IBƏRANIKWA 12:23 - Bible Zulgo

²³ Kurum riŋ ka, i təv mayahaba gər gà ɓəza Mbulum ana gà malkwara ŋa, a wetse zləm tar i wakita ŋgar i gər ŋana akahər ata piŋŋe ya. Kà dumara ka, a təv Mbulum ana a ta ge a seriye gà mburma tserdze ya. Kà zazamum ka, gà mburma ana ti ne gà ŋgwal ŋa ika miɗ Mbulum, Mbulum a ne à tar gà tsəɗaŋŋa ya.

IBƏRANIKWA 12:23 Iomraidhean Croise

Luka 10:20

Ama ka ta ŋgayum ba agəra ana gà sitene tàa gəs aà kurum ahəm a ɗekɗek tsa. Say ŋgeywim ba ka, agəra ana gà zləm kurum mewetse ŋa i təv Mbulum a ivaɗ.»

Yuhana 5:27

Ŋgat mbaŋa na a viliŋ ndzəɗa a iye, Kəla ŋgar, aà mege seriye aka gər gà mburma ya, aɗaba ana iye wele ana a dara i təv ŋgar a.

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

1 Kurintiya 13:12

Ama kinehe ka, are kwa a de a aba ya zukw tsa, ki ŋgetekewe a a gà duwa ka, zìyye kamala kwataramà ana ki fir a iɗəm a ka, kùlàhtàhha are a slala iɗəm a tsiye tə̀ma. Aləka a ndze a a tə̀vəməŋa mba ka, ki hitsekwe a aka miɗ Mbulum dzìrìk, ki ŋgetekewer a ndzùzlzlwa lele kuɗa. Kinehe ka, kà sərakwa ŋgat fit kweleŋ zukw tsa. Ama a pat ana aka ndzera ya ka, ki sirekwe a ŋgat lele kuɗa, kamala ana ŋgat a sər kwa kinehe ya mbaŋa.

1 Kurintiya 15:49

Ama kinehe ka, kà ndzìkìɗekwe ba wele ata Mbulum a ge ŋgat nda ahəɗ a tə̀ma. Aka miɗ mba ka, ki ti ndzìkìɗekwe a ba wele ata a dara i mbulum i gər ŋa ya kuɗa.

1 Kurintiya 15:54

I təv ana ba kwa à mbìɗ a ba ŋgiɗ kamala taŋa ya ka, taŋa dukw ana mewetse ŋa a riŋ i wakita Mbulum a, a ge a ba kuɗa. Ta gwa ka: «Məməta a riŋ asa tsa, Mbulum aka dzeye dər fit kweleŋ.

2 Kurintiya 5:8

Ama kaɗəŋ, ki ndzekwe a ɓəŋɓəŋ lele dukw ŋgar. A sàsakwa ka, ki miyekikwe a à ba aaha, na dite ki ti ndzekwe a i təv ilik ŋa nda gà BATSAH kwa ŋa ya.

EFESIYA 1:22

Mbulum a dza gà dukw tserdze aà huɗ sik ŋgar. A zla ŋgat, a tike ŋgat a Əbay gà dukw ata tserdze ya, a gwaɗar: «Kər kinehe ka, kàa ne Əbay gà mburma gà kuɗa.»

FILIPIYA 4:3

A kər masla gà ana ma ihər ki geme a megemir ŋa ilik a, iye ihər i gik a kamkam mbaŋa: Zlak gà məkəs ata, aɗaba tàa mər aba hinne, na i təv ana mì ge akaba mege megemir metsìkè bazlam ŋgwal ŋana biy Yesuw Kiristi a mburma ya, tar nda gà Kilemas, nda gà asiŋ gà ɓəzla megemir ana mì ge akaba megemir i təv ilik ŋa ya. Tar ata tserdze ya ka, Mbulum aka wetseye gà zləm tar a wakita a təv gà mburma ana ti ta ŋget a mesife awiya ya.

KULUSIYA 1:12

A sèsiŋ ka, ki gwim a kəkaaha a Mbulum Tsir kwa kəla pat nda gà maŋgayaba ata i gəzləŋ kurum mbaŋa asa. Aɗaba ŋgat na a vəl a kurum vatwa, na dite ki ta ŋgetwim a dukw ana ŋgwal ŋa, a ti dzeye a a gà mburma ŋgar a ya. Dukw ata ka, i təv dzaydzay ŋgar ana i gər ŋa, à div a hinne ya.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

1 TIMUTE 3:5

I tsik taŋa ka, aɗaba na wura aka sle aà magəsa gà mburma ana i ga i ma ŋgar a lele tsəna, meme na a sle a aà magəsa gà mburma Mbulum ɓav a?

