IBƏRANIKWA 12:24 - Bible Zulgo

²⁴ Kurum kà dumara ka, a təv Yesuw ana akahər ata a vəl masəra ba awiya ŋa aka magər gà Mbulum nda gà mburma ya. Dite kà dumara asa ka, a təv məmbəz ŋgar ana a dza dər aà məbàrà kwa dər gəzləŋ, dite a pàt ka, à dukw ana ŋgwal ŋa ndzəɗa ŋa, a za biy məmbəz Abel ana akahər ata ya.

IBƏRANIKWA 12:24 Iomraidhean Croise

Mata 23:35

Aɗaba taŋa, gà mburma ata kà batsum tar masakəŋa taf, bakal tar a riŋ tsiye tserdze, bakal ŋa ika gər kurum. Daga aà məməta Abel, mala mazazama Mbulum nda ndzer ŋana ta kəɗ akahər ata ya, tsikw aà məməta Zakari kəla Barakiya ana kə̀ kəɗum ika magər gà ga mahàmà a Mbulum batsah ŋana, nda təv ana ta batsawa aaka gà duwa a Mbulum a.*fa*

Mata 26:28

Naha ka, məmbəz ga ana i ti dze a dər a bəɗ, aɗaba məpəla dər à bakal gà mburma ana ika gər ahəɗ hinne ya. Taŋa ka, dukw ana i sir a dər ba à gà mburma nda Mbulum hiywe aà biybiy a.

Markus 14:24

Yesuw a gwaɗa a tar: «Naha ka, məmbəz ga ana i ti dze a dər a bəɗ, aɗaba gà mburma ana ika gər ahəɗ hinne ya. Taŋa ka, dukw ana i sir a dər ba à gà mburma nda Mbulum hiywe aà biybiy a.

Luka 11:51

Daga aà məməta Abel a, tsikw aà məməta Zakari ana ta kəɗ ika magər gà ga mahàmà a Mbulum batsah ŋana, nda təv ana ta batsawa aaka gà duwa a Mbulum a.*fa* Ama ka, iye ihər i tsik a kurum a nda ndzer: Kurum gà mburma ana kinehe ya, Mbulum a sèwèr a kurum a are agəra gà mburma ata ta bats tar a.

Luka 22:20

I dəba mazəma ɗaf ata ya ka, a zla kup meɗwìtsè mawà dukw makwàsà ŋa ata iɗəm asa mbaŋa, dite a vəl a tar, a gwaɗa a tar: «Kinehe ka, sum dukw aaha. Naha ka, mendzikiɗe ba masə̀ràba Mbulum awiya ŋana ti sir a ba nda gà mburma ya, agəra məmbəz ga ana i ti dzèye a dər aɗaba kurum a.}

GALATIYA 3:20

Wele ana mandza ŋa ika magər kamala taŋa ya ka, hiywe taŋa ka, ŋgat mala məmaya ahəm. Ama i təv ana Mbulum a tsik dukw ata i sida ya, a Abəraham a, a gwa, i ta vile a ya ka, a tsik taŋa ka, à gər ŋgar, tsəka, mala mendze ata ika magər ŋa ya ka, a riŋ a ge a ŋgulum tsa.

1 TIMUTE 2:5

Guma ata ka, biy mburma dze. Aɗaba Mbulum ka, ilik, dite wele ana a sər ba à gà mburma nda ŋgat a ka, ilik mbaŋa. Taŋa Yesuw Kiristi ana a ne mburma ya.

IBƏRANIKWA 10:22

Aɗaba taŋa, gə̀sakwa Yesuw Kiristi nda gəzləŋ ilik lele. Madzala gà gər kwa ka, ma ge wàkit wàkit tsa. Dite sìrìkikwa a təv Mbulum ka, ndiɓ nda gəzləŋ ilik mbaŋa. Aɗaba Yesuw aka bara gəzləŋ kwa nda məmbəz ŋgar, dite aka bara kwa nda yam ŋgar ana tsəɗaŋŋa ya asa mbaŋa.

IBƏRANIKWA 11:28

Agəra megìse ŋgar ana a gəs Mbulum nda gəzləŋ a ka, a lah mege megirive ana tə zalar Paska ya asa mbaŋa. A tsikeye a gà Isərayel, ta gwatsakaya dər məmbəz aà gà gùva biye hərmaga tar, aɗaba gawla Mbulum ana a dere a, a dzeye a à gà malkwara ya ka, ma ta bats aɗəm gà malkwara gà Isərayel tsa.*fp*

IBƏRANIKWA 11:4

Agəra megìse Abel ana a gəs Mbulum nda gəzləŋ akahər ata ya tekeɗe ka, a vəlar dukw taf masakəŋa. Dukw ana a vəlar a ka, ŋgwal ŋa, a za gà dukw ana damər ŋgar Kayinu a vəlar a. A tsahən aà Mbulum, a fə̀r ahər kamala mala ndzer ŋa ika miɗ ŋgar*fa* ka, agəra megìse ŋgar ana a gəs ŋgat a. Ŋgat a ɗif a kwa à dukw ata kataya ka, aɗaba ana a gəs dukw masakəŋa ata Abel a vəlar a. Ku mege kinehe aka mət tekeɗe ka, a riŋ a ɗif a kwe a à duwa mba hiywe, agəra ana a gəs Mbulum nda gəzləŋ a.

