IBƏRANIKWA 12:27 - Bible Zulgo

²⁷ Bazlam ata a tsik, a gwa «sik ilik asa» ya ka, a ɗif a kwa dər, Mbulum a ti ndìv a à gà dukw ana a ge tserdze ya, na a ta ɓezle a ya, na dite ka, gà dukw ana ti sle aà miɓezle a tsiye, ti zehe a ya.

IBƏRANIKWA 12:27 Iomraidhean Croise

Mata 24:35

Gà kuvəl mbulum nda gər ahəɗ ka, tì ndìviŋa. Ama bazlam gà ka, à ndìv a tsa, a ndze a aà biybiy.»

RUMA 8:19

Aɗaba zləma gà dukw ana Mbulum a geye tserdze ya ka, tar riŋ ihər ta veviŋa. A sàs a tar ka, hinne na aà meŋgete a pat ana Mbulum a ta pèt a aba a gà ɓəza ŋgar ndərzayya i təv dzaydzay ŋa, na a vile a ter a mezlibe ata ya.

RUMA 8:21

Aɗaba pat ŋa a ndzere a ka, a ta mbìrwìɗere a kwa ya nda gà dukw ata a geye tar tserdze ya mbaŋa. Gà dukw ata ti ti ndze a ka, kamala gà ɓele ya asa tsa, dite ti dzeye a tsa asa mbaŋa. Tar nda gà ɓəza Mbulum ka, ta ŋget a mezlibe ana tì zlibe a à tar a, dite ti ziwe a gər tar kuɗa.

1 Kurintiya 7:31

Gà na ta ge a megemir nda dukw gər ahəɗ aaha ya tekeɗe, tə ndza ka, kamala ana tàa tike aaka madzala gà gər tar tsiye. Aɗaba gər ahəɗ aaha a ndza kamala naha kinehe ya ka, kwilkwèndeh à ndìviŋa.

IBƏRANIKWA 1:10

A gwa asa ka: «Kər na Batsah ŋa ya, ki ge gər ahəɗ akahər ata piŋŋe. Dite nda ahər yak asa na ki ge gəza mbulum a.

IBƏRANIKWA 13:14

Aɗaba kwa ana ɗa ika gər ahəɗ a ka, kàa ŋgatakwa təv mendze ana a ndze a aà biybiy a zukw tsa. Ama kwa ihər ki yehekwe a ka, na a dere a ika miɗ a mba ya.

IBƏRANIKWA 9:11

Ama kinehe ka, *Kiristi aka dara kaɗəŋ. Ŋgat ka, *batsah mala mandəva kuɗa a Mbulum. Gà ŋgwal gà dukw ana kə̀ ŋgatakwa kinehe ya ka, a dara ka, i təv ŋgar a. Ŋgat a ge a megemir ka, i təv ana a za mekìrìwè ga petek ana akahər ata ya. Təv ata ka, ŋgwal ŋa lele, dite ar ka, ŋgulum asa. Ama ka, gà mburma tsa na ta ge təv ata ya. Kamala megweɗe ya: Ta ge təv ata ika gər ahəɗ ɓav tsa asa mbaŋa.

Sunwa Yuhana 11:15

I dəba ŋa ya ka, gawla Mbulum matəsəla ŋana a vizl a mezleliŋ ŋgar. A vizl aɗəm ka, i tsarakara gà mifefile duwa ndzəɗa ŋa, a ɗeyera i mbulum a parakkà lele. I huɗ mifefile ata ya ka, ta gwa: «Gà Mbulum batsah kwa ŋa nda mala məmbə̀là à mburma ŋgar ana a zla ŋgat kamala Əbay a, na tar ihər ta kwere a gər ahəɗ a kuɗa. Mekwere tar ata a ndze a ka, aà biybiy.»

Sunwa Yuhana 21:1

I dəba ŋa ya asa ka, i ŋgataha a gà gəza mbulum awiya ŋana nda gər ahəɗ ana awiya ŋa ya. Ama gà gəza mbulum malahalah ŋana, nda gər ahəɗ malahalah ŋana ka, tar riŋ asa tsa, tàa dzeye. Dite batsah duluv tekeɗe, a riŋ asa tsa, aka dzeye mbaŋa.

Sunwa Yuhana 21:4

A ta bere a aà tar tuwa à are tar a tserdze. Ti ta mete a asa tsa, dite gà dukw ana à tsìɓ a ter a ya ka, a riŋ asa tsa mbaŋa. Ti tiwe a asa tsa, dite duwa ilik a ta wir aà ter a asa tsidze. Gà dukw ana gà miviye ŋa ya tserdze ka, ti ta ge a riŋ asa tsa.»

Sunwa Yuhana 21:5

I dəba ŋa ya ka, wele ana mandza ŋa ika təv mendze Əbay ata ya, a gwa: «Tsarakum, araha i ta geye a gà duwa tserdze ka, gà awiya ŋa.» I dəba ŋa ya asa ka, a gweɗiŋ: «Wetse taŋa fit aka wakita, aɗaba bazlam aaha ka, ndzer, pàrsa iɗəm tsa.»