IBƏRANIKWA 12:25 - Bible Zulgo

²⁵ Aɗaba taŋa, gwim metsehe, ka ti niwim Yesuw ana a riŋ à fèfil a kurum a kinehe ya tsa. Aɗaba gà mburma ana akahər ata tar mandza ŋa aà sik kwite Sinay a ka, ti niw bazlam wur ana a tsik a tar bazlam Mbulum ika gər ahəɗ a, a waya mibe a tar à ɗaf a. Ama ka, tàa beye tsa seyiŋ ana, sakwàn nda kwa ana kinehe ka, kwa riŋ ki tserekikwe a bazlam wur ana a dara i gər ŋa ya ya? Meme na ki ta beyekwe a ya, na kàa niwekwa bazlam ŋgar dze ya?

IBƏRANIKWA 12:25 Iomraidhean Croise

Mata 17:5

I təv ana a riŋ ihər à fèfil a mba ya ka, magùdwagùdwa a tarra aka gər tar a herrè, tits a le a tar. Zàmma tsəka, tə tsarakara iɗəm mifefile i huɗ magùdwagùdwa ata ya, Mbulum a gwaɗa a tarra: «Naha ka, Kəla gà mandərkwasla gà ana i waya hinne ya. Maŋgayaba gà fit dze ka, ika gər ŋgar. Dzum zləm a dukw ana a tsik a kurum a ya.»

Mata 8:4

I dəba ŋa ya, Yesuw a gwaɗa a wele ata: «Kinehe ka, ge metsehe lele, ka ti tsik a wura tsa. Ama kəla ka, da, ka ta pàt à ba yak a mala mandəva kuɗa a Mbulum, dite mà samata kər, ma sər dər ka, meme na kàa ndza kinehe kuɗa ya. I dəba ŋa ya, ka vəl dukw masakəŋana Musa a gwa i wakita ka, ki vilwim a a Mbulum a, dite na gà mburma ta ŋgeteke a, ti sir a dər ka, kàa mbəl kaɗəŋ a.»

Gà Ɓəzla Meslire 7:35

Musa ka, wele ana gà Isərayel ti niw ŋgat, ta gwaɗar ka: Ama ŋgat ka, Mbulum a zla ŋgat, a ne à ŋgat Əbay, mala məmbə̀là à tar. A slər ŋgat ka, nda ahər gawla Mbulum ata a pàt à ba ŋgar i huɗ bagur ata, akwa iɗəm ŋgaŋŋa ya.

1 TESALUNIKE 5:15

Na wura aka ge a kurum dukw ana ŋgwal ŋa tsiye ka, gwim metsehe, ka ta mumar aɗəm à bakal ŋa tsa. Ama hiywe geywim ba ka, dukw ana ŋgwal ŋa ya ika magər kurum, dite a gà asiŋ gà mburma tserdze mbaŋa.

2 TIMUTE 4:4

Ti ti dze a zləm aà dukw ana ndzer a asa tsa. Ti ti mbìɗ a aba nda təv gà guma ana pàrsa iɗəm a, ti ti dzer a zləm lele ivaɗ.

IBƏRANIKWA 1:1

Akahər ata ka, Mbulum aka fàfəl a gà bàba gà tsir kwa medzige diŋ. A slərawa gà ɓəzla məma à guma ŋgar a təv tar, ta màwa a tar à bazlam ŋgar ndaka vatwa ŋgiɗ pampam.

IBƏRANIKWA 11:7

Agəra megìse Nuhu ana a gəs Mbulum nda gəzləŋ akahər ata ya ka, a dzalawa aka dukw ana Mbulum a tsikewar, a ta ge a ba aka miɗ mba ya. Ku mege aka ŋgat a gà dukw ata ti ta ge a ba ya zukw tsa tekeɗe ka, aka gəs ahər ahəm. A làmbaɗa batsah slə̀làh yam ana gà mburma ŋgar tserdze ta beye dər à batsah yam ana a rah aka gər ahəɗ fèɗìɗe, dite ka, ti dzeye aɗəm asa tsiye. Nda megìse ŋgar ata a gəs Mbulum a ka, a pə̀z gər ahəɗ a bəɗ nda seriye. Gà mburma ana tə sər Mbulum tsiye ka, tàa dzeye fit. Kamala taŋa ya mbaŋa na Mbulum a zla ŋgat kamala mburma ŋgwal ŋa ya ika miɗ ŋgar ka, aɗaba megìse ŋgar ata a gəs ŋgat nda gəzləŋ a.*fc*

IBƏRANIKWA 12:19

Gà mburma ata tə tsaraka meɗè mezleliŋ ana a ɗera i fataya. Tə tsarakara mifefile ana a fàfəl a tarra ya mbaŋa. Mifefile ana tə tsarakara ya ka, a dza aà tar magəɗa hìriɓ hìriɓ hinne, ta ge kamkam, ta gwa, mə̀ fàfəl asa tsa.*fc*

IBƏRANIKWA 3:12

Gà damər gà, gwim metsehe, aɗaba gəzləŋ wura ika magər kurum ma ta ge makula ŋa kamala taŋa ya tsa, dite ka, a niw a magəsa Mbulum, à mbìɗer a dəba, a ŋgat ana mala məvəla mesife ya tsa.

IBƏRANIKWA 3:17

Mbulum a ge arəv dze ana, aka gà weke, na mive dzik faɗ a? A ge arəv ana, aka gər gà mburma ana ta ge bakal ka, dite ta mata fit i kusak a tsiye?

IBƏRANIKWA 8:5

Mege megemir ana ta gewa ya ka, mendzikiɗe ba ŋa ɗekɗek pəra. Ta gewa ka, mendzikiɗe ba megemir ana Yesuw, batsah mala mandəva kuɗa a Mbulum kwa a ge a riŋ i mbulum i gər ŋa ya. Mekìrìwè ga tar ata tekeɗe, mendzikiɗe ba təv ata Mbulum mandza ŋa iɗəm a mbaŋa. Ta kiriw ga ata ka, kamala ana Mbulum a tsik a Musa, a gwaɗar ka: «Ge metsehe lele, na dite ki ge a duwa tserdze kamala ana i ɗifek dər i gər kwite ya ya.»*fa*

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

Sunwa Yuhana 19:10

I tsaraka kataya ka, i dza gurmits a bəɗ aka miɗ ŋgar, i waya mazàmbàɗà à ŋgat. Ama a gweɗiŋ: «Ki ge kamala taŋa ya tsa. Aɗaba iye tekeɗe ka, mala mege megemir Mbulum taf masakəŋa, kamala kurum ana nda gà damər yak kà zazamum ndzer Yesuw ana a ɗif dər a ya. Seyiŋ tsa, zàmbaɗa ka, à Mbulum ivaɗ.» Ndzer Yesuw ata a ɗif dər a, na a vile a ndzəɗa a gà ɓəzla məma à guma ŋgar a.

Sunwa Yuhana 22:9

Ama ka, aka viliŋ vatwa tsa. A gweɗiŋ asa: «Iye tekeɗe ka, mala meslire Mbulum, kamala kurum ana nda gà damər yak kà màwum à guma ŋgar, kə̀ gə̀sawum ahəm aà gà bazlam ana i huɗ wakita aaha tserdze ya mbaŋa. Ama seyiŋ tsa, zàmbaɗa ka, à Mbulum ivaɗ.»