IBƏRANIKWA 11:4

Agəra megìse Abel ana a gəs Mbulum nda gəzləŋ akahər ata ya tekeɗe ka, a vəlar dukw taf masakəŋa. Dukw ana a vəlar a ka, ŋgwal ŋa, a za gà dukw ana damər ŋgar Kayinu a vəlar a. A tsahən aà Mbulum, a fə̀r ahər kamala mala ndzer ŋa ika miɗ ŋgar*fa* ka, agəra megìse ŋgar ana a gəs ŋgat a. Ŋgat a ɗif a kwa à dukw ata kataya ka, aɗaba ana a gəs dukw masakəŋa ata Abel a vəlar a. Ku mege kinehe aka mət tekeɗe ka, a riŋ a ɗif a kwe a à duwa mba hiywe, agəra ana a gəs Mbulum nda gəzləŋ a.

IBƏRANIKWA 11:40

Aɗaba Mbulum a gwa ka, a ta vile a kwe a dukw ana ŋgwal ŋa, à zè a taŋa ya. A waya na a vile a ter ihər a dukw ata ŋgwal ŋa ya, à gər tar a tsa, say a təv ilik ŋa nda gà kwa tserdze.

IBƏRANIKWA 2:12

Kamala ana a gwaɗa a Mbulum ka: «A sèsiŋ i ɗif a à zləm yak a gà damər gà. I zlibe a à kər ika miɗ gà mburma yak ana mayahaba gər ŋa ya.»*fb*

IBƏRANIKWA 9:27

Kamala ana ku mege weke à mìt a ka, sik ilik pəra ya. Aka mət ka, dite i dəba ŋa ya, a de a aka miɗ seriye Mbulum kuɗa ya.

YAKUBA 1:18

Ŋgat na a waya, a vəl a kwa mesife awiya ŋa na i təv guma ŋgar ndzer ŋana a tsik a. A sasar na ka nekwa gà malahalah ŋana i liwiŋ gà dukw ana a ge tserdze ya.

1 PIYER 2:23

Ku mege ti tsik aà ŋgat dukw ana ŋgwal ŋa tsiye tekeɗe ka, aka mà a tar aɗəm à bakal ŋa tsa. Ti sèwèrer are hinne tekeɗe, aka dza aà tar magəɗa nda bazlam ɓav tsa asa. Ama a vəl ba ŋgar a ahər ka, a Mbulum ana ŋgat mala masàsà ikaba seriye bakal nda ndzer ŋa ya.

Sunwa Yuhana 13:8

Gà mburma ana ika gər ahəɗ a tserdze, ti ti dzèyer a gurmits a bəɗ. Ama say gà mburma ana tàa wetse zləm tar aka wakita gà na ta ŋget a mesife ya, na tì dzer a gurmits a bəɗ tsiye. Ama tar ka, tàa wetseye gà zləm tar daga aka ana tàa ge gər ahəɗ zukw tsiye ya. Wakita ata ka, biy Kəla Təmaŋ ana ta kəɗ a.

Sunwa Yuhana 14:4

Gà mburma ata ka, tar gà tsəɗaŋŋa, tàa ləm aà gà məkəs tsidze. Tar ti zezem a ka, Kəla Təmaŋ ata i sik a i sik a, haa a təv ana a de aɗəm a ya. Tar ti ne ka, gà biy Mbulum nda Kəla Təmaŋ. Tar na Mbulum a mbala à tar ika magər gà mburma ana ika gər ahəɗ a ya.

Sunwa Yuhana 20:15

Ku mege weke, na zləm ŋgar mewetse ŋa i huɗ wakita gà mburma ata tàa ŋgat mesife ya tsəka, tì yè a ŋgat a akwa ata kamala duluv a mbaŋa.

Sunwa Yuhana 6:11

I fataya ka, tə dzaya aka tar gà petek herrè ŋa tserdze, ku mege weke. Dite ta gwaɗa a tar: «Vavum zaakwa tə̀ma asa. Aɗaba say ta batsaya gà asiŋ gà damər kurum ana ta ge a megemir a Mbulum a asa dzekwiŋ, kamala ana ta batsaya kurum a mbaŋa ya. Aləka i təv ana aka geba fit kamala ana Mbulum a tsik a, tàa bats tar ka, seriye ata a ta ge a ba kuɗa.»

Sunwa Yuhana 6:9

I dəba ŋa ya asa ka, Kəla Təmaŋ ata a ŋgwàhaka ihər dukw magəsa wakita mazləm ŋana ya. Dite i ŋgataha a gà mezite gà məməta tar a riŋ aà huɗ təv ana ta batsawa aaka duwa a Mbulum a. Ta batsaya gà mburma ata ka, aɗaba ana ta gəs bazlam Mbulum lele, ti tsikewa a mburma ka, parakkà ya.