Araha kinehe ka, sərum dər, kurum tserdze nda gà asiŋ gà mburma Isərayel ana ɗa ya: Wele aaha a hitse aka miɗ kurum nda zay lele ka, nda ndzəɗa zləm Yesuw Kiristi ana a dara i Nazaret a. Ŋgat ana kà ndwandwayum ŋgat aà dizl magə̀làwà ŋa ya. Ama ka, Mbulum a mbəl à ŋgat i məməta ya a mesife.

Gà Ɓəzla Meslire 5:30

Kà ndwandwayum Yesuw aà dizl, a mət, ama Mbulum gà batsah tsir kwa a mbəlara à ŋgat i məməta ya.

RUMA 1:4

Ama i təv ana Mbulum a mbəlara à ŋgat i məməta ya, a ɗif dər ka, Kəla ŋgar ana a vəlar ndzəɗa aka gər gà duwa tserdze ya.

RUMA 10:7

Dite aàmala asa ya na ki dzele a i gər yak, ki gweɗe a ka: «Weke na a de a a biye a təv ana gà məməta iɗəm a ya?» Kamala megweɗe ya, aà mezelera iɗəm a mala məmbə̀là à mburma ata, aà ma dara ya. Aɗaba aka mbər məmbə̀lara iɗəm a.

RUMA 15:33

Mbulum, mala məvəla zayzay a mburma, ma ndza i təv kurum ilik ilik tserdze. *Amin.

RUMA 16:20

Kamala taŋa ya, Mbulum, mala məvəla zayzay a mburma, a vile a kurum a ndzəɗa bise, na dite ki hìnislwim a dər à ndzəɗa Əbay sitene ya. Yesuw Kiristi BATSAH kwa ŋa ma ge a kurum ŋgwal ŋa, mi pise a kurum ahəm.

RUMA 8:11

Ama na Mezite Mesife Mbulum ana a mbəlara à Yesuw Kiristi i məməta ya, dite Mezite Mesife ata a riŋ mandza ŋa i gəzləŋ kurum ka, taŋa ka, Mbulum a ta mbilere a à ba kurum i məməta ya nda ndzer mbaŋa, pàrsa iɗəm tsa. A ta ge a taŋa ka, nda ndzəɗa Mezite Mesife ŋgar ata mandza ŋa i gəzləŋ kurum a.

1 Kurintiya 14:33

Aɗaba dukw ana a de a ndaka vatwa ŋa tsiye ka, a tsahən aà Mbulum tsidze. A sasar ka, na ki ndzekwe a zayya lele ika magər kwa ya ivaɗ. Ama gà məkəs ana ika magər kurum a ka, ta ge kamala gà asiŋ gà məkəs ŋgiɗ ana ta gewa ika magər gà mayahaba gər gà mburma Mbulum a mbaŋa.

1 Kurintiya 15:15

Na mege kataya ka, taŋa mì sasa pàrsa aà Mbulum, aɗaba ana maa mbər metsike a mburma parakkà, Mbulum aka mbəlara à Kiristi i məməta ya ya, tsaatsa, pàrsa ya. Ama na Mbulum a mbilere a à mburma i məməta ya tsəka, taŋa ka, aka mbəlara à Kiristi iɗəm ɓav tsa mbaŋa.

1 Kurintiya 6:14

Mbulum na a mbəlara à BATSAH kwa ŋa ata i məməta ya ya. Kamala taŋa ya, kwa tekeɗe, a ta mbilere a à kwa ya nda ndzəɗa ŋgar a mbaŋa.

2 Kurintiya 13:11

Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.

2 Kurintiya 4:14

Mər ka, mì sər, Mbulum ana a mbəlara à Yesuw BATSAH kwa ŋa i məməta ya ka, a ta mbil à mər a kamala ana a mbəl à Yesuw a mbaŋa. A ti dzik akaba a kwa aka miɗ ŋgar nda gà kurum tserdze.

GALATIYA 1:1

Na wetse wakita aaha ka, iye Pul, mala meslire Yesuw Kiristi. Meslire ata i ge a ya ka, mburma na a slər ahər iye ya tsa. Dite kwets ti tike aɗəm iye metike ɓav tsa asa. Ama ka, Yesuw Kiristi na a slər ahər iye ya kəla, tar nda Mbulum Tsir kwa ana a mbəlara à ŋgat i məməta ya ya.

