IBƏRANIKWA 12:3 - Bible Zulgo

³ Dzalum a təv Yesuw ana a gəs gəzləŋ i təv mesewere are ana a sèwèr akahər ata ya, dite meme na ndelèɓ ndelèɓ a sèwèr are i ahər gà ɓəzla bakal ata ti ner are ya ya. Dzalum a təv ŋgar, na dite a me a kurum a à ndzəɗa a ba, ki ywim a ba tsiye.

IBƏRANIKWA 12:3 Iomraidhean Croise

Mata 11:19

Ama iye, *wur ana a dara i təv Mbulum a, i dara ka, i zəmawa ɗaf, i sawa dukw ana makwàsà ŋa ya, ta gwa aà iye ka: Ama metsehe Mbulum a pèt a aba lele ka, nda təv megemir ŋgar ana a ge a ya.»

Mata 12:24

Gà *Farisa tə tsaraka kataya ka, ta gwa: «Awaŋ, a ge a ka, wele aaha a delewe a gà sitene aà mburma ya ka, nda ahər *Beldzebul, Əbay sitene. Ŋgat na a vəlar ndzəɗa ya, tsəka, a sle a tsa.»

Mata 15:2

«Aàla na gà ɓəzla mazazama kər ka, ta gəs mezezeme fəla gà tsir mər ana akahər ata ya tsiye? Aɗaba tar tə zəmawa ɗaf ka, ze məbàrà ahər kamala ana fəla gà tsir mər a tsik a tsiye.»

Mata 21:23

I dəba ŋa ya, gà Yesuw ti ndzeha a Yeruzalem asa ka, a daha, a pəts a ga Mbulum batsah ŋa ata. A daha, a dza ba aà metsìkè bazlam Mbulum a mburma. Zàmma tsəka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya, tə daha a təv ŋgar. Tə daha ka, ta gwaɗar: «Ki ge a duwa kamala taŋa ya ana, nda ndzəɗa weke? Weke na a slərra kər, a vəlak ndzəɗa ŋa dze ya?»

Mata 21:46

I fataya tsara ka, ti yaha vatwa aà magəsa Yesuw. Ama ka, magəɗa a ge a tar aà magəsa ŋa. Aɗaba gà mburma a riŋ hinne i fata, ta fə̀r aà ŋgat ka, mala məma à guma Mbulum ndzer. e

Mata 22:15

I dəba ŋa ya, gà *Farisa tə daha, ti yahaba gər, dite ta mà akaba à bazlam ika magər tar. Aɗaba a sàs a tar ka, maslàlà à Yesuw i yam a, dite ka, meme na ki gìsekwe a ŋgat i təv bazlam ŋgar ana a tsik a ya.

Luka 14:1

A pat mesìfìkà ba duwa, Yesuw a da a ga a bəra Əbay gà *Farisa duwa, aà mazəma ɗaf. A daha ka, a leha aà wele duwa, kwiye ba ŋgar fit meslesle ŋa gùvgùvuvva a riŋ ika miɗ ŋgar i fata. Ama gà asiŋ gà mburma ana tar riŋ i fataya, tseŋgikkè ta ge a metsehe lele aà dukw ana Yesuw a riŋ a ge a ya.

Luka 15:2

Aləka gà *Farisa nda gà ɓəzla medzeŋge məpala ahəm Mbulum ta ŋgat a tar kataya tsara ka, ta ge arəv hinne, tə dza akaba bazlam ŋgùra ŋgùra ŋgùra hinne ika magər tar. Ta gwa: «Wele aaha à gis a aba gà ɓəzla bakal lele, naha ti zim akaba a dukw mezime ana, meme?»

Luka 16:14

Gà *Farisa tə tsaraka bazlam ata Yesuw a tsik a ka, tə sawla ahər hinne, aɗaba ana tar ta waya siŋgwe hinne ya.

Luka 2:34

Simeyun a pise a tar ahəm, a gwaɗa a mama Yesuw: «Mbulum a zla kəla aaha ka, aà madzàwà à gà Isərayel hinne aà mbulum a. Dite aà mehitse à gà asiŋ ŋa aà mbulum hinne asa. Ŋgat na a ɗif a à vatwa ndzer ŋa ya. Ama ka, gà mburma hinne ti ti niw a ŋgat.

Luka 5:21

Aləka i dəba ŋa ya asa, gà ɓəzla medzeŋge məpala ahəm Mbulum ata nda gà Farisa ya, tə dza ba aà madzala ŋa nda gà gər. Ta gwa: «Wele aaha dze ana, weke, na ŋgat ka, a tsik a duwa aà Mbulum kataya, a ndeveyer a ya? Weke na a sle aà məpəla à bakal a mburma ya, na Mbulum ilik tsiye?»

Yuhana 10:20

Gà asiŋ gà mìsle ŋgiɗ hinne ta gwa: «Sitene na i ba ŋgar a. Aàmala na ki dzèkwe a zləm a mifefile mala mibe a dala ya?»

Yuhana 18:22

Yesuw a tsik kataya tsara ka, mala makàslà ga Mbulum ilik ika magər tar ata i fataya, pay a lak a Yesuw, dite i dəba ŋa ya, a gwaɗar: «Kataya ya, na ki fèfil a a batsah mala mandəva kuɗa a Mbulum a?»