IBƏRANIKWA 13:20

Mbulum, mala məvəla mandza zayzay a mburma, a hitsera à Yesuw BATSAH kwa ŋa i məməta ya, a ne dər batsah ŋa. A kesle a kwa kamala mala makəva gà təmaŋ ana à kiv a tar a. A ge dər kataya ka, aɗaba məməta Yesuw ana a mət a. Nda məmbəz ŋgar ana a dza dər a ka, a gəs masla nda kwa, dite na a de a aka miɗ aka miɗ, à ndìv a tsiye.

IBƏRANIKWA 7:22

Aɗaba taŋa, kà sərakwa, magəsa ba kwa ana kinehe kə̀ gə̀sakwa ba nda gà Mbulum a ka, ŋgwal ŋa lele, a za dər biy na akahər ata a tsik i sida ya, a gwa, ki ti sirekwe a ba ya. Kà sərakwa dukw ata a ge ba nda ndzer ka, aɗaba Yesuw Kiristi.

IBƏRANIKWA 8:13

Kamala taŋa ya na Mbulum a fàfəl aka gər masəra ba ana à gis a ba awiya ŋa ya. A tsik kataya ka, kamala megweɗe ya: Malahalah masəra ba ata ta gəs ba ya ka, ndzəɗa ihər asa tsa, aka ne dər miviye ŋa. Ama kà sərakwa, dukw ana miviye ŋa ya ka, a ge a ŋgulum asa tsa, kwiɗèy aka à mendìve.

IBƏRANIKWA 8:6

Ama kà samatakwa kinehe Yesuw a ge a megemir ka, a za dər megemir gà ɓəzla mandəva kuɗa a Mbulum ata ta gewa ya hinne. Kamala taŋa ya tekeɗe, masəra ba ana Yesuw a sər dər ba à gà Mbulum nda mburma, ta gəs ba ya ka, ŋgwal ŋa hinne, a za dər masəra ba ana tə sər ba akahər ata ya mbaŋa. Aɗaba dukw ana Mbulum a tsik a kwa i sida ya, a gwa, i ta vile a kurum a ya ka, a za dər dukw ana a tsik piŋŋe, kə̀ ŋgatakwa ya.

IBƏRANIKWA 8:8

Ama kà sərakwa, malahalah masəra ba ata ta gəs ba ya ka, a sle tsa, aɗaba gà mburma Mbulum tàa miyak à bakal tar tsa. I dəba ŋa ya, Mbulum a pala ahəm, a gwa: «Araha, pat ŋa a riŋ a dere a ka, dite mìi sir a ba nda magəsa ba nda gà gwala Yuda, dite nda gà asiŋ gà Isərayel ŋgiɗ tserdze.

IBƏRANIKWA 9:15

Aɗaba taŋa, Kiristi ka, wele ana mandza ŋa ika magər gà Mbulum nda gà mburma, a sər ba à tar, a ɗif a tar à masəra ba awiya ŋana ta gis a ba ika magər tar a. Kamala taŋa ya, gà mburma ana Mbulum a pala tar, ti ne gà biy ŋgar a ka, ta ŋget a dukw ŋgwal ŋa ata a tsik a tar i sida ya, a gwa, i ta vile a ter a aà biybiy a ya. Dukw ata a ge a ba kataya ka, aɗaba Yesuw Kiristi ana a mət a. Məməta ŋgar ata a mət a ka, a mburuɗ dərra mburma i bakal tar ana ta gewa akahər ata piŋŋe, i təv ana tar riŋ i masəra ba tar ana miviye ŋa ata, Mbulum a gəs ba nda gà tar a.

IBƏRANIKWA 9:19

Akahər ata ka, Musa a lah meɗife à məpala ahəm Mbulum ana a tsik a tserdze, ika miɗ gà mburma. Dite i dəba ŋa ya, a daha, a tə̀f məmbəz gà kəla sla nda biy vugul ana ta bats a, a gaw akaba nda yam, a ndzək gà slàmbah dukw duwa tə zalar *izup, magàwà ŋa nda gasgas təmaŋ ana a ndza nduzzwa ya. A tsilwiɓ dər aɗəm, dite a daha, a gwatsaka aka wakita məpala ahəm tar, nda gà aà gà mburma ata tserdze ya mbaŋa.

IBƏRANIKWA 9:21

Kamala taŋa ya, Musa a gwatsakaya à məmbəz ata aà ga ata ta kiriw nda petek a, dite aka gà dukw ana tserdze, ta gewa dər megemir, tə zàmbaɗawa dər à Mbulum a mbaŋa.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.