IBƏRANIKWA 13:17 - Bible Zulgo

¹⁷ Gəsum ahəm aà gà na tə lah a kurum aka miɗ i təv magəsa Mbulum a. Dzum zləm a dukw ana ti tsik a kurum a ya. Aɗaba tar ka, gà ɓəzla makàslà kurum. Aləka dzìrìk ta hitse a aka miɗ Mbulum, ti tsiker a megemir tar ana ta geye ika gər ahəɗ a ya. Na kàa gəsum aà tar ahəm ka, ta ge a megemir Mbulum nda maŋgayaba ŋa. Ama na kàa gəsum aà tar ahəm tsəka, ta ge a megemir tar ka, turtur nda arəv ŋa, dite taŋa tekeɗe ka, a ge a kurum a ŋgulum ɓav tsa asa mbaŋa.

IBƏRANIKWA 13:17 Iomraidhean Croise

Luka 16:2

Wele ata a tsaraka kataya tsara ka, a zalaraha, a gwaɗar:

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

RUMA 14:12

Kamala taŋa ya, ku weke hə̀ndə̀sl bakal ŋgar à dèn a ŋgat, a tsik a parakkà ika miɗ Mbulum, na dukw ana a ge ya.

1 Kurintiya 16:16

Gəsum ahəm aà gà medzibe gà mburma ata. Hənum à gər a bəɗ a gà asiŋ gà na a ta ge a megemir Mbulum ika magər gà mburma Mbulum a lele, a təv ilik ŋa nda gà tar ata tserdze ya mbaŋa.

EFESIYA 5:21

Kurum ana ki zlìbwim a à Yesuw Kiristi ya ka, hənum ba à gər a bəɗ.

FILIPIYA 1:4

Meheme ata i hamawa aɗaba kurum a ka, nda gà maŋgayaba hinne.

FILIPIYA 2:12

A kurum gà masla gà ana i waya kurum hinne ya. Agəra ana kà sərum meme na Yesuw a gəs ahəm aà Mbulum a ka, kurum tekeɗe, gəsum ahər mbaŋa. Akahər ana iye i təv kurum a ka, kàa gəsum ahər ahəm lele. Ama kinehe, iye riŋ i təv kurum asa tsa tekeɗe ka, ki sìkèhwim a à metsehe, ki gwim a kataya hiywe. Kamala megweɗe ya: Mimbile ana Mbulum a mbəl à kurum a ka, say ki gwim a megemir ŋa nda ahər kurum ŋa mbaŋa. Ki gwim a ka, nda magəɗa Mbulum i ba slàɓ slàɓ, ki mirwim ahər aba a dzəŋdzəŋ lele.

FILIPIYA 2:16

Dite kurum asa mbaŋa na ki tsikwim a ter a bazlam ana a vile a mesife a mburma ya ya. Na kàa gwim kamala taŋa ya ka, a pat ana Yesuw Kiristi à mère a ya ka, i ŋgeye a ba ika miɗ ŋgar, aɗaba kurum. Aɗaba i sir a dər, megemir gà ana i ge nda mawura ba ŋa tserdze ya ka, i ya ba ka, taf masakəŋa tsa.

FILIPIYA 2:29

Kamala taŋa ya, na bəla aləka aka ndzeha ka, gəsum ŋgat nda maŋgayaba lele, aɗaba ŋgat ka, damər kurum ana ika vatwa BATSAH kwa ŋa ya. Zlə̀bum à medzibe gà mburma ata kamala ŋgat a ya.

FILIPIYA 3:18

Aɗaba gà mburma riŋ hinne na mede tar à pèt a ka, tar gà ɓəzla mene are a Kiristi ana a mət aà dizl magə̀làwà ŋa ya. Yàa tsikeye a kurum gà dukw ata ka, sik diŋ. Ama kinehe ka, i tsik a kurum a asa hiywe. I tsik a kurum a ka, ɓə̀zl ɓə̀zl nda gà tuwa aà are.

FILIPIYA 4:1

Aɗaba taŋa, gà damər gà ana i waya kurum hinne ya, ndzum ka, nda gà ndzəɗa ɓəŋɓəŋ lele, na i huɗ mendze kurum ana kurum mandza ŋa i təv ilik ŋa nda gà BATSAH kwa ŋa ya. I waya kurum hinne, ki kìvwimiŋŋa, a sèsiŋ na i ŋget a kurum a asa ya. Iye ihər i ŋgeye a ba aɗaba kurum. Kurum kà nwim ka, gà ɓəzla sida megemir gà ana i ge ŋgwal ŋa ya.

2 TESALUNIKE 3:14

Na bəla wura a sasar magəsa ahəm aà dukw ana mì wetse i huɗ wakita aaha ya tsəka, sərum dər, wele ata ka, ka tə ndzum akaba i təv ilik ŋa nda gà ŋgat asa tsa, na dite ka, hwarwa a ger a ya.

1 TIMUTE 5:17

Gà bàba ŋana tar riŋ ta ge a megemir ndaka vatwa ŋa ika magər gà mburma Mbulum a ka, zlə̀bum à tar hinne. Ta ŋgat dukw maya ba tar mbaŋa. Ndeyndey ŋa ka, gà na tar riŋ ti tsik a bazlam Mbulum, ti ɗif a à guma ŋgar a mburma ya.

IBƏRANIKWA 13:24

Gwim wusa a gà bàba ŋa na ika magər kurum gà mburma Mbulum tserdze ya. Ki gwim a gà mburma Mbulum ana tserdze ya mbaŋa asa. Gà damər kwa ana ika ahəɗ Italiya ya, ta ge a kurumaha wusa asa mbaŋa.

IBƏRANIKWA 13:7

Gà na tə lah meɗe a kurum à vatwa, ti tsik a kurum bazlam Mbulum a ka, tə ta məts a kurum gər tsa. Dzalum gà gər aka mendze tar ana tə ndza ɗa ya, dite meme na ta mata ya asa mbaŋa. Zazamum ka, megìse tar ana ta gəs Mbulum nda gəzləŋ a mbaŋa.

YAKUBA 4:7

Aɗaba taŋa, gəsum ahəm aà Mbulum. Məsakum à Əbay sitene, dite a vel a à kurum a.

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*