Yuhana 5:16

Aɗaba taŋa na gà bàba gà Yahuda ata tə dza ba aà mene are a Yesuw a, agəra ana a mbəl à wele ata a pat mesìfìkà ba ya.

Yuhana 7:12

Gà mburma tserdze ti tsikeye bazlam pampam nda akəl aka gər ŋgar hinne. Gà mìsle ŋgiɗ ka, ta gwa: «Wele ŋa ka, ŋgwal mburma.» Ama gà biy ŋgiɗ aaha ta gwa i tar: «Kataya tsa, ŋgwal mburma tsa, a bene a mburma.»

Yuhana 8:13

Gà *Farisa a riŋ i fata, tə tsaraka kataya ka, ta gwaɗar: «Kər ki gebe a sida ba yak nda ahər yak pəra ana, meme na mìi sir a dər, ka tsik ka, ndzer ŋa ya?»

Yuhana 8:52

Gà mburma ata ta gwaɗar: «Ama mì sər kinehe ka, sitene i ba yak ndzer kuɗa. Akahər ata Abəraham aka mət, gà ɓəzla məma à guma Mbulum tekeɗe, tàa mata kuɗa ka, dite kər ki gweɗe a ka, wur ana aka gəs ahəm aà bazlam yak a ka, à mìt a tsidze ana, meme?

Yuhana 8:59

Tə tsaraka kataya ka, ta pala kur i bəɗ a, ta kelewa a dər ŋgat. Ama Yesuw a kaha ba aà tar a, ta ŋgatar asa tsa. I dəba ŋa ya ka, a dara aà tar i ga Mbulum batsah ŋa ata ya.

Yuhana 9:40

Gà asiŋ gà *Farisa ana i təv ŋgar a, tə tsaraka bazlam ata ka, tə tsam ahər, ta gwaɗar: «Wànà kər kù gwa ana, mər gà guluf ŋa mbaŋa ya?»

1 Kurintiya 15:58

Aɗaba taŋa, gà damər gà ana i waya kurum hinne ya. Ndzum ka, nda ndzəɗa ɓəŋɓəŋ lele, ka ti yum ba tsidze. Gwim megemir Yesuw BATSAH kwa ŋa ka, nda gəzləŋ ilik aka miɗ aka miɗ. Kurum kà sərum, megemir ana ki gwim a aɗaba ŋgat a ka, a ne a taf masakəŋa tsa.

2 Kurintiya 4:1

Mbulum a ge a mər ŋgwal ŋa hinne. A vəl a mər mege megemir aaha a ahər, na dite mìi tsik a bazlam ŋgwal ŋana a mburma ya. Aɗaba taŋa na mìi zle a ihər madzala gà gər mər a tsidze ya.

2 Kurintiya 4:16

Aɗaba taŋa na ki zlèkwe a ihər madzala gà gər kwa tsidze ya. Aɗaba ku mege ndzəɗa ba kwa mà nikiɗ tekeɗe ka, Mbulum a vile a kwe a ndzəɗa awiya ŋa a gəzləŋ, aà mazazama vatwa ŋgar kəla pat.

GALATIYA 6:9

Aɗaba taŋa, tàkwa aka miɗ aka miɗ nda mege dukw ana ŋgwal ŋa ya, ka ti yàkwa ba tsidze. Aɗaba na kàa yàkwa ba tsəka, aləka a təv məpàslà ahər Mbulum ana a tsik a ka, ki ta ŋgetekewe a dukw ana ŋgwal ŋa ya lele, kamala wele ana a pele a dukw ŋgar i bəɗ a ka, sik sik sik ŋgwal ŋa ya.

2 TESALUNIKE 3:13

Ama kurum gà damər mər ka, dum aka miɗ aka miɗ nda mege dukw ana ŋgwal ŋa ya, ka ti yum ba tsidze.

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

IBƏRANIKWA 12:5

Wànà bazlam ana Mbulum a tsik a kurum akahər ata aà məma a kurumaha aà arəv, a kurum gà ɓəza ŋgar a dze ana, a məts a kurum gər kəla ya? A gwa ka: «Na Batsah yak ŋa aka lakak, a tsikik a aà metsehe ka, gəs ahər lele, kəla gà. Na bəla a kwere akaba a kər ka, mà tsə̀ɓak i gəzləŋ tsa.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

1 PIYER 2:23

Ku mege ti tsik aà ŋgat dukw ana ŋgwal ŋa tsiye tekeɗe ka, aka mà a tar aɗəm à bakal ŋa tsa. Ti sèwèrer are hinne tekeɗe, aka dza aà tar magəɗa nda bazlam ɓav tsa asa. Ama a vəl ba ŋgar a ahər ka, a Mbulum ana ŋgat mala masàsà ikaba seriye bakal nda ndzer ŋa ya.

Sunwa Yuhana 2:3

Kurum riŋ ihər ki mirwim a aba a hinne, ku mege kurum riŋ ihər ki sèwèrwim a are aɗaba iye tekeɗe ka, kàa yum ba tsidze.