EFESIYA 1:20

Aɗaba ndzəɗa ata ka, ilik nda biy ana a zlak dər Yesuw Kiristi i təv ana a mbəlara à ŋgat i məməta ya, dite na a gwaɗar ka, ndza a təv mendze ŋgwal ŋana ika tsèke ahər mezime gà i gər ŋa ya.

FILIPIYA 4:9

Zazamum ka, gà dukw ana i ɗif a kurum dər, dite kà zazaɗum ba dər aba à dukw ana kà tsarakumara ika arah ga ya, kà ŋgatumar ka, meme na i ge a ya mbaŋa. Kamala taŋa ya, Mbulum ana a vile a kwe a matasla yam a gəzləŋ kwa ya ka, a ti ndze a nda gà kurum.

KULUSIYA 2:12

Aɗaba i təv ana ti tsilwiɓ à kurum a yam a ka, a ne kamala ana tàa le akaba kurum a biye, a təv ilik ŋa nda gà Yesuw Kiristi ya. Dite i təv ana kà dumara i yam a tekeɗe ka, a ne kamala ana kà mbəlum akabara i məməta ya nda gà ŋgat a təv ilik ŋa ya asa mbaŋa, aɗaba ana kàa gəsum ŋgat nda gəzləŋ, ka sərum dər ka, Mbulum na a mbəlara à ŋgat i məməta ya, dite ka sərum dər asa ka, ŋgat na a sle a aà məmbàlà à kurum i məməta ya mbaŋa ya.

1 TESALUNIKE 1:10

Kinehe ka, kurum ihər ki vevwim a Kəla ŋgar ana à mère a i gər ŋa i mbulum a ya. Kəla ata ka, Yesuw, wele ana Mbulum a mbəlara à ŋgat i məməta ya ya. Ŋgat na a ta beye a à kwa i matsəɓatsəɓ Mbulum ana mandza ŋa ika gər gà ɓəzla bakal a. A ta ge a ka, a pat seriye ŋgar ana aka ndze aɗəm a.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

2 TESALUNIKE 3:16

Mìi heme a a BATSAH kwa ŋana ŋgat mala məvəla zayzay a mburma ya, dite mə vəl a kurum matasla yam a gəzləŋ kəla pat ndaka vatwa ŋgiɗ pampam. BATSAH kwa ŋa ma ndza nda gà kurum tserdze.

IBƏRANIKWA 10:22

Aɗaba taŋa, gə̀sakwa Yesuw Kiristi nda gəzləŋ ilik lele. Madzala gà gər kwa ka, ma ge wàkit wàkit tsa. Dite sìrìkikwa a təv Mbulum ka, ndiɓ nda gəzləŋ ilik mbaŋa. Aɗaba Yesuw aka bara gəzləŋ kwa nda məmbəz ŋgar, dite aka bara kwa nda yam ŋgar ana tsəɗaŋŋa ya asa mbaŋa.

IBƏRANIKWA 10:29

Na tàa ge à gà mburma nda təv məpala ahəm Musa kataya seyiŋ ana, sakwàn nda wur ana a niw a bazlam Kəla Mbulum a ya? Na wura a niw bazlam ŋgar ata, nda gà bəla a niw a məmbəz ŋgar ana a ɗif dər à masəra ba gà Mbulum nda mburma, a ne tsəɗaŋŋa ivaɗ a, dite ka, bəsənnà à fir ahər a kamala za ya, nda gà bəla a ndeveye a a Mezite Mesife Mbulum ana a ger ŋgwal ŋa ya ka, a ŋget a seriye Mbulum ana mawùràba ŋa ya ndzer kaɗəŋ.

IBƏRANIKWA 9:20

I təv ana à gwetseke aà ter a ya ka, a gwaɗa a tar: «Məmbəz aaha ka, a ne kamala lambà ana ki sirwim a dər ka, masəra ba ana Mbulum aka gəs ba nda gà kurum, a sasar ki tikwimer a gər lele ya.»*fb*

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

1 PIYER 2:25

Piŋŋe ka, kà nwim kamala gà təmaŋ ana tàa dzeye ya. Ama kinehe ka, Mbulum aka màra à kurum a təv mala makəva kurum ana a kesle a gà mesife kurum kəla pat a.

1 PIYER 5:4

Na kàa gwim dər kataya ka, a pat ana Yesuw Kiristi Əbay gà ɓəzla makəva gà təmaŋ a dere a ya ka, a vile a kurum a dukw maya ba kurum ana a zè a gà dukw tserdze, a ndze a aà biybiy a.